Ортаңғы (3 жастан бастап), ересек (4 жастан бастап) жастағы топтарға арналған ҰОҚ конспектісі

Өткізу күні: 

Тәрбиеші:

Білім беру саласы: «Коммуникация»

Бөлімі: «Көркем әдебиет»

Тақырыбы: «Айна» (ертегісі) _

Мақсаты: балаларды «Айна» ертегісімен таныстыру.

Міндеттері:

Білімділік: балаларды ертегіні түсініп, мазмұнын мәнерлі айтуға үйрету ;

Дамытушылық: сөздік қорларын молайтып, сөйлеу қабілеттерін дамыту, қызығушылықтарын арттыру;

Тәрбиелік: адамгершілікке тәрбиелеу.

Сөздік жұмыс: керік

Қостілдік компоненет: кірпі - ёж, керік – жираф, қоян – заяц

Ресурстармен қамтамасыз ету: кейіпкерлердің суреттері

Ұйымдастырылған оқу қызметінің барысы:

1.Ұйымдастырушылық ізденіс:

Мотивациялық-Қозғаушылық

Шаттық шеңбер:

Еліміз аман болсын !

Анамыз аман болсын!

Деніміз сау болсын!

Бақшамыз гүлдене берсін!

Ғажайып сәт:

Мен жолда келе жатып, кішкентай ғана қорапша тауып алдым. Оның ішінде не бар екенін білгілерің келеді ме?

2.Негізгі бөлім:

Жұмбақ жасырады:

Жылтырақ бір әйнек,

Қарайсың сәндене.

Күлсең бірге күледі,

Қайталап бәрін де.

Ол не?

Кіріспе әңгіме.

• Балалар, менің қолымдағы қорапшаны ашып, қарап , оған жымияйықшы, ол не істейді екен.

• Бүгін біз «Айна» туралы ертегімен танысатын боламыз.

Жалпы мазмұнын айта кетеді.

«Айна» ертегісі.

Бір күні орманда кірпі, қоян және керік келе жатады. Олар ағаштардың арасынан бір нәрсенің жылтырағанын көріп, қарамақшы болып барады.

Кірпі бірінші болып қарап: « Мынау кім? Өзінің үсті басы тікенек – тікенек , бойы да, құлақтары да кішкентай, мұрны үп – үшкір екен», - дейді.

Екінші боп қоян келеді. Ол қарап: «Жоға! Қарасашы оның құлақтары ұп – ұзын, өзі үлпілдеген, көздері қызыл , мойыны да қысқа ғой », - дейді.

Ең соңғы боп керік келеді. Ол қарап: «Қайдағы мойыны қысқа? Мойыны да, бойы да ұзын, құлақтары кішкентай ғой», - деген екен.

Ертегіні қайта оқып береді.

Әңгімелесу.

• Балалар, сендерге ертегі ұнады ма?

• Қоян не деді?

• Кірпі не деді?

• Ал керік ше?

• Олар не тауып алды?

Сергіту сәті:

Өн бойымды тік ұстап,

Таянамын бүйірді.

Бастап кетем

Дұрыстап

Сәйгүлікше жүруді.

Бір! Екі! Бір! Екі!

(С. Қалиұлы)

3.Қорытынды:

Балаларға әртүрлі қимылдар жасатады:

Тікірейіп құлағы

Мене бұрын тұрады.

Бойын жазып керіліп,

Беті – қолын жуады.

Диалогты сөздермен балаларға ертегіні рөлдер арқылы ойнатады

Балаларды мақтап, мадақтайды.