Мақала. Ата-аналарға кеңес. Балаңыз кітап оқысын десеңіз.

Балаңыз кітап оқысын десеңіз,...

Рухани әлем патшасы – кітап. Кез –келген ортада көркем сөйлей алатын, өз ойын еркін жеткізе алатын адам тарихты біледі, әдебиетті түсінеді. Қазіргі таңда кітап оқу, кітапты балаға оқыту басты шешіле алмай отырған мәселе болып отыр. М.Әуезов «Кітап - әр адамның өмірлік досы». Дос қылатындай жағдай жасайтын ол әрине, мектепте - мұғалім, үйде – отбасы. Кітапқа деген сүйіспеншілікке бастайтын бастау – отбасынан. Ересектер еске түсірсе, сіздің бала күніңізде дәл солай болмап па еді?.

Сөреде тұрған кітаптар, қабырғада ілулі тұрған газеттер – иә, бұл біздің балалық шағымыздың көрінісі. Бала кезімде ата-әжелеріміз оқысын деп, «Балдырған» журналына жазылғандары есімде. Іші толған әңгімелер, ертегі - өлеңдер,суреттер қарап отырсаң, көздің жауын алардай. Кейін келе, «Ұлан», «Солтүстік Қазақстан» газеттерін қызыға оқитынбыз. Себебі, үйде үлкендер жазылады, біз бірге оқитынбыз. Сонда оқуға үйреткен үйдің үлкендері, ата-аналарымыз, ата- әжелеріміз. Балалар, келіңдер оқып беріңдер, жақсы мақала жазылыпты деп – жанына жайғастырып, оқытқызып қоятын. Ал қазір бәрін күрделендіріп жібердік. Баламыз кітап оқымайды деп, өзіміз телефонда отырмыз. Бала - үйдің айнасы. Өзіміз кітап қарамасақ, үйде бір кітап болмаса, қайдан баламыз кітап оқиды? Қабырғада ілулі газет жоқ, сөреде тұрған бір көркем әдебиет кітабы жоқ. Әрине, кітапты қайдан алып оқиды? Мектепте мұғалім оқушыны оқытады, сауатын ашады, үйретеді, жол көрсетеді. Үйде ата –ана кітап оқуға өзі үйретеді. Қазіргі таңда , көркем әдебиетті кітаптарды сатып алу қиын, бағасы да қымбат. Әркімнің қалтасы көтермейді. «Қолда бардың қадірі жоқ» - демекші, тегін кітапты пайдалану санаулы адамның ғана пайдасына жарап жатыр. Ауданымыздағы кітапханада кез - келген өзіңізге қажетті әдебиетті табасыз. Тым болмаса, бір-бір жарым сағат уақытты баламен бірге кітпаханаға арнаса қандай жақсы. Ерте жастан кітап оқуға баламызды үйретейік. Әр отбасы баласының болашақта білімді болуын бүгіннен бастап ойласа екен. Ислам Шұғаев ағамыздың мына өлеңі әр отбасында жазулы тұрса, ойландырар деп ойлаймын.

Кітапты оқымайды сыйламаған. Білімге жанын жағып қинамаған. Өсірген кімнің болсын ой – өрісін. Сол кітап «бек» ақылшы күнде маған.

Түлекті тәрбиелер кітап – мектеп, Өседі сол кітаптан бұтақ көктеп, Молайтып ақылыңды сан еселеп, Береді білім нәрін кітап көптеп.

Кітап оқиық, кітап оқуды өзімізден бастайық!

Академик Е.А.Бөкетов атындағы мектеп – гимназиясының

мұғалімі Мухамеджанова Сымбат Сайлауовна