Күзгі ертеңгілік

Балалар залға жүгіріп кіріп, шашылған жапырақтардың үстіне тұрады.

Жүрг: Залдың іші тамаша, Көз тоймайды қараса.

Алуан түрлі жапырақ, Жайқалады жараса.

Бұл не деген өзгеріс? Қайда кетті жасыл түс? Әсем түске боянып,

Балалар: Бізге келді алтын күз!

Жүрг: Орманға келдік біз,

Сәлем бердік, Алтын күз,

Жапырақты қолға алып,

Ән салайық енді біз.

«Жапырақтар» әні

Жүрг: Мұнда жапырақтар көп еді, қайда жоғалып кетті? Сендер сары жапырақ көрдіңдер ме? Ал қызыл жапырақты? Олар қайда?

Балалар: Міне!

Жүрг: Жапырақпен ойнаймыз, Себетке түспен жинаймыз.

«Жапырақты түстерімен жина» ойыны

(Желдің шуылы)

Жүрг: Жел шулайды, тулайды, Қонаққа бізге зулайды.

Қорықпаймыз желден біз, Орынға тез жетеміз.

(Орындыққа отырады) (Ау деген дыбыс шығады)

Жүрг: Ой, балалар, бізбен біреу ойнап жатыр ма? Кәнекей, шыға ғой, бізбен дос бола қой. (Ау ата кіреді!)

Ау ата: Сәлем, достар! Орманда мен тұрамын, Ау ата боламын.

Жүрг: Сәлеметсіз бе, Ау ата! Бізбен ойнаған сен бе?

Ау ата: Иә. Ау деп қатты айғайлап, ойнаймын достармен тығылмақ,

Орманнан арнап әкелген, Сыйым бар достарға сыйламақ.

(Күнбағысты шығарады)

Жүрг: Күнге күйіп күнімен, Күнбағыс пісті ретімен.

Ортаға кәне, шығыңдар, Өлең бізге оқыңдар.

Балалар: Көңілді күнбағыс сондаймыз, Кішкентай күнге біз ұқсаймыз.

Күнбағыс шамын жағады, Далада жазда сап-сары.

Келгенде бізге алтын күз, Күнбағыс дәнін сыйлаймыз.

Жүрг: Мерекеде қазір біз, Көңілді ойын ойнаймыз.

Күнбағыс, кел ортаға, Бізге арнап дән сыйла.

«Дәндер» ойыны

Жүрг: Сендерге, рақмет! Ойын көңілді болды, енді орнымызға жайғасайық.

(Орындықтарға отырады)

Ау ата: (саңырауқұлақ шығарады)

Орманда бар қара ор, Өсіпті онда мухомор.

Шығыңдар, кәне, жігіттер, Ортада бәрін билеңдер!

Саңырауқұлақ биі (ұлдар)

Жүрг: Жарайсыңдар, ұлдар! Орындарына отырыңдар.

Ау ата: Досым бар менің әдемі, Қонаққа асығып келеді.

(Тиін жүгіріп келеді – ересек топтан қыз бала)

Тиін: Сәлем, достар: Ұлдар мен қыздар!

Бұтақтарға секіріп,

Қысқа азық жинадым.

Қыста оларды кеміріп,

Сауық-сайран құрамын.

Жүрг: Балалар, тиінге қысқа тағы азық жинауға көмектесейік.

«Жаңғақ жина» ойыны

Жүрг: Вокалды топты қарсы алайық,

Әсем әндерін тыңдайық.

Вокалды топ «Тамшылар» әні

Ау ата: Менде бар үлкен қолшатыр, Кедергі емес бізге жаңбыр.

«Қолшатыр» биі

Ау ата: Күз деген сондай керемет, Айтайық оған

Балалар: Рақмет!

Жүрг: Қарсы алайық бәріміз,
            Жасымыз бен кәріміз.
            Қырдан кепті қыдырып,
        Алтын күз бізге нұр төгіп. (Күз келеді)

Күз: Залдың іші тамаша, Көз тоймайды қараса.

Қонаққа сендер шақырып, Мен келістім қуана.

Жүрг: Келді міне күз, Айнала сары түс.
Керемет, тамаша, Қандай әсем, күз. Күзге арнап өлең оқиық.

Балалардың өлеңдері

Жүрг: Біз өнерлі баламыз, Аспаптарда ойнаймыз.

«Жемістер оркестрі»

Күз: Көңілді сондай достарым, Рақмет менің айтарым,

Сендерге арнап әкелген, Міне, менің сыйларым (Алма салынған себет)

Ау ата, Тиін, Күз: Ал енді қоштасайық, Күзгі орманға оралайық!

Жүрг: Асықпаңдар, тоқтаңдар! Фотосессияны ұмытпаңдар!

Берекелі бақ дәулет
Артта түссін тойланып.
Сау болыңдар, қонақтар,
Келгенше жыл айланып.