«Ойна да, ойлан.» атты математикалық керемет сайыс

Тақырыбы: «Ойна да, ойлан.» атты математикалық сайыс

Сыныбы: 2-4 сыныптар

Мақсатымыз:
Математика пәніне қызығушылығымызды арттыра отырып, дәлдікке, ұқыптылыққа, шыдамдылыққа, еңбектене білуге үйрену.

Ойлау қабілетімізді, математикалық сөздік қорымызды дамыту, тапқырлық, ізденімпаздық қасиеттерімізді жетілдіру.

Көрнекілігі:   интертақта, карточкалық  тапсырмалар, логикалық  есептер, әр топқа  даярланған  үстел.

Түрі:  топқа  сайыс  сағаты

Типі:  ойын  түрінде

Математикалық сайыстың барысы:

  Армысыздар, құрметті ұстаздар қауымы мен оқушылар! Бүгінгі «Ұшқыр ойлы топ» атты 5 cыныптар арасында өткізілгелі отырған математикалық сайысымызға қош келдіңіздер! 

Бүгінгі ойын топтық сайыс түрінде өтеді. Негізінен 5- сынып оқушыларының арасындағы ұшқыр ойлыларынан құралған 3 топты ортаға шақырып, құрмет — қошемет көрсетіп қояйық.

Жарыс десе жаныңыз,
Жасырғанды табыңыз.
Күш сынасып көріңіз,
Жеткенінше әліңіз (шамаңыз).
Алғырлар мен тапқыштар,
Бар өнерін салады.
Математика сырлары,
Қызықтырады біздерді.
Ойынға бірге қатысуға,
Шақырамыз сіздерді — дей келе, сайыскерлеріміздің білімі мен біліктілігіне қара қылды қақ жарып әділ баға беретін Әділқазылар алқасын таныстыра кетейік. 

1-кезең. «Таныстыру»  

2-кезең. «Қас қағым сәт» (Бұл кезеңде топ басшылары қатысады)

3-кезең. «Жорға» —Математикалық жұмбақтар шешу.

4-кезең. «Математика және.»

 5-кезең. «Көкпар»

Білекті бірді жығар,
Білімді мыңды жығар-деген. Ал қазір әр топтың топ басшысы өз тобының мүшелерімен таныстырып өтсін.

І-кезең. Таныстыру . әр топ эмблемасын топ  атын,ұранын таныстырады

Өз білімдеріңіз бен ақылдарыңызға сене отырып, сайысуға даяр болсаңыздар, Сайысымызды бастайық. Сайысты бастар алдында оның өту тәртібімен таныстырып өтейік.

 ІІ-кезең «Қас қағым сәт» (Бұл кезеңде топ басшылары қатысады). Әр топқа 5 сұрақтан   сұрақтар қойылады. Әр дұрыс жауапқа 5 ұпайдан беріледі.

І топқа;

1. Алматыдан Астанаға дейін ұшақ 1 сағат 30 минут ұшты, ал қайтарда сол жылдамдықпен 90 минут ұшты. Бұл қалай? (1 сағат 30 минут – 90 минут)

2. 6² -6 неге тең? 30

3. 7 санымен аяқталатын сан берілген. Ол 300 – ден артық та, 310 – нан кем. Берілген санды тап? 307

4. Ең үлкен үш таңбалы сан? 999

5. Бір жылда неше тәулік бар? 365

ІІ топ:

1. Үш ат жегілген күйме 1 сағатта 15 км шауып өтті. Әрбір ат қандай жылдамдықпен шапты? (15 км/сағат)

2. 5² -5 неге тең? 20

3. Қосудың теңдігі? қосынды

4. Ең кіші үш таңбалы сан? 100

5. Бір минутта қанша секунд бар? 60

ІІІ топ

1. Торғайлар ұшып келіп бұтаққа қонды. Егер торғайлар бұтаққа бір - бірден қонса, бір торғай артық, ал екіден қонса бір бұтақ қалады. Торғай қанша, бұтақ қанша? (4 торғай, 3 бұтақ)

2. Қай санды бөлуге болмайды? 0

3. Ең үлкен екі таңбалы сан? 99

4. 6 санымен аяқталатын сан берілген. Ол 500 – ден артық та, 510 – нан кем. Берілген санды тап? 506

5. Барлық қабырғалары тең төртбұрыш? шаршы

 Ең қиыны жарыстың «Жорға» келді

Мықтылары келіпті, жеңсін енді.

Тез жауап бер, ойланып тұрып қалмай

Осы ойыннан көрейік ерен ерді.

