"Менің туым" ашық сабақ

Бөлімі: Ата –бабам тарихы -менің тарихым
Мектеп: Қараөзек ЖОМКММ


Мұғалімнің аты - жөні: Азиева Толғанай

Күні : 08.12.2017 ж


Сынып: 3 А
Қатысқандар саны:
Қатыспағандар саны:

Сабақ тақырыбы:
Менің туым

Осы сабақта қол жеткізілетін оқу мақсаттары
Қазақстан Республикасының рәміздері туралы түсінік қалыптастыру. Менің туым өлеңімен таныстыру, жатқа айта білуге баулу.Өлеңнің мазмұнын айта білуге үйрету.

Сабақ мақсаттары
Барлық оқушылар: Көптеген оқушылар: Кейбір оқушылар:

Тілдік мақсат
Түйінді сөздер мен сөз тіркестері: туым, елтаңба, рәміздер Сыныптағы диолог\жазылым үшін сай келетін тіл стилі. Көтерілер шоқтығым- мерейі үстем болу, мәртебесі жоғарылау. Шартарап - дүниежүзі Қазақстан туын сипаттап, әңгімелеп бер. Талқылауға арналған сұрақтар: Өлең сені қандай сезімге бөлейді?

Бағалау критерийлері


Құндылықтарды дарыту
Құрмет- тыңдалым кезінде.
Ынтымақтастық – топтық, жұптық жұмыс кезінде.
Еңбек және шығармашылық – тапсырма орындау кезінде.

Пәнаралық байланыстар
Дүниетану, бейнелеу өнері, қазақ тілі

АКТ қолдану дағдылары


Бастапқы білім
Өлең мазмұнын түсініп оқып, айта біледі

Сабақ барысы

Сабақтың жоспарланған кезеңдері
Сабақтағы жоспарланған іс-әрекет
Ресурстар

Сабақтың басы
Психологиялық ахуал
Біз балдырған баламыз,
Құстай қанат қағамыз.
Дүниені аралап,
Оқып білім аламыз. 1-кезең. Бағдарлау- мотивациялық кезең.Үйге берілген Тәуелсіздік күні деген мәтіннің мазмұнын сұрау. Тәуелсіздік алған күн өлеңін жатқа айтқызу.Қызығушылықты ояту Оқушылардың жазған шығармасынан үзінді оқыту Мен, байтақ ел, Қазақстан Республикасында тұрамын. Менің байтақ елімнің президенті -Нұрсұлтан Әбішұлы Назарбаев. Н.Ә.Назарбаев - ХХ-ғасырдың соныңда тәуелсіздік алған Қазақстан Республикасының тұңғыш Президенті. Ол кісі 1940 жылы Алматы облысындағы Қаскелең ауданы, Шамалған ауылында дүниеге келген. Президентіміздің әкесі Әбіш ата мен анасы Әлжан әже еліне сыйлы, еңбек десе ішкен асын жерге қоятын, адал, өнерлі жандар болған. Нұрсұлтан Әбішұлы балалық шағында ұшқыш болуды қатты армандаған. Алайда, еңбек жолын металлург мамандығынан бастаған. Жастық шағының жігерлі шақтарын Қарағанды облысының Теміртау қаласындағы домна пештерінде болат балқытудан бастады. Қазіргі уақытта біздің Қазақстанның аты әлемге әйгілі болып отыр. Әрине, бұл біздің Елбасының салиқалы саясатының арқасында қол жеткізген жетістігіміз.Менің Президентім-тәуелсіз қазақ елін тарих сахнасына шығарып, дүниежүзіне таныстырған, табыстырған дара тұлға.Менің Президентім-тәуелсіз Қазақ елінің ғалымы мен техникасын, білімі мен мәдениетін, өнері мен спортын шырқау биікке көтерген ұлт қайраткері. Мен, болашақ Қазақстанның кемеңгер ұрпағы, Президентімді мақтан тұтамын.


Сабақтың ортасы\ сабақтың негізгі бөлімі
Республикасында Мемлекеттік рәміздер күні ретінде мерекеленеді. Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі. Қазақстан Республикасында Мемлекеттік ту, Мемлекеттік елтаңба және Мемлекеттік әнұран мемлекеттік рәміздер болып табылады.
Қазақстан Республикасының мемлекеттік туы – ортасында шұғылалы күн, оның астында қалықтап ұшқан қыран бейнеленген тік бұрышты көгілдір түсті мата. Тудың сабының тұсында ұлттық өрнек тік жолақ түрінде нақышталған. Күн, оның шұғыласы, қыран және ұлттық өрнек бейнесі алтын түстес.
Қазақстан Республикасы Мемлекеттік туының авторы – Қазақстанның еңбек сіңірген өнер қайраткері Шәкен Ниязбеков.

