"Компьютерде қандай маңызды құрылғылар бар?" атты қысқа мерзімді жоспары

Мектеп: «Құрық ауылы №6 орта мектебі» КММ

Күні: 13.09.2018

Мұғалімнің есімі: Сактаганова А.Д.

Қатысқандар саны:

Қатыспағандар саны:

Оқу мақсаттары:

1. Компьютер және оның құрылғыларымен танысу. Процессор мен қатқыл дискінің қызметін қарапайым деңгейде түсіну.

2. Білім жетістіктерін әділ бағалауды қамтамасыз ету.

Жетістіктер критерийлері

Барлық оқушылар

1. Компьютер құрылғылары туралы білім алады.

2. Біліп үйренгендерін қолданып, практикалық және теориялық түрде берілген тапсырмаларды орындайды.

Оқушылардың басым бөлігі

Түсінеді, талдайды, білімін қолданып: компьютер, оның негізгі және қосымша құрылғыларының атқаратын қызметтерін біледі.

Кейбір оқушылар

Білімін жинақтайды, рефлексия жасайды: жүйелік блоктың қызметі және оның ішкі құрылысы туралы терең білім алады.

Өткен тақырып

«Өрмекші торы» стратегиясы арқылы өткен тақырыпты қайталау. Оқушылар дөңгеленіп тұрып, бір-біріне сұрақ қою арқылы өрмекші торын құрады.

Қолданылатын әдіс-тәсілдер

СТО, «Өрмекші торы», «Бес саусақ», «Джигсо».

Қолданылатын ресурстар

Флипчарт, слайд, оқулық.

Пәнаралық байланыс

Физика, қазақ тілі.

Жұмыс түрлері

Тапсырмалар, қосымшалар

Мұғалімнің іс-әрекеті

Оқушының іс-әрекеті (нәтижесі)

І кезең

Ұйымдастыру кезеңі

«Сәлемдесу» тренингі.

Оқушылар түрлі әдіспен бір-бірімен амандасады.

«Миға шабуыл». Берілген суреттерге қарап, жаңа тақырыпты анықтау.

Сынып оқушыларының зейінін сабаққа аудару.

Психологиялық ахуал қалыптастыру.

Топтастыру.

Джигсо таратпа қағаздары арқылы топтасу.

А, В. С топтарына бөлінеді.

Үй тапсырмасын тексеру

1. Қандай қауіпсіздік ережелерін білесіңдер?

2. Қандай көз жаттығулары бар?

3. Алғашқы жәрдем туралы не білесіңдер?

Мұғалім оқушылардың жауаптарын тыңдайды. Қажет болған жағдайда қосымша сұрақтар қояды.

Үй тапсырмасы бойынша берілген сұрақтарға жан-жақты жауап береді.

Топтағы оқушылар өз ойларымен бөліседі.

Қызығушылығын ояту, мәселе қою

«Көпір тапсырмасы» сұралады.

Компьютердің қандай мүмкіндіктерін білесіңдер?

Компьютер құрылғылары деген не?

Мұғалім жауаптарын тыңдайды, толықтырады.

Көпір тапсырмаларында берілген сұрақтарға әр топ сыни тұрғыдан ойлау арқылы жауап береді.

ІІ кезең

Теория бойынша «Білу», «Түсіну», «Талдау», «Жинақтау» тапсырмалары (топтық жұмыс, презентация, мұғаліммен бірге талдау)

Мазмұнды сызбамен жұмыс.

Әр топқп берілген тақырып бойынша: ақпарат ұғымы туралы мазмұнды сызба дайындау және қорғау тапсырмасы берілген.

1-топ. Компьютердің негізгі құрылғылары.

2-топ. Компьютердің қосымша құрылғылары.

3-топ. Жүйелік блоктың құрылысы (топтық жұмыс).

«Білу» тапсырмасы бойынша оқушылар сұрақтарға жауап береді.

«Түсіну» тапсырмасында берілген сыни сұрақтарға жауап береді.

«Талдау» тапсырмасындағы монитор түрлерін тауып, олардың мүмкіндіктері мен айырмашылықтарын анықтайды.

