Латын әліпбиіне көшу-заман талабы.

Латын әліпбиіне көшу-заман талабы.

Латын графикасына көшу мәселесі еліміз тәуелсіздік алғаннан кейінгі ең маңыздыларының бірі болды. Бұл біздің тіліміздің болашағына пайдалы әсер ететін үлкен ғылыми маңызы бар маңызды бастама. Бүгінде еліміздің әрбір ойшыл азаматы, зиялы қауым өкілдері, түрлі сала мамандары бұқаралық ақпарат құралдарында латын әліпбиіне көшуге қатысты өз пікірлерімен бөлісуде. Латын графикасы бүгінде бүкіл әлемде қолданылады. Интернеттегі ақпараттың көпшілігі латын әріптерімен де ұсынылған. Осы қадаммен біз біртұтас түркі әлеміне жақындай түсеміз.

Латын графикасына көшу туралы айтқанда, бұл оған оралу деп айтқанымыз дұрыс болар. Тарихқа көз жүгіртсек, Ұлы ғалым Ахмет Байтұрсынов латын графикасы негізінде 34 әріптен тұратын қазақ әліпбиін жасаған. Дәл осы әліпбимен біздің халқымыздың ұлттық мүдделерін қорғайтын еңбектердің көпшілігі жазылды.

Латын әліпбиіне көшу-Елбасының аса бағалы бастамаларының бірі және дер кезінде қозғалған, тіліміздің болашағы үшін жасалған қадам.

Шынымен де жаңа технология дәуірінде Қазақстанның латын графикасын таңдауы- мемлекеттік деңгейдегі өте маңызды шешңм. Сол себептен бұл мәселе көпшіліктің қолдауына ие болып жатқанын көріп отырмыз.

Латын әліпбиіне көшу- тіліміз үшін жасалған игі қадам.Тұңғыш Елбасы Нұрсұлтан Назарбаевтың Жолдауда сөйлеген сөзінде: «… ең бастысы – қазақ тілін жаңғыртуға жағдай туғызады», – деген болатын. Шынында да, әліпби ауыстырудың саясатқа да, басқаға да қатысы жоқ, ең басты қажеттілігін тілдің өзі талап етіп отыр. Әліпби өзгерту мәселесі тек кірме сөздерге ғана қатысты емес, өз тіліміздегі төл сөздерімізді де жазуда кеткен олқылықтарды жөнге келтіруге көмектеседі. Осы орайда тіліміздегі әріптерді қысқартып, компьютерге икемдеу керек дегенді желеу етіп, тіліміздегі бар дыбыстарды орынсыз қысқкартып жіберуге де болмайтынын ескеруіміз қажет. Тілімізде бар дыбыстардың арнайы таңбасы болуы тиіс.

Қазір елімізде осы ауқымды мемлекет тарапынан қаралған шараны жүзеге асыруға арналған жұмыстар жан-жақты сарапталуда. Еліміздегі Жоғарғы оқу орындарында латын қарпін сауатты жазатын, оқитын мұғалімдер, мамандар дайындау керек.

Латын әліпбиіне көшу-Мемлекет басшысының мемлекеттік тілдің беделін нығайтуға бағытталған маңызды бастамаларының бірі. Сондықтан біздің еліміз бұдан тек пайда көретініне сенімдімін.