Қазақстан Республикасының Мемлекеттік елтаңбасы – дөңгелек нысанды және көгілдір түс аясындағы шаңырақ түрінде бейнеленген, шаңырақты айнала күн сәулесіндей тарап уықтар шаншылған. Шаңырақтың оң жағы мен сол жағында аңыздардағы қанатты пырақтар бейнесі орналастырылған. Жоғарғы бөлігінде – бес бұрышты көлемді жұлдыз, ал төменгі бөлігінде Қазақстан деген жазу бар. Жұлдыздың, шаңырақтың, уықтардың, аңыздардағы қанатты пырақтардың бейнесі, сондай-ақ Қазақстан деген жазу – алтын түстес.
Қазақстан Республикасы Мемлекеттік елтаңбасының авторлары – белгілі сәулетшілер Жандарбек Мәлібеков пен Шот-Аман Уәлиханов.

Бұрын Менің Қазақстаным әні ретінде танымал болған Қазақстанның әнұраны Президент Нұрсұлтан Назарбаевтың бастамасы бойынша 2006 жылы 6 қаңтарда еліміздің Парламентінде бекітілді. Бірінші рет ол 2006 жылы 11 қаңтарда Мемлекет басшысының салтанатты ұлықтау рәсімінде орындалды.
Музыкасы – композитор Шәмші Қалдаяқовтікі, сөзі – Жұмекен Нәжімеденов пен Нұрсұлтан Назарбаевтікі.
- Бүгінгі сабағымыздың тақырыбы Менің туым Осы тақырыпқа қарай отырып, бүгінгі сабақтағы мақсатымыз қандай? Менің туым өлеңімен танысу, мәнерлеп оқып үйрену.Өмірдерек. Тірек сөздер схемасы арқылы жаңа сабақты түсіндіруСөздікпен жұмыс.Көтерілер шоқтығым – мерейі үстем болу, мәртебесі жоғарылау. Шартарап - дүниежүзі2-кезең. Операциялық - орындаушылық кезең. Поэзия минуты.Оқушылар Менің туым өлеңін мәнерлеп айтады.Топтастыру стратегиясы. Сөзжұмбақ шешу ТәуелсіздікБлок тапсырма. АС картасы.Екі бағанға сөздер жазылады, оқушылар сөздерді оқып, есте сақтаулары қажет. Күн мен түн ойынын ойнау арқылы оқушылар көздерін жұмған кезде екі блоктан да бірнеше сөздер алынып тасталынады. Оқушылар жоғалған сөздерді орнына қойып жазады. Ту, елтаңбақазақ, егемендікөк туым, алтын күнеркіндік, қыранМақал – сөздің мәйегі. Оқушыларға тақтада жазылған бірнеше мақалдың ішінен бүгінгі сабақтың тақырыбын, мазмұнын, мағынасын айшықтайтын мақалды тауып, оқып беру тапсырылады.Ой түйіндеу. Бүгінгі өтілген тақырыптың мазмұны бойынша сұрақтарға жауап алу.

Мемлекеттік рәміздер

Сабақтың соңы
Сұрақтарға жауап беру1. Қазақстан Республикасының мемлекеттік тілі қай тіл2. Қазақстан қандай мемлекет?3. Қазақстан халқының саны қанша ?4. Қазақстан Республикасының тұңғыш президенті кім?5. Қазақстан қашан тәуелсіз болып жарияланды?6.Теңгенің жаңа түрі қашан айналымға енді?7. Қазақстанның бас қаласы және астанасын атаңдар.8. Қазақстан жері неге бай9. Бүгінгі күні Қазақстан қандай ел 10.Тудың авторы кім ?11.Ту неліктен көк түсті ?12.Туда нелер бейнеленген ?13. Елтаңбаның авторлары кім?14. Елтаңбада нелер бейнеленген?15. Әнұранның сөзін жазған кімдір?16. Әнұранның әнін жазған кім?17. ҚР Мемлекеттік рәміздер күні қашан тойланады?
Сұрақтар


3-кезең. Рефлексиялық - бағалау кезеңі(Оқушылар сұрақтарға жауап бере отырып, өздерін өзі немесе бір-бірін бағалайды.)


Үйге тапсырма
Мазмұндау, өлеңді жаттап келу