Жетісу облысы білім басқармасының

Көксу ауданы бойынша білім бөлімі ММ

«Жұлдыз» бөбекжай балабақшасы» КМҚК

«МАД топтарындағы оқытудың тиімді формалары мен әдіс-тәсілдері»

/шебер сынып/

2023 жыл

«МАД топтарындағы оқытудың тиімді формалары мен әдіс-тәсілдері»

/шебер сынып/

Тәрбиеші: Кожахмет Асыл Темирхановна

Мақсаты: Мектепалды даярлық топтарында Н.Зайцев әдістемесінің тиімділігі мен ойын арқылы өткізу формасының тәжірибесімен бөлісу.

Күтілетін нәтижесі: Мектепалды даярлық топтарында ойын арқылы оқыту және тәрбиелеуде Н.Зайцев әдістемесінің ойындарын қолданудың тиімділігі туралы түсінік алады.

Спикер:

-Сәлеметсіздер ме, құрметті әріптестер! Мен бүгінгі шебер сыныпта Сіздерге Зайцев әдістемесін мектепке дейінгі ұйымдарда және мектепалды сыныптарда балалардың жас ерекшеліктерін ескере отырып, ҰІӘ-ті осы әдістеменің ойындарын қоданылу тиімділігі туралы түсінік беріп, өз тәжірбиеммен бөлісетін боламын.

-Құрметті әріптестер, бұл шебер сыныпты жүргізу үшін маған сіздердің көмектеріңіз қажет, ол үшін 9 немесе одан да көп педагогтерді ортаға шеңберге шақырамын.

Ойын: «Күлкілі сөздер»

Ойынның шарты: Мен қазір қолымда тұрған текшелерді еденге шашып жіберемін. Сіздер еденде шашылып жатқан текшелерден 4 немесе 5 текшені тез жинап, оларды біріктіре отырып паравоз құрастырасыздар. Құрастырылған паравоздағы «күлкілі» сөздерді мен оқып шығамын, сіздер сол «күлкілі» сөздерді қайталап айтасыздар.

Сұрақтар алаңы:

-Осы ойынды қандай іс-әрекетте қолдануға болады?

Топтасу:

- Ал, келесі ойынды ойнау үшін түсі ұнаған текшедегі үстелге барып жайғасыңыздар.

Үш үстелде сары, сұр, қоңыр түсті текшелер тұрады.

І топ: Ойын: «Сиқырлы текшелер» (3 мин.)

Ойынның шарты: Үстелдің үстінде берілген карточкалардағы сөздерді, текшелерді пайдалана отырып, отбасы мүшелерінің аттарын (ата, әже, әке, ана т\б) құрастырады. Үлгідегі сөздер тұр.

ІІ топ: ойын «Жел» (3 мин.)

Ойынның шарты: Түтікшелердің көмегімен ұсақ қиылған әріптерді ішке демді тарту арқылы, сөз жазылған ұяшықтарға орналастырады. Орналасқан дыбыстардың дауысты, дауыссыз екенін ажыратады, атайды.

/Бұл ойында сонымен қатар тыныс алу жаттығуы да іске асырылады, яғни физикалық дамуы қалыптасады/

ІІI топ: ойын «Ұяшықтар» (3 мин.)

Ойынның шарты: Бос ұяшықтардың санына сәйкес әріптер карточкаларын орналастырып, сөздер құрайды.

Құрметті әріптестер, ойын барысында мен текшені сылдырлатсам, сіздерге өзге топтың ойындары қызықты болып жатса сол топқа ауысып, ойнасаңыздар болады.

Ойын: «Караоке» (3 мин.)

Ойының шарты: Ғажайып қоржынның ішінен кез-келген текшелер көрсетіліп тұрады. Текшелерде көрсетілген дыбыс немесе қосарлы дыбыстарды халық әуеніне, той әуеніне, рэп стильдеріндегі әуенге салып орындайды.

Ойын: «Еркін микрофон» (3 мин.)

Ойынның шарты: Әр топтан бір педагог өз ойымен еркін бөліссін.

Қорытынды: Осы ойындар сөйлеуді дамыту, сауат ашу негіздері, қазақ тілі іс-әрекетері арқылы жүзеге асырылды.

Ойындардың мақсаты: Сөйлеудің дыбыстық мәдениеті: Фонематикалық естуді дамыту. Артикуляциялық жаттығуларды жасау. Балалардың сөздік қорларын байыту, сөздерді буынға бөлу, сөздерге дыбыстық талдау жасату, дауысты, дауыссыз дыбыстарды ажырату.

Күтілетін нәтиже: Балаларда Коммуникативті дағдылары дамиды.

Құрметті әріптестер шебер сыныпқа белсене қатысқандарыңызға алғысымды білдіремін.