Шу ауданы әкімдігінің білім бөлімі Әдістемелік бірлестік отырысында «Мойынқұм шағын орталықты орта мектебі» қаралды. Хаттама №1 ___________

коммуналдық мемлекеттік мекемесі Жетекші: _________ Жидебаев М. А.

Келісемін.

Оқу ісі жөніндегі орынбасары:

___________ Аусатов Б. П.

__________________________

Бекітемін.

Мектеп директоры:

___________ Жанпейсов Ғ. М.

__________________________

Мойынқұм шағын орталықты орта мектебінің 2020-2021 о. ж. 7 сынып оқушыларымен жүргізілетін математика пәнінен «Логикалық есептер шешу» тақырыбы бойынша

қолданбалы курс жоспары

Математика пәні мұғалімі: Жадрасинов Қ. Қ.

Мойынқұм ауылы.

І. Түсінік хат

 «Логикалық есептер шешу» қолданбалы курсын жүргізу арқылы оқушылардың білімін тереңдетіп, олардың математикаға деген ынта жігерін арттырып, математикалық қабілетін одан әрі қарай дамыту мақсатын көздейді.

           Математика  сабақтарында ауызша есептеу оқушының логикалық ойлауын дамытады, математикаға қызығушылығын арттырады, тыңдай білуге, байқағыштыққа, шапшаң есептеу дағдыларын қалыптастырады. Оқушылардың ойлау қабілетін дамытып, әрі пәнге деген қызығушылығын арттыратын жұмыс түрі логикалық ойын есептері.

Логикалық есептердің көпшілігі жас талғамайды, мағынасы қарапайым және белгілі бір білімді қажет етпейді. Негізгі жаттығулар ауызша және мектеп бағдарламасында үйрететін стандартты әдістерден тыс жолдармен орындалады. Ауызша есептеу оқушының логикалық ойлауын дамытады, математикаға қызығушылығын арттырады, тыңдай білуге, байқағыштыққа, шапшаң есептеу дағдыларын қалыптастыруға итермелейді.

Бағдарламаның мақсаты:

    Оқушылардың ауызша ойлау қабілетін арттырып, тез есептеу жолдарын үйрету. Ойындар ойнау арқылы пәнге қызығушылығын арттыру.

Бағдарламаның міндеті:

1. Оқушыларға тез есептеу әдістерін үйрету

2. Ойын есептерін шешу жолдарын меңгерту

3. Ақыл – ойын және ерік сезім белсенділігін арттыру.

4. Математикалық сөйлеу машығын қалыптастыру

5. Қиялдарын ұштау, шығармашылық зерде үрдістерін жоғарылату

6. Оқушының тұлға ретінде қалыптасуына әсер ету.

Күтілетін нәтиже

        Оқушылар ауызша ойлау қабілетін арттырады, тез есептеу жолдарын үйренеді. Ойындар ойнау арқылы оқушылардың пәнге қызығушылығы артады.

«Логикалық есептер шешу» факультатив курсы

Оқыту әдісі: іздену, зерттеу, ойлану.

Мұғалімге ұсынылатын әдебиеттер тізімі:

«Математика 5 сынып» Т. А. Алдамұратова, Е.С. Байшоланов.

«Тапқырлық баспалдақтары» Р. Омаров. «Өлке» баспасы,2011

«Логикалық сұрақтар, есептер, ойындар мен құрастырмалар» Р. Омаров. «Өлке» баспасы,2012

ІІ. Тұрақтылау бөлімі немесе мазмұндық бөлім

1. Танграм -1сағат

2. Танграм -1 сағат

3. Судоку -1 сағат

4. Бір жүрген жерді қайталамай. -1 сағат

5. Геометриялық бақылағыштық – 1 сағат

6. Кеңістік кескіндері – 1 сағат

7. Жіп, арқан, шынжыр, байлау түрлері–2 сағат

8. Соңынан кері қарай шығаруға ыңғайлы есептер–2 сағат

9. Таразы, өлшеу, сұйықтар-3 сағат

10. Бірге жетеміз-1сағат

11. Тең бөліктер-3 сағат

12. Көлеңкеден көріністер -2 сағат

13. Күнделікті өмірдегі логика-2 сағат

14. Өткелдер. Өткелдермен өткендер.-1 сағат

15. Жоспарлау-1сағат

16. Таяқшалар-3 сағат

17. Ғажайып шаршы-2 сағат

18. Сандық ребустар-3 сағат

19. Қағаз құрастырғыш -2 сағат

20. Құрастырғыш таяқшалар -1 сағат.

Оқушылар курс барысында дүниетанымдық, бағалаушылық, танымдық қызмет қабылдау және т. б. білім түрлерін алады. Курсты меңгеру үрдісінде оқушылар өзіндік және шығармашылық жұмыстарды орындағанда қосымша әдебиеттерді пайдалануы қажет. Сонда оқушылардың дүниетанымдық, адамгершілік-этикалық мәселелерге қызығушылықтарын қалыпқа келтіріп функционалдық сауаттылығын қалыптастырамыз.

Пәнаралық байланыс: Физика, математика, геометрия, әдебиет.

Оқушыларға ұсынылатын әдебиеттер тізімі:

«Математика 5 сынып» Т. А. Алдамұратова, Е.С. Байшоланов.

«Тапқырлық баспалдақтары» Р. Омаров. «Өлке» баспасы,2011

«Логикалық сұрақтар, есептер, ойындар мен құрастырмалар» Р. Омаров. «Өлке» баспасы,2012

ІІІ. Нормативті бөлім

Оқушылар білуі тиіс:

1. Ауызша есептеу жолдарын

2. Тез есептеу әдістерін

3. Натурал сандардың бөлінгіштік белгілерін

4. Логикалық есептерді әр түрлі тәсілдермен түрлендіре шешу  әдістерін

Оқушылар меңгеруге тиіс:

1. Логикалық есептерді шешу тәсілдерін

2. Математикалық тілде сөйлеу машығын

3. Геометриялық фигураларды ажырату

4. Математика туралы және онда қолданылатын ойын әдістерін.

Оқушылар жасауға тиіс:

1. Тарихи  мағлұматтар жинақтауға;

2. Логикалық есептерді аналитикалық, графиктік әдістермен шешуді;

3. Математикалық ойын есептерді шығару тәсілдерін игеруді.

4.  Сандардың бөлінгіштік қасиеттерін білуді.

Оқушылар көрсете білу тиіс:

1. Ауызша көбейту және бөлу тәсілдерін

2. Логикалық есептерді шешу

3. Сандардың бөлінгіштік белгілерін білу.

Пәнаралық байланыс:

1. Математиканың тарихпен байланысуы

2. Жұмбақ есептердің әдебиетпен байланысуы

3. Шырпымен басқатырғыштардың геометриямен байланысы

IV. Ақпараттық бөлім

Оқушылардың шығармашылық сипаттағы білімдерін бағалауға, оқушылардың жеке тұл-ғалық қасиеті мен дамуындағы өзгерістерді қадағалауға мүмкіндік беретін келесі бақылау құралдары есепке алынады:

• Мәлімдеме (реферат)

• Хабарлама;

• Портфолио.