Келді кезек жұмбақтарды шешуге,
Жақсы баға, шәкірт саған несібе.

ІІІ кезең. «Жорға» — Математикалық жұмбақтар шешу. Дұрыс жауапқа-5 ұпай беріледі.

№1

Алпыс төрт тең бөлмеде

Отыз екі тұрғын бар.

Ақ, қара қып бөлгенде,

Бірін-бірі қуғандар                               

Шахмат

 №2

Қос құлақты, жүз тісті,

Жүзінен бір-ақ із түсті.               

Ара

 №3   

Бес бұтақты теректе

    Бұтақ сайын  5 алма

     Біреуін бер Берікке

    Қалады сонда қанша алма?

Жауабы: Теректе алма өспейді

№4

Көлден ұшты 50 қаз,
Қайтып қонды 20 қаз
Қонбады оның нешеуі,
Қане кім тез шешеді?                  

Жауабы: 30 қаз

 №5    Санның бөлінген

 Есептеледі бізбенен

Жасалған істің өнімі,

 Өнім артық 100 болса,

Істің алға басқаны.

Өнімі кіші 100 болса,

Берекеңнің қашқаны.

Босқа кетіп төккен тер,

 Жамағаттың сасқаны              

Жауабы: процент

 №6 

Айқасқан екі таяқ,

Тұрады жоқты сұрап                  

Жауабы: х

 №7

Жоқ   өзінде баста, қаста, мойында.

Ұзындығы жазулы тұр бойында.                                  

Жауабы:  сызғыш

 №8

Шекер  жейтін  ақ  құтан

Бір   қазыққа  байланды

Аузына    тістеп  шекерін

Оң  қазықты   айналды.    

Жауабы: циркуль

№9

Атандан 10 баламыз

Бір – бір жастан арамыз

Қосылып кейде басымыз

Азайып кейде қаламыз

Бөлініп кейде арамыз

Көбейіп те аламыз

Жауабы: сандар

№10

Он бір түйе, 5 жылқы,

2 сиыр, 5 ешкі

2 қоян, 3 түлкі

Таба алмасаң бос күлкі.

Жауабы: 28

Білім деген биік шың,
Бақытқа сені жеткізер,
Білім деген ақылшың,
Қиындықтан өткізер,-дегендей, өз білімдеріңіз бен ақылдарыңызға сене отырып, сайысымыздың келесі кезегі

ІҮ кезең. «Математика және.» –

Жүргізуші:
Ұлттық ойын көкпар!
Білекті жігіт, белді ат,
Жекпе-жек, тартысты сәт,
Тақымы тастай, батыр ұлдар мен сәйгүліктер додасы.

V-кезең. «Көкпар»

Ойынның шарты:

Әр дұрыс орындалған тапсырмаға 2 ұпай беріледі. Адасқан әріптерді орнына қой

АНС               САН

ЗҮУТ             ТҮЗУ

УБК                КУБ

ЛЕСУӘ          СӘУЛЕ

ҰРШЫБ         БҰРЫШ

ӨЛКЕШБ       БӨЛШЕК

КИРЬЛУЦ     ЦИРКУЛЬ

ЦИПОРЯРОП ПРОПОРЦИЯ

ЕШБЕҢР     ШЕҢБЕР

ӘРЕДЕЖ    ДӘРЕЖЕ

СШТАБМ   МАСШТАБ

Білім деген биік шың ,
Бақытқа сені жеткізер.
Білім деген ақылшың ,
Қиындықтан өткізер — деп интеллектуалды сайысымызды аяқтаймыз.

Математика – адам үшін, адам – математика үшін жаралған!

Математиканы білмейсің, дұрыс өмір сүрмейсің!

Әділқазы бағалау 

Қорытынды

Сабақтың тақырыбы: «Қызықты математика»
Мақсаты: Оқушыларды тез ойлауға, шапшаңдыққа, ұйымшылдыққа баулу. Теориялық білімдерін кез келген жерде қолдана алуға үйрету
Түрі: cайыс cабақ
Көрнекіліктері: интерактивті тақта, сызбалар, слайдтар

Сабақтың барысы:
І тур. Таныстыру
ІІ тур. Математикалық оқулар
ІІІ тур. Мергендер сайысы
ІV тур. Тапқыр болсаң талас жоқ. Практикалық есептер
V тур. Жұмбақтар шешу.
VІ тур. Қағып ал да, жалғастыр
VІІ тур. Жанкүйерлер сайысы
VІІІ тур. Топ басшылар сайысы
ІХ. Қорытындылау, марапаттау