«Жинақтау» тапсырмасы бойынша компьютер құрылғыларының атқаратын қызметтерін және не үшін пайдаланатыны туралы дәптерлеріне жазады.

Жаңа сабақты меңгерту мақсатында жаңа ұғымдармен, материалдармен таныстыру, слайдтар көрсету арқылы мәліметтер беру.

Әр қадам тапсырмаларына нұсқау беру, тексеру.

Топ бойынша орындалған тапсырмаларды тексеру.

Оқушылардың мұндағы мақсаты – берілген тапсырмаларды қатесіз, топпен бірлесе отырып орындау.

Оқулықпен жұмыс жасау.

Қадам тапсырмаларын дұрыс орындау.

Сергіту сәті

«Қауіпсіздік ережесі» жаттығуын әуенге еріп орындау.

Оқушылармен бірге бейнероликті тамашалау.

Интербелсенді тақтадағы бейнероликті көріп, ой түйеді.

ІІІ кезең

«Қолдану» және «Бағалау» тапсырмалары

«Қолдану» тапсырмасы бойынша Интернеттен «RapidTyping» программасын жүктейді.

Пернетақтамен жаттығу жасайды.

«Бағалау» тапсырмасы бойынша компьютердің қосымша құрылғыларын қандай мақсатта қолданылатындығы туралы ой бөліседі.

Тақырып бойынша алған білімдерін практикада қолдану мақсатында практикалық тапсырмалар орындайды.

Теория бойынша өз ойларын айтады.

Оқушылар тақырып бойынша берілген тапсырмаларды компьютерде орындайды.

Теориялық білімін бекіту арқылы біліктілігі қалыптасады.

Бағалау, кері байланыс (бағалау парағы бойынша)

«Бес саусақ» әдісі бойынша топ мүшелері бірін-бірі бағалайды.

Стикерге сабақ туралы өз ойларын жазу.

Мұғалім оқушылар жауаптарын тексеріп, бағалау парағына бағалардың қойылғанын қадағалайды.

Оқушылар бірін-бірі бағалайды. Стикердегі кері байланыстарын тақтаға іледі.

Үй тапсырмасы: §2-ні оқу, процессор мен қатқыл дискінің қызметтерін игеру.

Оқушыларға бағдар беру, түсіндіру, үй тапсырмасының қалай орындалу керектігіне шолу жасау.

Оқушылар үй тапсырмасын орындайды.

Қорытынды: Сабақтың соңына дейін әр оқушы қадам тапсырмаларын үлгергенінше орындайды, қалғанын үйге алады. Сабақтың соңғы үш минутында сыныпта жинаған балл санын әр оқушы өздерінің жеке бағалау парағына белгілейді. Оған келесі сабақтың басында үйде жинағана балы қосылып, барлық балл саны мониторингке тіркеледі, сәйкес бағасы сынып журналына қойылады.

Қосымша ақпарат

Саралау: Оқушыларға алдыңғы тақырып бойынша білімдерін еске түсіруге бағыт беремін. Тапсырмалар топтық болғандықтан қабілеті жоғары оқушылар бар топтың тапсырмасын күрделі етіп беруге тырысамын.

Бағалау критерийлері бойынша әр оқушының қосқан үлесін әділ бағалауларына назар аударамын.

Оқушыларға қауіпсіздік ережелерін сақтау ескертіліп, АКТ-мен байланыс жасау. Бір-бірін топта тыңдау, сыйластық таныту. Бірлескен жұмыс нәтижесіне қол жеткізу.

Рефлексия:

1. Сабақ (оқу мақсаттары) шынайы ма? Бүгін оқушылар не білді? Сыныптағы ахуал қандай болды? Мен жоспарлаған саралау шаралары тиімді болды ма? Мен берілген уақыт ішінде үлгердім бе? Мен өз жоспарыма қандай түзетулер енгіздім және неліктен?

2. Қандай екі нәрсе табысты болды (оқытуды да, оқуды да ескеріңіз)?

1:

2:

3. Қандай екі нәрсе сабақты жақсарта алды (оқытуды да, оқуды да ескеріңіз)?

1:

2:

4. Сабақ туралы өз пікіріңізді жазыңыз.