Латын әліпбиіне көшу

Латын әліпбиіне көшу

Латын жазба таңбасына көшу мәселесі еліміздің әлемдік өркениетті елдер қатарынан қалмау үшін жасалынып жатқан игі істердің бірі. Латын әліпбиі әлемдік өркениетке аяқ басуымызға септігін тигізеді. Кириллица жазуын әлемнің 12 мемлекеті ғана пайдаланады екен. Ал дүниежүзі халықтарының 80%-ы осы әліпбиге көшкен. Осының есебінен басқа тілдерді үйренуге мүмкіндігіміз артады. Әрбір жаңа тіл – жаңа әлем. Оның үстіне, латын тілі – жаңа технология тілі, ғаламтор тілі. 1929-1940 жылдары аралығында латын әліпбиінде жаздық. Сол замандағы ұлы тұлғаларымыздың шығармалары мен қолжазбаларын келер ұрпақ қиындықсыз оқи алуы керек. Бүгінде әлемнің әр түкпірінде 5 миллионға жуық қазақ тұрады. Оның 80%-ы латын әліпбиін қолданады. Қандастарымызбен жақындасудың маңызы айтпаса да түсінікті. Әліпби өзгерту төл сөздерімізді жазуда кеткен олқылықтарды жөнге келтіруге көмектесіп, қазақ сөздерінің дұрыс айтылуына ықпал етеді.

Түркі халықтары өз тәуелсіздіктерін алғаннан соң, көпке созбай өз әліпбилерін тезірек латынға көшіргеннен ұтпаса ұтылмағанын өмір тәжірибесі көрсетті. Мамандар айтып жүргендей, біз латыншаға көшу арқылы қазақ тіліне тән дыбыстарды, әуезді дұрыс айтып, таңбалай аламыз. Қазақ әліпбиін латын графикасына көшіру елімізге саяси жағынан да, ғылым-білім тұрғысынан да, заман талабына сай даму үшін өте маңызды. Латын графикасына көшу жай қаріпті ауыстыра салу емес, ол біз үшін өркениетті шешім. Себебі дүниежүзі халқының 80 %-ы қолданатын латын қарпіне көшу озық инновациялар мен жаңа технологияға бір табан жақындаудың белгісі. Болашақта жастар да осы мүмкіндіктер арқылы электронды ақпарат құралдарын да жылдам игеретін болады.

Қазақ тілі - біздің рухани негізіміз. 2025 жылдан бастап әліпбиімізді латын қарпіне, латын әліпбиіне көшуге кірісеміз. Әлеммен бірлесе түсуімізге ағылшын тілі мен ғаламтор тілін жетік меңгеруіне, бастысы - қазақ тілін жаңғырту.