Оқу сабақтарын өткізуінің құрылымы мен әдісі инклюзивті оқу жағдайында

Инклюзивті оқыту – ерекше мұқтаждықтары бар балалардың жалпы білім беретін мектептердегі оқыту үрдісін сипаттауда қолданылады. Инклюзивті оқыту негізі ол балалардың барлық адамдарға деген теңдік қатынасты қамтамасыз ету, сонымен бірге оқытудың ерекше қажеттілігі бар балаларға арнайы жағдай қалыптастыру. Білім беру жүйесінен балалардың бір бөлігі шығып қалады, өйткені қалыптасқан жүйе мұндай балалардың даралық қажеттілігін қанағаттандыра алмайды. Инклюзивті бағыт мұндай балаларды оқуда жетістікке жетуге ықпал етіп, жақсы өмір сүру мүмкіншілігін қалыптастырады. Инклюзивті оқыту – барлық балаларға мектепке дейінгі оқу орындарында, мектепте және мектеп өміріне белсене қатысуға мүмкіндік береді; оқушылардың тең құқығын анықтайды және ұжымдық іс-әрекетке қатысуға мүмкіндік береді; адамдармен қарым-қатынасына қажетті қабілеттілікті дамытуға мүмкіндік береді. Даму мүмкіндігі шектеулі балаларға білім беруді ұйымдастыру мақсатында, типтік арнайы білім бағдарламасы жасалды. Онда балалардың мұқтаждықтары ескеріліп, білім алуларын қамтамасыз ететін жалпы білім үрдістері қарастырылған. Инклюзивті оқыту балалардың оқу үрдісіндегі қажеттіліктерін қанағаттандырып, оқыту мен сабақ берудің жаңа бағытын өңдеуге талпынады.

Инклюзивті оқыту барысында сөзжұмбақтар, тақырыпқа байланысты түрлі суреттер, есептеуге арналған арнайы тапсырмалар қолданылса, оқушы оны орындау арқылы өз ойын ауызша және жазбаша тілде жеткізіп, есте сақтауға талпынып, өзбетінше жұмыс істеу қабілеттерін жетілдіреді.

Қорыта келе, бүгінгі оқушы ертеңгі еліміздің азаматтары. Елбасымыз білім беру жүйесіне басты назар аударуда, қазіргі таңдағы әрқайсымыздың міндетіміз масылдыққа жол бермей, ел ертеңі үшін еңбек етіп, белсене тер төгу екенін естен шығармау керектігін айтқым келеді.

Жусупова Айгуль Кинжибаевна

№29 орта мектебінің қазақ тілі мен әдебиет пәнің мұғалімі

Қостанай қаласы.