"Металдардың қасиеттері"

Сыныбы: 5

Тақырыбы: Металдардың қасиеттері

Мақсаты:

1.Білімділігі:Оқушыларға металдардың қасиеттері туралы жалпы мағұлмат

беру.

2.Дамытушылығы:Оқушыларға металдардың қасиеттері туралы ой-өрісін

дамыту

3.Тәрбиелігі:Оқушыларды ұқыптылыққа,тазалыққа, үнемділікке

тәрбиелеу.

Көрнекілік: Плакаттар

Құрал-жабдықтар: Қайшы, қарындаш

Сабақ түрі: Жаңа сабақ

Сабақ әдісі: Түсіндіру, сұрақ-жауап, сарамандық жұмыс.

Сабақ барысы:

І.Ұйымдастыру кезеңі

а)оқушыларды түгендеу

ә)сабаққа дайындығын тексеру

ІІ.Жаңа сабақ

Металдардың физикалық, химиялық және механикалық қасиеттері бар. Физикалық қасиеттеріне олардың түр-түсі, балқу температурасы, жылу мен электр өткізгіштігі, жылудың әсерінен ұлғаюы т.б. жатады. Механикалық қасиеттеріне олардың қаттылығы, серпімділігі, беріктілігі, иілгіштігі, тұтқырлығы т.б. қасиеттері жатады. Металдардың химиялық қасиеттерінің бірі-тоттануға қарсылығы.

Аталған қасиеттердің кейбір сипаттамасына тоқталып өтейік.

1.Балқыу температурасы. Металдардың балқу температурасы деп олардың қатты күйден сұйық күйге өту кезіндегі температурасын айтады.

2.Жылу өткізгіштік-металдардың өздерінен жылуды өткзу қасиеті. Металдар қалай тез қызса, жылу өткізгіштігі соғұрлым жоғары болады.

3.Жылудан ұлғаю қасиеті-қыздыру барысында металдардың өз көлемін өзгерту, басқаша айтқанда ұлғаюы.

4.Беріктік-металдардың механикалық күштерге қарсыласуы, өздеріне түскен күштердің әсерінен сынбауы.

5.Қаттылық-металдардың өздеріне қатты заттың түсірген әсеріне қарсы төзімділігі. Металдардың қаттылығын білу үшін шағын тәжірибе жасап көруге болады. Болат пластинаға кернерді қойып, оны балғамен ұрсандар, онда ойық пайда болады. Енді осы операцияны қорғасын пластинасына жасап көріндер.

6.Металдардың серпімділік қасиеті оларға түскен күш тоқтаған соң өздерінің алғашқы қалпына келуін білдіреді.

7.Тоттануға қарсылық дегеніміз-металдардың коррозияға қарсы шыдамдылығын көрсетуі. Металдар негізінде ылғалдың т.б. факторлардың әсеріннен тоттанады.

ІII. Машықтық жұмыс

Оқушыларды машық барысында қаңылтырдан жәдігер әтеш жұмыстарын орындату жалғастыру, қадағалап жүру түсінбеген жерлері болса түсіндіру.

IV.Сабақты қорытындылау, бағалау

V.Жұмыс орнын жинау