Коучинг "Іс әрекетті зерттеу"

Тақырыбы:

Іс –әрекеттегі зерттеу тәжірибені жетілдірудің тиімді жолы

Мақсаты:

Мектеп базасындағы іс - әрекеттегі зерттеу үдерісі туралы жалпы түсінік қалыптастыру және оқушыны жеке тұлға ретінде қалыптастырудың әдістемесін ұғындыру

Іс-әрекеттегі зерттеуді жүргізу нәтижесінде мұғалімдердің кәсіби біліктілігін дамыту

Оқытуда күтілетін нәтижелер

• Шағын топтарда жұмыс жасап талдайды.

• Теориялық білімдерін практикамен ұштастырады.

Ресурстар

Ватман, стикерлер, қаламдар, түрлі –түсті маркерлер мен қағаздар, кәмпиттер жіп, қысқыштар

Бір https://anyflip.com/yktya/xskg/

Екі https://anyflip.com/yktya/qppz/

Жаттығулар мен бірлескен жұмысқа негізделген тәсілдер:

Жаттығулар

Коучтың іс- әрекеті

Мұғалімдердің іс-әрекеті

Тренинг «Мені тыңда»

1 әрекет

Ұстаздарды жұптастырып тұрғызу . Мен сізге сәттілік тілеймін сөзін үш түрлі іс-әрекетпен айтқызу.

-Осы 3 әрекеттен не байқадыңыз?

-Қай әрекет сізге жақсы әсер етті?

Қорытынды сөз

Үнемі оқушымен тең дәрежелі ой бөлісу, пікірлесу, теріс қарап жауап бермеу.

Оқушы үнін тыңдай білуге үйренейік.

1.Бір-бірімен жұптасып қолынан ұстайды.

2.Теріс қарап тұрып «Мен сізге сәттілік тілеймін» деп айтады

3.Біреуі отырып, екіншісі тұрып айтады.Өз ойларын айтады.

Топқа бөлу

2 әрекет

Сұрақ: Іс-әрекеттегі зерттеу үшін қандай жұмыстар, зерттеулер жүргізіледі?

Мұғалімдер топқа бөлінеді

Ой шақыру

3 әрекет

І.. «Дұрысын тап» Топтық жұмыс

Топтарға қорапшалар беріледі. Қорапшаларда іс-әрекеттегі зерттеу этаптарына байланысты әртүрлі заттар бар . Топ мүшелері заттарды іс-әрекеттегі зерттеу этаптарына қандай байланысы барына қарай рет-ретімен орналастырады. Іс-әрекеттегі зерттеу.

1. Лупа.Іс-әрекеттегі зерттеуді неден бастау керек?

2. Дәптер, анкета, журнал.

3. Нысана. ( Мишень)

4. Таза қағаз.

5.Фотоаппарат, видео камера, анкета

6. Плюс, минус стикерлері

7. Спираль.

8. Диск, педагогикалық журнал

ІІ. Іс-әрекеттегі зерттеу кезеңдері туралы слайдтармен жұмыс Слайдтан " Іс-әрекеттегі зерттеу неден басталады? ", "Мұғалімдер іс-әрекеттегі зерттеуді қалай жүргізеді?» Диалогқа қатысады, осы тақырып бойынша не білетіндерімен бөліседі. Ойлана отырып жауап іздеп, өз ойларын ортаға салады. Зерттеу жүргізуде қадамдарын нақтылап, ашық сұрақтарғажауап іздейік. Нәтижесінде зерттеу жүргізутүсіндірме арқылы ұсынылады.

Іс-әрекеттегі зерттеу жүргізу жолдары: (Элейн Уилсон)

1. Іс-әрекеттегі зерттеуді неден бастау керек? Проблемадан бастау керек, проблема- бұл сені толғандыратын нәрсе. Не дұрыс емес? Неге?

2. Проблема туралы мәлімет жинау. Бұл – біз проблеманы байқаған жеріміз.