Бүгінгі сайыс топтық сайыс түрінде өтеді.
Математика сырлары,
Қызықтырды біздерді.
Ойынға бірге қатысуға,
Шақырамыз сіздерді

І тур. Таныстыру (әр топ таныстырады)

І топ. «Үшбұрыш» тобы.
Ұраны: Қандай сынақ болса дағы беріспе,
Әрқашанда үміткерміз жеңіске.
Сәлемдесуі:
Армандарға қол созумен келеміз,
Өмір теңіз жүзіп келеді кемеміз.
Білімменен қаруланған тобымыз,
Қарсыласты қалай да біз жеңеміз.

ІІ топ. «Төртбұрыш» тобы.
Ұраны: Жарыс десе жанамыз,
Бүгінгі күн жарыста алғырлықпен аламыз.
Сәлемдесуі:
Қиындықтан сірәда біз қашпаймыз,
Алғырлық пен тапқырлықты ұштаймыз.
Қияларға самғап ұшқан құстаймыз,
Шегінбейміз жеңістерге бастаймыз.

ІІІ топ «Дөңгелек» тобы.
Ұраны: Білікті бірді жығар.
Білімді мыңды жығар.
Сәлемдесуі:
Біз дайынбыз бұл сайысқа достарым,
Көрсетеміз бізде қандай күш барын.
Алға қойған мақсатымыз бір екен.
Сәтті болсын сапарымыз әрдайым.




ІІ тур. Математикалық оқулар (сан мен әріптерді қосып оқып мағынасын түсіндіру)
І топ ІІ топ ІІІ топ

Тем+2 = «-»+ан = 100 + дік =
М+10+ша = 1+қазан = 8 + көз =
40+қабат = К+2+лік = Зең+1+ек
Б+50+ар = 100+ік = С+2+ру
М+3+е = 7+ген = 5 + ік =
7+ су= 40 + аяқ = К + 2 +л =
6+бақан = Т + 10 = Қ + 10 + ақ =
Лим+10 = 3 + кір = 7 + к =
М+10+шақ = 6 + н = С + 10 +а =
ІІІ тур. Мергендер сайысы

«Мергеннің көзі де, мерген, қолы да мерген болуы керек» дегендей, мергендер сайысын бастаймыз.
Мұнда оқушылар шардың ішіндегі сұрақтарға жауап береді. Дартс ойыны ойналады.
1. Фигуралар сандармен белгіленген болса, төмендегі суретке қай жауап сәйкес келеді?

2. Кестедегі сандар белгілі бір заңдылық бойынша орналастырылған. Бұл заңдылықты және қалып қойған санды анықтаңдар.

1 5 6 11 * 28
10 ұпай
3. Сыйлық. 20 ұпай
4. (әзіл есеп) “ Түлкі мен қасқыр”.
Екеуі тегін балыққа тап болады. Қасқыр айтады “Мен математикаға нашармын, балықты сен бөл” дейді түлкіге. Сонда түлкі саған біреу, маған екеу, саған үшеу, маған төртеу т.с.с. Ең соңында жиырма балықты өзіне салады. Кім көп алды және қаншаға артық алды?
Қасқыр-100
Ж: Ең көп балықты түлкі алды -110, 10 балыққа артық.
5. Нұркен әкесімен тирге барды. Алдын ала былай келісіп алды: Нұркен бес рет атады және нысанаға тигізген сайын тағы да екі рет атады. Ол барлығы 17 рет атты. Нұркен қанша рет нысанаға дәл тигізді?
ІV тур. Тапқыр болсаң талас жоқ. Практикалық есептер
1. Банка мен доп берілген. Доп банканың ішінде. Банкаға қолды тигізбей допты қалай алуға болады?
2. 3 стакан мен ақ парақ берілген. Ақ парақты қолданып екі стаканның үстіне бір стаканды қалай қоямыз?


