Күз көрінісі

Түзету сабағының тақырыбы: «Күз көрінісі»

Мақсаты:

А)Білімділгі:Оқушыларға күз мезгілі және табиғаттағы маусымдық өзгерістер туралы түсінік беру.А.Құнанбаевтың «Күз»туралы өлең шумағын жаттату.

Ә)Дамытушылығы:Баланың ой-өрісін,танымдық белсенділігін арттыру,есте сақтау қабілетін дамыту.Көркем жазу ережесін сақтауға,есептер шығаруға талпындыру.

Б)Тәрбиелігі:Дидактикалық ойындар шартын дұрыс орындауға,өз бетімен жұмыс жасауға,тапқырлыққа,зейінділікке тәрбиелеу.

В)Түзету:Жалпы және ұсақ қол моторикасын дамыту.Дәптер ережесін сақтай отырып,берілген тапсырманы мұқият орындатуға жаттықтыру.

Әдіс-тәсілі:Түсіндіру,көрсету,сұрақ-жауап.

Көрнекілігі:Слайд (Күз мезгілінің көрінісі)А.Құнанбаевтың «Күз»туралы өлең шумағы

Кеспе сандар,үлестірмелі суреттер.

Сабақтың барысы:

І.Ұйымдастыру кезеңі:

Балаларды шеңберге жинап,бүгінгі күнмен сәлемдесу.

Ауадан қуат алайық,

Алақанға салайық.

Күннен қуат алайық,

Күннен алған қуатты,

Жүрегімізге салайық.

Жүректегі жылуды,

Бір-бірімізге сыйлайық.

ІІ.Ой шақыру

-Қазір жылдың қай мезгілі?(күз)

-Күз мезгілінің қай айы?(қазан)

-Бүгін аптаның қай күні?(сейсенбі)

ІІІ.Жаңа сабақ.

-Балалар бүгін түзете дамыту сабағында слайдтан «Күз мезгілінің көрінісін»тамашалайық.

(оқушылар слайдты тамашалайды)

-Ал,енді осы слайдтан нені көрдіндер?

-Күз мезгілінің көрінісін,ерекшелігін,құстарды,адамдар және олардың еңбегін.

-Жарайсыңдар,бүгінгі түзету сабағымызда күз мезгілінің табиғат ерекшелігімен таныс боламыз.Күз мезгілінде үш ай бар;қыркүйек,қазан,қараша.Күз мезгілінде ауа райы салқындай бастайды,ағаштардың жапырақтары сарғаяды.Құстар жылы жаққа ұша бастайды.Адамдар жылы киініп,қыс мезгіліне дайындық жасайды.

-Енді тақтаға қарайық.Мұнда ақын,жазушы А.Құнанбаевтың «Күз»туралы өлең шумағын бірге оқып қайталайық.

-Жарайсыңдар!Өлеңде не туралы айтылған?

-Күз мезгілі,табиғат ерекшелігі.Күз мезгілінде табиғаттың қалай өзгергені туралы айтылған.

Дәптермен жұмыс:

Балалар дәптерлерінізді ашып бүгінгі күнді жазып,тақтадағы мына сөздерді пайдалана отырып,сөйлем құраныздар.

Ағаш,құс,жапырақ,егіс.(балалар берілген тапсырмаларды орындайды)

ІV.Сергіту сәті.

1 дегенде тұрайық,

2,3,4-алақанды соғайық.

Оң жаққа бұрылып,

Сол жаққа бұрылып.

Бір отырып,бір тұрып,

Біз жүгіріп алайық.

Бес дегенде асықпай,

Орнымызды табайық.

-Жарайсыңдар!Әрі қарай жұмысымызды жалғастырайық.

«Жасырын санды тап»дидактикалық ойын.

-Дәптерімізді ашып,мына есепті шығарамыз.

8+ =10 7- =5

5+ =10 8- =4

7+ =10 6- =4

9+ =10 3- =1

«Кеспе сандармен жұмыс» кеспе сандарды пайдалана отырып,өрнектерді құрастыру.

-Жарайсыңдар!Ал енді алдарында үлестірмелі суреттер берілген.

«Үлестірмелі суретпен жұмыс» оқушылар берілген сурет бойынша шағын әңгіме құрастырады.(құрастырған әңгмелерін оқиды)

V.Бекіту.Күзгі жапырақтардан жануарлардың бейнесін құрастыру.

VІ.Бағалау. Балаларды түрлі- түсті жапырақтар арқылы бағалау.

VІІ.Қорытынды.

-Бүгінгі түзету сабағымызда қандай мезгілді тамашаладық? (балалар өз ойларын айтады)

-Балалар,күз мезгілінің ерекшеліктерін атайықшы? (күн суыта бастайды,құстар жылы жаққа ұшады,ағаштардың жапырақтары сарғаяды)

-Жарайсыңдар!Балалар бүгінгі танысқан А.Құнанбаевтың «Күз»өлеңін жаттап келерсіздер.

-Түзету сабағымыз аяқталды,сау болыңыздар!