3. Өзгеріс енгізу мақсаты мен нысанын анықтау. Мақсат- бұл сіз неге жеткіңіз келеді?

4. Өзгеріс енгізуді жоспарлау -ойларымызды, әдістемелерімізді жетілдіреміз. Сабақ жоспарын жазғанда оқыту үдерісіне қатысты қажетті әдістерді таңдап, әзірлеу керек.

5.Дәлелдемелер жинаймыз. Ойланайық, мен дәлелдемелер қалай жинаймын? Мен өзгерістер жайлы қалай білемін?

6. Нәтижені бағалау. Не сәтті болды, не сәтсіз болды анықтаймыз. Күтілетін нәтиже орындалды ма? Мақсатқа жеттік пе? Нені жақсарту керек?

7. Нәтижеге бірден жете алмаймыз, сондықтан іс-әрекетті бірнеше рет нәтижеге жеткенше қайталау керек.

8. Іс-әрекеттегі зерттеуді нәтижесі мектепте, желілік қауымдастықта таратылады.

ІІІ. Мұғалім іс-әрекеттегі зерттеуді қалай жоспарлайды? .

Мұғалімдерге іс-әрекеттегі зерттеуді жоспарлау ұсынылады.;

ІV. Түйінді идея. Мұғалімнің іс-әрекеттегі зерттеуі. Коуч қатысушыларға проблеманы дұрыс анықтап, зерттеу сұрағын нақты қою жолдарын слайдтармен көрсетеді. Әр топ өздеріне қатысты бір проблеманы анықтап, зерттеу тақырыбын, зерттеу сұрағын, зерттеу мақсатын, күтілетін нәтиже, әрекет жоспарын құрады.Постер қорғайды. Мұғалімнің іс-әрекеттегі зерттеуі туралы түйінді идея нақтыланады.

Кері байланыс:

1.Проблемадан. (қағазға проблема деп жазып іледі)Яғни, проблемадан бастау керек, проблема- бұл сені толғандыратын нәрсе. Не дұрыс емес? Неге?

2.Проблема туралы мәлімет жинау. (Мәлімет деп жазып іледі) Бұл – біз проблеманы байқаған жеріміз.

3.Мақсат қоямыз. (Мақсат деп жазып іледі) Мақсат- бұл сіз неге жеткіңіз келеді?

4.Ойларымызды, әдістемелерімізді жазамыз. (Іс-әрекет деп жазып іледі) Таза қағазды аударсақ , артында сабақ жоспары жазылған. Оған біз өзіміздің жаңа идеяларымызды жазамыз. Сөйтіп, бұл парақ проектіге айналады.

5. Дәлелдемелер жинаймыз. (Дәлелдемелер деп жазып іледі)Ойланайық, мен дәлелдемелер қалай жинаймын. Мен өзгерістер жайлы қалай білемін?

6. Не сәтті болды, не сәтсіз болды анықтаймыз. (Нәтижені бағалау қағазы ілінеді)Күтілетін нәтиже орындалды ма? Мақсатқа жеттік пе? Нені жақсарту керек?

7.Спиральдың не қатысы бар? Нәтижеге бірден жете алмаймыз, сондықтан іс-әрекетті бірнеше рет нәтижеге жеткенше қайталау керек. (Спираль сөзін ортаға орналастырамыз)

. 8.Іс-әрекеттегі зерттеудіңнәтижесі мектепте, желілік қауымдастықта таратылады. Экраннан зерттеу этаптары көрсетілгеннен соң топтар өз жауаптарын салыстырады, ауыстырып алған кезеңдері болса түсінеді

ІІ. Қорапшалардағы іс-әрекеттегі зерттеу этаптарына байланысты әртүрлі заттарды рет-ретімен орналастырады.

1-топқа: Сынып ішінде жүргізілетін іс-әрекеттегі зерттеу жоспары

2-топқа: Әдістемелік бірлестік ішінде жүргізілетін іс-әрекеттегі зерттеу жоспары;

3-топқа: Мектепішілік бір проблемаға байланысты жүргізілетін зерттеу жоспары.