V тур. «Ой сергіту» (жұмбақтар шешу)
1. Бұлбұлдың 2 құлақ, 1 басы бар
Салдыраған 8 жерден таңбасы бар.
Бұлбұлды жолға салып айдағанда,
Салатын неше түрлі жорғасы бар.
(Домбыра)

2. Жоқ өзінде бас та, қас та, мойын да,
Ұзындығы жазулы тұр бойында. (сызғыш)

3. Алды – артымыз шексіз де,
Жете алмайсың біздерге.
Сәуле менен кесінді,
Шыққан тегім білсе де. (түзу)

4. Күнде есебін жаттайды,
Ешбір тыным таппайды.
Алмайды бір тағат,
Оның аты....... /сағат/

5. Жапанда бір бәйтерек бес бұтақты,
демейді ешкімге ешкім кес бұтақты.
Ешкім кеп кеспесе де бұтақтарын,
Бұтағы бестен артық өспей қапты. /қол, бес саусақ/

6. Нәрселерді санағанда,
Керек ол бізге ауадай,
Айтыңдаршы, бұл қандай сан,
Жан-жағыңа қарамай? (натурал сан)


7. Өмірің сенің қызық,
Жолында жоқ түзу сызық,
Басы да жоқ аяғы.
Бір айналым баяғы. (дөңгелек)

8. Дүкеннен мен сабын алдым,
Оның және қабын алдым,
Екі дәптер, бір қарындаш,
Тіс ысқышты тағы да алдым.
Есептеші сонда бәрі
Қанша болды, қолда бары? ( 6 )

9. Ұшып барады бір топ қаз оңтүстікке
Мықты болсаң,қанша екен тез есепте
Алдында екеу,екеу келеді артында
Екі-екіден келеді қос бүйірде. (4)
10. Түйе, бота маң басқан,
Төрт аяғын тең басқан.
Шұнақ құлақ бес ешкі,
Қос лақты қос ешкі,
Төрт қозылы екі қой,
Бәрін бірге санап қой. (17)

11. Бес бұтақты ағашта
Бұтақ сайын бес алма.
Біреуін бер Алматқа
Қалады сонда қанша алма? (24)

12. Сапырып-сапырып сарманға бер,
Құйып-құйып Құрманға бер.
Есіктегі екеуге бер,
Төрдегі төртеуге бер.
Өзің іште маған бер деген екен. Мұны естіген ұрылар «Қой мұнымыз болмас. Бұл үй толы кісі болды, әрі бізден екі есе артық екен, кетейік»- деп кетіп қалыпты. Кемпір тапқырлығымен ұрылардан осылай аман қалыпты. Сонда үйдегі адам нешеу, ұры қанша? ( 10 адам, 5 ұры)

VІ тур. Қағып ал да, жалғастыр
Бірінші топ допты лақтырып математикалық термин сөз айтады, допты қағып алған топ термин сөзді жалғастырады.
VІІ тур. Жанкүйерлер сайысы «Арифметикалық лабиринт» ойыны.
Экранда лабиринт суреті берілген. Әр қақпаның алдында сандар жазылған. Қақпадан өткен сайын сол сандар қосылып отырады. Лабиринттің ортасына жеткенде 100 санын жинауымыз керек. Лабиринттің ортасына қанша жолмен баруымызға болады?
VІІІ тур. Топ басшылар сайысы
1. Үстел үстінде үш стакан шие тұр. Марат бір стакан шиені жеп қойды.
Неше стакан қалды? 3 стакан
2. Допты лақтырғанда, доп сол ізімен кері қайту үшін оны қалай
лақтыру керек? Жоғарыға.

3. Бір-біріне тең төрт бөлікке бөл.
Шешімі:
Алдымен әр шаршыны 4 бөлікке бөліп тастаймыз. Сонда бізде 12
тең бөлік пайда болады. Ал 12-ні 4 бөлу оңай.
4.Қаранғы бөлмеде керосин шамы және шырақ қатар тұрса, бірінші нені тұтатар едіңіз? (Сірінкені)
5. Жыл он екі ай ішінде 30 және 31 сандары ауысып отырады.Ал 28 саны қай айда кездеседі? (Барлық айда)
ІХ. Қорытындылау, марапаттау
Білім деген биік шың
Бақытқа сені жетелер.
Білім деген ақылшың
Биіктерге көтерер.
Барлық бөлімнің ұпайлары саналып, көп ұпай жинаған топ жеңіске жетеді және марапатталады.
Сыныптан тыс өткізілген бұндай сайыстарда оқушылардың пәнге деген қызығушылығын арттырумен қатар, олардың білімін бағалау, ой-өрісін кеңейтіп, тұжырымдар жасатып, өз ойларын айта білуге төсілдірумен шығармашылық қиялын дамытады.Сынып: 5 «г» сынып

Тақырыбы: «Тапқыр достар!»

