Коучинг жоспары. Тақырыбы:Сабақта оқыту үшін бағалауды пайдалану

Коучинг жоспары

«Сабақта оқыту үшін бағалауды пайдалану» тақырыбында өткізілген коучингтің рефлексивтік есебі

Оқыту мен оқудың озық тәсілдерін меңгермей, оқушыға сапалы білім беру мүмкін еместігі дәлелденуде.Үйренсем, білсем, қолдансам деген мақсат тек оқушыда ғана емес, ұстаздарда да болу керек. Ұдайы оқу болмаса жан-жақты, сапалы маман болу мүмкін емес. Табыстың жоғары деңгейіне ойлау арқылы жетуге болады. Біздегі оқыту ойланудан гөрі механикалық жаттауға, өзіндік пайымдалмаған дайын жауаптар берумен шектеледі. Бұл бағыттан өзгеру үшін мұғалімдерден үздіксіз оқуын жалғастыруы талап етілуде. Оқушыдан да жауап беру барысында  ойлануды, пайымдауды күту керек. Неге үйретсек, нені талап етсек соны көре білуге дағдылану қажет деп ойлаймын. Мұғалімдермен жүргізілген коучингті 2021 жылдың 3 қарашасында «Сабақта оқыту үшін бағалауды пайдалану» тақырыбында өткіздім.

Педагогикалық әрекеттердің негізгі қағидасы – оқушылардың дамуына мүмкіндік беру. Баланың оқуы және дамуы әрдайым өзгеру үдерісінде жүреді. Оқушының оқу дербестігінe, жігерлігінe және жауапкершілігіне қол жеткізу үшін баланың өзінің және өз сыныптастарының әрекетін бағалау және бақылау қажет, оқу барысында пайда болған қиыншылықтардың себебін айқындау және жою икемділігіне ие болу маңызды болып саналады. Бұл икемділікті, формативті бағалауды, күнделікті тәжірибеде қалыптастырып жүйелі түрде қолдану біздің міндетіміз екенін өз әріптестеріме жеткізгім келді.

Коучинг сабағымды өткізу үшін алдыма мақсат қойдым: Бағалаудың түрлерін ажырата білу, қалыптастырушы бағалаудың оқытуда маңыздылығын ұғыну. Жиынтық және қалыптастырушы бағалауды пайдалану тиімділігін қамтамасыз етуде әріптестерге көмек көрсету.

Оның  нәтижесінде: күнделікті өздері қолданатын бағалаудың қаншалықты дұрыс екендігін саралай отырып, бағалауға негізделген критерий жасауды үйренеді, әрі болашақта сабақта қолдануға бейімделеді.Тапсырмаларды орындау барысында бағалау түрлерін, бағалау критерийлерін, өзін- өзі бағалау және өзара бағалау әдістемесін түсінеді.

Коучинг сабағымды жағымды психологиялық  ахуалды  қалыптастыру мақсатында тренингін өткіздім. Мұғалімдер шеңбер жасап тұрады. Әр мұғалім өз есімінің алғашқы әрпінен басталатын өзінің жағымды қасиетін, жақсы жақтарын айтып, көңілін көтереді.

Әріптестеріме бүгінгі жүргізілетін жұмысымызда аталған мәселелерді назарға алып, сол проблемалардың шешу жолдарын қарастыруға бағыттыйық деп үш топқа «Гүлдің» суретін салу тапсырмасын  ұсындым.  Топтар бірден жұмысқа кірісті. Берілген уақытта топтар тапсырманы орындады, өздерін шығармашылық жақтан мықты екендерін көрсете білді. 

Топтарға өздерін бағалауын сұрадым, содан кейін топтар жұмыстарымен ауысып бір-бірін бағалауын сұрадым.  Топтар жұмыстарымен ауысып, бірін-бірі бағалады.  Жоғары дәрежелі сұрақтарды қойып, әріптестерімді әңгімеге тарттым:

1.Cіздерге  бұндай баға қойғаны түсінікті ме? Неге?

2. Бағаны неге сүйеніп қойдыңыздыр?

3. Бағалау қиын болды ма?

4.Қазіргі бағалау жүйесі қандай аспектілерді қамтиды?

5.Оқушыларға  қойған бағаны өзіңізге немесе оқушыларға түсіндіріп  бере аласыз ба?

Оқыту үшін бағалау үдерісі туралы мұғалімдерге кері байланысты «Бес саусақ» тәсілін қолдандым. Алақанның бес саусағына жақсы тілек-ұсыныс білдіруін ұсындым. Қатысушылар коучингтен алған әсерлері мен ұсыныстарын  жазып, тілек білдірді.

 Оқыту үшін бағалау идеясына қатысты кездесетін мәселелер туралы  ойлануға мүмкіндік бердім. Мұғалімдер  критериалды оқытудың мұғалім үшін, оқушы үшін және ата-ана үшін өте маңызды екенін шештік. Оқушы берілген бағалау критерийлерін түсінеді, жұмысын бағалай біледі. Ал ата-ана өз баланың білім алуындағы өсу деңгейін қадағалай алады .

Кері байланыс Бағалаудың түрлі  тәсілдерін сабақта қолданамыз, бағалау туралы көп ойланамыз, талдаймыз, кейде қиындықтар болады. Бірақ мен өз тәжірибемнен мынадай нәрселеге көз жеткіздім:

·        оқушыларға әр кезде жұмыстың мақсаты мен критерийлерін айтып отыру немесе естеріне салу;

·        өзін-өзі бағалауға уақытты жоспарлау;

·         оқушылардың мақсатқа жету жолдарын нақты көру үшін сабақтаң мақсатын, бағалау критерийлерін тақтаға немесе стендтерге көрсетіп қою тиіс!!!