Тақырыбы: «Ол не және қандай?»

Мақсаты: Шағын орталық тәрбиеленушілерінің ерікті зейінін, түстер мен пішіндерді ажырата алу қабілеттерін дамыту.

1. Ұйымдастыру

Тәрбиеленушілермен амандасу. Танысу үшін толық аты-жөндерін сұрау.

2. «Қолыңа қара» жаттығуы.

Мақсаты: Ерікті зейінді дамыту.

Суреттелуі: Балалар дөңгелене тұрып әкомандирдің» қолмен жасаған әртүрлі қимылдарын дәл қайталауы керек.

Нұсқау: «Қазір біз ойын ойнаймыз. Ол үшін бізге қимылдар көрсетіп тұратын «командир» керек. Алдымен мен командир боламын, сонан соң санамақ бойынша шыққан бала болады. Енді ойынды бастаймыз.

Ескерту: Ойынды үйрену барысында қолдың қимылын үлкендер көрсетеді (қолмен көрсетілетін қимылдар: қолды жоғары көтеру, екі жаққа созу, белін ұстау, екі қолдың саусақтарын айқастырып, алға созу, жоғары көтеру т.б)

3. «Мынау қандай түс, қандай пішін?» жаттығу-ойыны

Мақсаты: тәрбиеленушілердің түстер мен пішіндерді ажырата білу қабілетін анықтау және қалыптастыру.

Нұсқау: Тәрбиеленушілерге қызыл, сары, жасыл, көк түсті дөңгелек, сопақ, үшбұрыш, төртбұрыш пішіндер таратылады. Әр тәрбиеленуші қолындағы қиынды қағаздың қандай түсті екенін және қандай пішін екенін айтуы керек.

Қойылатын сұрақтар:

1) Балалар, табиғатта сары түсті қандай заттарды білеміз? (күн, жұлдыз, гүл, саз т.б.)

2) Ал, жасыл түсті нелерді білеміз? (өсімдіктер т.б.)

3) Табиғатта кездесетін қызыл түсті қандай заттарды білесіңдер? (гүл, батып бара жатқан күн т.б.)

4) Ал, енді көк түсті нені білеміз? (аспан, көл, теңіз, гүл т.б.)

5) Ал, енді балалар, сендер маған осы бөлмедегі дөңгелек, үшбұрыш, төртбұрыш, сопақ пішінді заттарды атап беріңдерші.

-Балалар, сендер бүгін не үйрендіңдер?

- Бүгінгі сабақ сендерге ұнады ма? Ұнаса, таратылған парақшадағы дөңгелекті күліп тұрған смайликке айналдырасыңдар. Ал, егер ұнамаса, ренжіп тұрған смайликке айналдырасыңдар.

Балалар, келесі кездескенше сау болыңдар!