Сабақтың мақсаты:

Білімділігі: Оқушылардың математикалық білім қабілеттерін тексеру, алған білімдерін пысықтау.
Дамытушылығы: Мұндағы өлең - есептер, ертегі есептер, сөзжұмбақты шешу арқылы логикалық ойлау қабілетін дамыту.
Тәрбиелілігі: Пәнге қызығушылығын арттыру. Оқушылардың өз ойын еркін айта білуге қалыптастыру. Оқушыларды ауызбіршілікке, достыққы, ұйымшылдыққа тәрбиелеу. Туған жерінің табиғатын сүюге, қорғауға тәрбиелеу.
Сабақтың түрі: Танымдылық ойын сайыс сабақ
Сабақтың әдісі: Сұрақ - жауап, көрнекілік. ізденушілік, ойын, құрастыру
Көрнекілігі: Сөзжұмбақ,, викторина, жұ мбақтар,, өлең есеп,.
Сабақтың барысы:
Ұйымдастыру бөлімі:
- Құрметті ұстаздар, оқушылар сіздер 5 «г» сынып оқушылары арасында өтетін «Тапқыр достар» атты сайыс сағатына қош келдіңіздер!.
Сайысымыздың негізгі мақсаты әртүрлі математикалық ойын тапсырмаларды орындау арқылы білімдерін, одан әрі тереңдету. Алған білімдерін пысықтау.
Сайыс жоспары:

1. Таныстыру

2. Викториналық сұрақ

3. Сөзжұмбақ

4. Жаңылмаймын

5. Гүлдер тапсырмасы (есептер шығару)

6. Ойымды жалғастыр (мақал-мәтел)

7. Тапқырлар сайысы (логикалық сұрақтар)

8. Көңілді санау

9. Топ басшылардың сайысы

10. Қорытынды

Қолданылған нақыл сөздер: 
1. Арифметика математиканың, ал математика ғылымдардың патшасы. 
(К.Гаусс) 
2. Ақыл-ойды тәртіпке келтіретін математика. 
(М.В.Ломоносов) 
3. Математика – барлық ғылымдардың тұңғышы және оларға пайдалы да, қажет те. (Р.Бэкон) 

Уа, халайық, халайық
Бәріне жар салайық
Бүгінгі кеш төрінде
Математика елінде
Есеп шешіп жарысып
Жұмбақ шешіп аңдысып,
Шабыт тасып, шалқысып
Көңілді кеш жасайық
Жұмбақ шеру шашайық
Мұнда қызық табылар
Жұмбақ, есеп бәрі бар
Ал, сайыскер балалар
Білімдеріңді сынайық.- деп

Бүгінгі сайыс сағатында сынға түсетін үш топпен таныстырып өтейін.
«Алғырлар» тобы 
1) Топ басшысы 

«Білгірлер» тобы» 
1) Топ басшысы –

«Ойшылдар » тобы

1) Топ басшысы –

Енді сөз кезегін топтарға берейін, өз топтарын өлең жолдары арқылы таныстырып өтсін.
І. Таныстыру.
«Алғырлар» тобы

Озып шығып бәйге аламыз
Аты аңызға айналған
«Алғыр» бала атанып
Бізде ғалым боламыз.

«Білгірлер» тобы

Мақтанбаймыз «білгірміз» деп
Таудай бірақ талабымыз
«Білгір» бала атанып,
Келешекте өскенде
Үлкен ғалым боламыз.

«Алғырлар» тобы

Ойшылмыз, біз ойшылмыз

Ойы ұшқыр, сөзі жүйрік, от демі

Ұлы, ұлы ойшылдардан дүнием

Көз қуантар көк майсадай көктегі.

ІІ. Викториналық сұрақтар

«Алғырлар» ға сұрақтар

1. Шеңбер деген не?

2. Натурал сандар деген не?

3. радиус дегеніміз не?

4. Диаметр радиустан неше есе үлкен?

5. Бұрыш дегеніміз не?

6. Дөңгелек деген не?

7. Толық бұрыш неше градус?

8. Дөңгелек сектор деген не?

9. Санды өрнек деген не?

10. Теңдеу деген не?

11. Бұрышты өлшейтін құрал?

12. Тік бұрыш неше градус?

13. 1 ғасыр неше жыл?

14. Құрама сандар дегеніміз не?

15. 11 қандай сан

«Білгірлер» ге

1. Ең кіші натурал сандар ?

2. Хорда деген не?

3. Диаметр дегеніміз не?

4. Диаметр радиустан неше есе үлкен?

5. Доғал бұрыш дегеніміз не?

6. Дөңгелек деген не?

7. Толық бұрыш неше градус?

8. Дөңгелек сектор деген не?

