Lesson Study зерттеу сабағындағы А оқушыға рефлексивті есеп

Lesson Study зерттеу сабағын рефлексивті есеп

Информатика пәнінен өткен іс әрекетті зерттеу сабағы кезіндегі алты кезеңнен тұрған А оқушының талдау

Бақылаушы информатика пәнінің мұғалімі Оралова А.С.

«Ақпараттық жүйелерді меңгеруде алгоритм құру әдісін қолдану» зеттеу тақырыбы бойынша 7 ә сыныбы алынып, информатика пәнінен тізбектелген зерттеу сабағы өтілді. Зерттеу сабағы алты кезеңнен тұрды. Жоғарғы деңгейіндегі А оқушы ретінде осы сыныптағы Кеңес Ербол таңдалып алынды.

Сабақты зерттеу мақсатым А оқушының сабаққа деген ынтасын, алгоритмдік ойлау деңгейін, сөйлеу дағдыларын, топтық жұмыстағы іс – әрекеті, өз –өзіне сенмі, АКТ-сымен жұмыс істеу дағдыларын анықтау болды.

Топпен жұмысты ұнатпайтындығын байқадым. Сабақ барысын да логикасын дамытатын, жүйелі тапсырма беру, топтық жұмыс кезінде бірлесе орындау керектігі ұсынылады.

Екінші сабақ кезең бойынша А оқушыдан төмендегідей іс әрекетін байқадым:

Үй тапсырмасын тексеру барысындағы сұрақтарға толық жауап бере алады. МsExcel программасының теориясын толық меңгеріп, компьютерде жұмыс істеу алгоритмін жақсы білетінін байқадым. Алдынғы сабақта топтық жұмыста топ мүшелерімен қарым қатынасқа түсе алмаған еді, осы сабаққта топ басшылық қызметін және топ мүшелеріне көмек көрсетіп отырды. Топтық жұмысты қорғауда жоғарғы деңгейде қорғады және топ мүшелеріде сабақты меңгергенін байқадым. Кері байланыс кезінде өз ойын еркін жеткізе алды. Бірінші сабақпен салыстырсам А оқушыда топпен жұмыс жасағанын, көмек бергенін байқадым.

Үшінші сабақ кезінде түсіндіру, сұрақ-жауап (диалогтік оқыту), ауызша, жазбаша жұмыстар (қалай оқу керектігін үйрету), топтағы белсенді әрекетті дамыту үшін (сыни тұрғыдан ойлау), түсіндіру (ақпараттық-коммуникациялық технологияларды пайдалану), бақылау (оқыту үшін  бағалау және   оқуды бағалау) әдіс-тәсілдерін қолданды.  Негізінен сабақ барысындағы тапсырмалар ақпараттық-коммуникациялық технологияларды пайдалануға  бағытталған болғандықтан  оқушылар компьютер арқылы жеке тапсырмалар орындау барысында талқылау, білімді бірлесіп құру, түсіну мен дағдыларды қалыптастыру арқылы білім алды. Сабақтың әр кезеңінде оқушыларға сұрақтар қою арқылы, тақырып бойынша өз ойларын айтуға мүмкіндік берілді. Өзара талқылау арқылы, түрлі ойлардың болатындығын, бір - бірінің түсінуіне көмектесетінін көрсетті. А оқушы-дарынды, сабаққа жақсы ықыласпен, жаңа білім аламын деп әрқашан да ынталанып отырады. Өзіндік бағалауы орташа, нақты ойлау қабілеті жоғары.

Топ мүшелеріне көмек бере алды. Программа құру кезеңдерін толық меңгеріп, есептің нәтижесін шығарып отырды. Сабаққа қызығушылығы артты.

Алтыншы сабақ кезең. Lesson Study зерттеу сабағының соңғы кезеңі.

6- сабақ қазіргі кездегі ең бір сұраныстағы копьютерлік графиканың бір саласы. «Үшөлшемді моделдермен жұмыс» тақырыбы қызықты , ауқымды тақырып. А оқушының сурет салу қабілеті жақсы болғандықтан, сабақты қызыға тапсырмаларды орындады. Тақырыпты тез арада жақсы меңгерді. Сабақтың әр кезеңінде белсенді, жылдам, алгоритмдік жағын ойлай отырып, үлкен нәтижеге қол жеткізді. Сынып бойынша ең жоғарғы балл жинады.

Қорта келгенде, А деңгейіндегі оқушымның тапсырмаға деген  ынтасы өте жақсы, кез келген уақытта өзін сенімді сезінеді. Әр кез алдыңғы орында, шапшаң жылдам қозғалады, топтық жұмыста топтағы достарымен жақсы тіл табысады. Тобын алға алып шығуға талпыныс жасап отырады, жинақы, сабырлық сақтай отырып, қарсылас топтарын да тыңдайды, балалармен өз ойымен бөлісіп ғана қоймай, достарының сабаққа қатынасуына да мүмкіндік бере отырып, топпен ынтымақта жұмыс істей біледі. Өзін топ басшы ретінде сезінеді. Логикасы дамыған дарынды оқушы..