Коучинг "Бақытыңды балаңнан ізде"

Коучинг сабақ туралы рефлексивті есеп

Бақылаушы жазбалары

I.Коучинг сабақтың тақырыбын негіздеу.

Мен коучинг сабағымның тақырыбын «Бақытыңды балаңнан ізде»деп алдым,өйткені жас ұрпақты қазіргі заман талабына сай ертең өз жолында кездескен қиыншылықтарды жеңуге, өз мәселелерін өздері шешуге, саналы шешім қабылдауға дайын болуға тәрбиелеп, оны қоғам мүддесіне жарату кезек күттірмейтін мәселе болып отыр.Аталған мәселені шешуде ХХІ ғасырда ата-аналардың мұғалімдермен ынтымақтастық аясы кеңеюі керек,олар бірлесіп жұмыс істеп,бала тәрбиелеудегі тиімді әдіс-тәсілдер мен идеялармен алмасып,сол арқылы күнделікті бала тәрбиелеуде қолданатын тәсілдердің ықпалын күшейте түседі.

Коучинг сабағымды 6 класс ата-аналарына өткіздім.Ондағы мақсатым - ата - ана мен бала арасындағы сенімді сыйластықты, бір - біріне деген сезімді нығайту, бала тәрбиесінің алғашқы алтын қазығы туған ұясы, өз отбасындағы ата - анатәрбиесі, өнегесі және баланың бас ұстазы ата - ана екенін түсіндіру.

Коучинг сабаққа 14 ата-ана және тәлімгерім Райымбаева Мейрамкүл Бектайызқызы қатысты.

II.Коучинг сабағының сипаттамасы және оныңөтуін бағалау.

Коучингті «Ұқсастық»тренингімен бастадым. Ата-аналарды дөңгелете тұрғызып,өз бойларындағы ұқсастықтарын бір-бірінен тапқызу арқылы қызығушылықтарын оятып алдым. Мұнан соң өз балаларын қаншалықты танитындықтарын байқау үшін «Кім жылдам» ойын стратегиясын пайдаландым.Осы дөңгелене тұрған

бойымен геометриялық фигуралар арқылы топтарға бөліп алдым.

Ата - ана бала үшін ең бірінші үлгі тұтар адамы, өзін көретін айнасы.Осы ой төңірегінде топ болып жұмыс жасап ойларын бала тәрбиесіндегі ойларын ортаға салу үшін әр топқа тапсырмалар бердім.

Бірінші топ - Бала тәрбиесіне қатысты қазаққа тән қандай қасиеттерді дұрыс деп санайсыз?

екінші топ- Бала үшін ата - ананың қайсысының беделі күшті деп ұғасыз?

ал үшінші топ – Бала тәрбиесі үшін отбасы жауапкершілігі басым ба, әлде мектептің жауапкершілігі басым ба?

төртінші-топ- Баланы еркін тәрбиелеген дұрыс па, қатаң

тәрбиелеген дұрыс па?

Әр топ бірлесе отырып, постер арқылы жұмыстарын қорғады. Әр топтың пікірлері әр-түрлі болды.

«Ата – ананың ақылы – қазулы қара жолмен тең» деп Дулат Бабатайұлы айтпақшы ата – ана баласының түйсігіне қандай із салса, бала сол жолмен жүре беретіні белгілі.

Сергіту сәті кезінде ата-аналар «Қызыл өрік» биін билеп,көңіл көтеріп алды.

Келесі тапсырмада ортаға жұмбақ кейіпкерді видеодан көрсеттім.

Жұмбақ кейіпкер: Мен 13 жастамын. Мен өзімді мазалаған ойларымды сіздермен бөліскелі келіп отырмын. Мен үйде жалғыз баламын. Ата – анам жұмыс басты адамдар. Жұмыс істеп жүріп, маған көңіл бөлуге, менімен әңгімелесуге де уақыт жоқ. Үнемі жалғызсырап жүремін. Сұраған ақшамды береді, барам деген жеріме жібереді. Маған ақшаның , байлықтың еш керегі жоқ. Маған тек ата – анамның аялы алақаны, мені еркелетіп бауырына басқаны керек. Ал менің ата – анам маған еш алаңдамайды. Өйткені, олар жұмыстан басқа еш нәрсені ойламайды. Бірде мынадай жағдай болды. Мен досымның үйіне барып, түнгі сағат 10 – ға дейін отырып қалдым. Үйге келсем ата – анам алаңдап отыр екен. Мен ата – анамның өзіме назар аударғанына іштей қуанып, осы жағдайды тағы қайталадым. Сондағы ойым ата – анамның көңілін, өзіме осы тәсілмен аудару, бірақ бұл жолы ата – анам маған дауыс көтеріп айқайлады. Мен мұнда ата – анамды жамандайын деп келгенім жоқ. Ата – анасына кім жамандық ойласын? Мен ата – анамның өзіме деген жылы сезімдерін қалай оята аламын? Маған осы жағынан көмек берсеңіздер екен. Менің орнымда болсаңыздар, сіздер не істер едіңіздер, достар?

Мұғалім: 1. Ата –аналар, бұл жағдайға не айтасыздар?

2.Балаға, ата – анасына қандай ақыл – кеңес айтар едіңіздер?

3.Осындай балалардан болашақта қандай азамат шығады деп ойлайсыздар?деген жетекші сұрақтар арқылы ата-аналар жұмбақ кейіпкерге өз ақыл кеңестерін берді.

Она әрі ата-аналарға «Егер балам қатыгез, қайырымсыз, өзімшіл болып өспесін десеңіз» бала тәрбиесінде мына қателіктерге жол бермеңіздер деп

жаднама таратылды.

1 - қателік «Егер сен мен қалағандай болмасаң мен сені жақсы көрмеймін»

2 - қателік «Не істесең оны істе маған бәрібір»

3 - қателік: Аса қаталдық «Мен не айтсам соны орындауың керек, өйткені мен үйдің басшысымын»

4 - қателік Балаларды тым еркелету

5 - қателік «Саған көңіл бөлуге уақытым жоқ»

6 - қателік Балаңызды тым көп ақшамен қамтамасыз ету

7 - қателік Баланың ісіне көңіл - күйіңізге қарап баға беру, яғни көңіл - күйіңіз нашар болса оның қуанышына ортақтаспау, әңгімесіне құлақ аспау.

Келесі кезекте «Ақ және қара жәшік» ойыны ойнатылып, «Егер мен баламнан бақытымды көргім келсе...». Бойындағы балаға бергісі келетін жағымды қасиеттерді- ақ жәшікке,жаман қасиеттерін -қара жәшікке салды.

Соңында критерий бойынша бағалатып, «Білім көзі-кітапта» дей отырып Кокучинг туралы кері байланысты стиккерлерге жазып ,кітап бетіне ілді.Коучингтің сәтті өткенін қызығушылықтарынан байқадым.

Ата - ананың бақыты баланың дұрыс адам болып өсуіне байланысты. Ал балалардың өздеріңізге бақыт сыйлайтын тұлға болып қалыптасуы, ата - аналар сіздерге байланысты дей отырып

«Қатты тәртіп көрсе бала күнінде,

Өнерімен қуантады түбінде.

Бала нені білсе жастан, ұядан -

Өле - өлгенше соны таныр қиядан

Өнер - білім берем десең басынан,

Бер оқуға балаларды жасынан.

Ата - анадан өсіп ұрпақ тараған

Жақсы - жаман болса бала солардан»,-деген Жүсіп Баласағұнның сөзімен коучингті аяқтадым.