9. Әріпті өрнек деген не?

10. Әріпті өрнек деген не?

11. Жазыңқы бұрыш неше градус?

12. Бұрыш деген не?

13. Дөңгелек сектор деген не?

14. Жай сандар дегеніміз не?

15. 33 қандай сан?

«Ойшылдар»ға

1. Шеңбердің доғасы деген не?

2. радиус дегеніміз не?

3. Диаметр радиустан неше есе үлкен?

4. Сүйір бұрыш дегеніміз не?

5. Дөңгелек деген не?

6. Толық бұрыш неше градус?

7. Диаметр деген не?

8. Санды өрнек деген не?

9. Теңдеу деген не?

10. Тік бұрыш неше градус?

11. Натурал сандар деген не?

12. Дөңгелек сектор деген не?

13. Жай сандар дегеніміз не?

14. Құрама сандар дегеніміз не?

15. 29 қандай сан?

І  ІІ. Жұмбақтар
Ей, балалар, балалар,
Қане бері қараңдар
Сайысымызда қиналмай
сөзжұмбақты шешіп алайық.

Үш топқа сөз жұмбақ беріледі 2 мин ішінде

Қай топ неше сөз табады?

ІV . «Жаңылмаймын»

Әр топтан 2 оқушыдан. 
30-ға дейін санау керек, 3-ке еселік және 3-пен аяқталатын сан орнына «жаңылмаймын» деп айту керек. Қателескен  оқушылар шығып қалады. 

V. Гулдер тапсырмасы (Есептер шығару)

Әр топтан оқушы шығып өздеріне ұнаған гүлді алып онда берілген тапсырманы шығарады.

VІ. Ойымды жалғастыр (Мақал-мәтелді жалғастыру). Үш топқа жалпы тасталады. Қай топ бірінші жауап берсе сол топқа ұпай беріледі.

1. Жеті жұрттың тілін біл, (жеті түрлі білім біл)

2. Білекті бірді жығар, (білімді мыңды жығар) 

3. Екі жақсы қас болмас, (екі жаман дос болмас) 

4. Досыңды үш күн сынама, (үш жыл сына) 

5. Бір елі ауызға – (екі елі қақпақ) 

6. Отызтістен шыққан сөз, (отыз елге тарайды) 

7. Білгенің бір тоғыз, (білмегенің тоқсан тоғыз) 

8. Бір кісі қазған құдықтан, (мың кісі су ішеді) 

VІІ. Тапқырлар сайысы (Логикалық сұрақтар

«Алғырлар» тобына

1. Егер тырна бір аяғымен тұрса 3 кг болады, ал екі аяғымен тұрса оның салмағы қанша?(3 кг) 
2. Үстел беті төртбұрышты, оның бір бұрышын арамен кесіп алсақ, неше бұрыш қалады? (5 бұрыш) 
3. Төрт қойдың неше аяғы бар? (16 аяқ) 

«Білгірлер» тобына. 

1. Ағаш үстінде 100 торғай отырады. Аңшы 10 торғайды атып алады. Торғайдың қаншасы қалады? (10 торғай). 
2. Мектепке келе жатқан 5 балаға қарсы жолда тағы 4 бала жолықты. 
Мектепке неше бала барды? ( 5 бала ) 
3. 1 т мақта ауыр ма, 10ц темір ауыр ма?(тең) 

«Ойшылдар» тобына. 
1. Жанұяда 2 ұл және әр ұлдың 2 әпкесі, 1әкесі бар. Әр қыздың бір анасы 
бар. Жанұяда барлығы қанша адам бар? ( 2ұл, 2 қыз, 1 әкесі, 1 анасы- 6адам) 
2. Асханаға 100 кг пияз және одан 3 есе артық картоп әкелінді. Асханаға неше кг картоп әкелінді? (300 кг) 
3. 4 ұл да неше саусақ бар? ( 80 )

VІІІ. Көңілді санау.

таблицадағы сандарды тез санауға әр топтан 1 оқушыдан шығады. Оқушының таблицадағы сандарды ретімен көрсетіп, оларды тауып, атап шығуын 1 мин уақыт беріледі. Оқушының қанша сан тауып оқуына қарай ұпай саны беріледі.

ІХ. Топ басшылардың сайысы .

Карточкадан есептер беріледі. Қай топ басшысы бірінші және дұрыс шығарады. Сол Топқа жоғары ұпай қойылады.

Х. Қорытынды.

Әр топтың жинаған ұпайлары саналып, топ орындары анықталып, марапатталады.