Білім саласы: Таным (Математика)Тақырыбы: 7 лақты құтқару («Ешкі мен жеті лақ» ертегісі бойынша)Мақсаты: ертегі желісі арқылы балалардың танымдық білімдерін кеңейту.Білімділік: жылдам ойлауға, шапшаңдыққа үйрету.Дамытушылық: Вальдорф, ӨТТШТ технологиялары арқылы ойлау қабілеттерін дамыту. Ойын сабақтарына қызығушылықтарын арттыру.Тәрбиелік: Бір-біріне көмек көрсете білуге және әрқашан дос болуға тәрбиелеу.Қолданылатын көрнекі–құралдар: флип-чарт, театр қуыршақтары (Жеті лақ ертегісі бойынша), таратпа сурет пен сандар, сиқырлы кілемше, сурет салуға арналған әйнекше.Қолданылатын технологиялар: флип-чарт, Вальдорф, театр, ӨТТШТ.Сабақтың барысы: І. Ұйымдастырушылық кезеңі.1.Шаттық шеңбері:Балалар, ең алдымен танысып алайық. Менің аты-жөнім - Наргүл Бағырамқызы. Қоңырауды жанымдағы балаға ұсынып: Сіздің есіміңіз? Менің есімім - Әлішер, т.б жақсы енді бір-бірімізді білеміз, менімен қайталаймыз.Алақанды ашайық,Күннің нұрын салайық,Жүректің жылуын салайық.Жиналған осы шуақты,Бір-бірімізге шашайық.Қонақтарға шашайық. Жақсы, балалар, отырайық орнымызға.ІІ. Негізгі бөлім. (Отырғанымыз сол екен, экраннан қасқырдың дауысы естіледі)Қасқыр: (қарқылдап) О, бір тоятын болдым ғой!Тәрбиеші: түсінбедім. (жан-жағына қарап, сол кезде ешкі жылап шығады. - Ешкі, сәлеметсіз бе! Мұнда қалай тап болдың?
Ешкі: (Жыламсырап) Қасқыр менің лақтарымды ұрлап алып кетті, жалғыз өзім қалай құтқарамын деп ойлап келе жатқанмын, сіздерді көріп қатты қуандым.Тәрбиеші: Әрине, ешкі, қолымыздан келсе көмектесеміз. Ия, балалар, ешкіге көмектесеміз бе?Балалар: Ия.Тәрбиеші: Ешкі, қасқыр лақтарды қай жаққа алып кетті?Ешкі: Орман мен көлдердің ар жағында, таудың бер жағында.Тәрбиеші: Алыс екен. Ендеше ұшатын кілемге мініп ұшайық.Тәрбиеші кілемді жайып: Балалар, кілемім тесіліп қалыпты. Жөндеуге көмектесесіңдер ме? (Балаларға пішіндерді тарату) Тәрбиеші: жарайды онда ұшайық. (Балалар мен тәрбиеші кілемшенің үстіне тұрып, ұшады.) Орман, көлге қарайық,Қасқырға тез барайық,Лақтарды аман-есен құтқарып,Тобымызға қайтайық.Әрқашанда тілектес,Досыңа сен, көмектес.Тәрбиеші: Балалар, жеттік. Орнымызға жайғасайық.Қасқыр: Ааа, лақтарды құтқаруға келдіңдер ме, мен лақтарды оңайлықпен бермеймін сендерге.Тәрбиеші: Қасқыр, ешкі қайғырып, жылап отыр, лақтарын босатшы.Қасқыр: Жарайды босатайын, бірақ менің тапсырмаларымды орындайсыңдар, орындаған сайын лақтарды бір-бірден босатып отырамын.Тәрбиеші: балалар, орындаймыз ғой, тапсырмалардан қорықпаймыз ғой?Балалар: қорықпаймыз, орындаймыз.Тәрбиеші: Ал, қасқыр, 1-тапсырмаң қандай?Қасқыр: сандарды шатастырып алғаным сондай, лақтарды санай алмай отырмын, сандарды реттеп берсеңдер.Балалар үстелден сандарды алып, рет-ретімен тұра қалады. (Тура, кері санау) Тәрбиеші: Жарайсыңдар балалар! Қасқыр енді санай аласың ғой?Қасқыр: ия, бір лақты босатайын.Тәрбиеші: Ал, енді 2-тапсырмаң қандай?Қасқыр: маған әдемі, жылы, үй керек. Ол үй мынадай пішіндерден құралуы керек: 1 үшбұрыш, 1 шаршы, 6 тік төртбұрыш, 1 дөңгелек.Тәрбиеші мен балалар орындауға кіріседі. Қарама-қарсы отырып, әйнекке, геометриялық пішіндерді қолданып, әдемі үй салады.
Тәрбиеші: тамаша балалар! Қасқыр, үй ұнады ма?Қасқыр: ия, ия, тағы бір лақты босатайын.Тәрбиеші: Қасқыр, келесі тапсырмаңды айт (3-тапсырма)Қасқыр: Мен жалғыз жүріп, жалығады екенмін, достарым да жоқ. Маған достар тауып беріңдер.Тәрбиеші: балалар, ендеше, алдымыздағы геометриялық пішіндерден қасқырға жануарлар құрастырып берейік. (Балалар орындайды, балаларды мақтау)Қасқыр, балалар саған қаншама достар тауып берді.Қасқыр: Ия, рахмет! Тағы бір лақты босатуға тура келеді.Қасқыр: (4-тапсырмасы) Мені шаршатып жібердіңдер, билеп, бойымды жазғым келеді.Тәрбиеші: Жарайды, бізбен бірге биле. Балалар, мен қандай санды көрсетсем сонша қимыл жасайсыздар.2- керіл,3- секір,1- айнал,4- отыр,5- қолды қайшыла,6- шапалақта.(Балалар орындайды, сергіту сәті)Тәрбиеші: Қасқыр, демалдың ба?Тәрбиеші: (5-тапсырма)Қасқыр: Мына суреттің бөлігі кімде бар? Ортаға шығыңдар.Тәрбиеші кішкентай суреттерді таратады. Балалар шығады, айтады.Тәрбиеші: Балалар, қасқырға жауаптарың ұнады. Тағы бір лақты жіберді.Қасқыр, келесі тапсырмаң қандай?Қасқыр: Жеті сан туралы не білесіңдер? (6-тапсырма)Балалар: Аптада 7 күн, кемпірқосақтың 7 түсі бар, 7 ата, 7 шелпек.
ІІІ. Қорытынды бөлімТәрбиеші: Балалар, біз алты лақты мейірім мен біліміміз арқылы құтқардық. Енді кілемшемізге отырып, қайтайық. Тәрбиеші: Балалар, енді қасқыр ешкімен дос болсын деп оларға сыйлық жасап берейік. (Ортаға жүрекшені қою, желім тарату) Жүрекшені жасап болған кезде, қуыршақ қасқыр келеді.Қасқыр: Балалар, мені кешіріңдерші, енді тентек болмаймын. Ешкімен дос болам, сыйлықтарыңа рахмет!Ешкі: Балалар, сендерге көп-көп рахмет! Менің лақтарымды аман-есен маған алып келдіңдер, қасқырмен достастық, мынау сендерге базарлығым. Тәрбиеші ашып таратып береді.
Материалды сайттан тегін жүктеу
Жүктеу
Материал ұнаса парақшаңызға сақтап қойыңыз!
Өз пікіріңізді қалдыру үшін тіркелу қажет.