"Өнерлі өрен" көркем еңбектен авторлық бағдарлама

Б.Қаратаев атындағы ЖОББМ

Көркем еңбек бағыты бойынша

жалпы орта білім беру ұйымдарына арналған

«Өнерлі өрендер»

үйірме бағдарламасы

Көркем еңбек пәнінің мұғалімі: Кубенгалиева Назгул Орынбаевна

Батыс Қазақстан облысы Қаратөбе ауданы

Түсінік хат

Бағдарлама бейнелеу өнері және қолөнерді меңгерту үшін оқушылардың қабілеті және қызығушылығы басты назарда болмақ. Балалардың қызығушылығын ояту үшін түрлі әдіс - тәсілдерді сабақта пайдалану тиімді болып табылады. Сол арқылы баланың пәнге деген ынтасы артады. Жас ұрпақтың рухани мәдениеті мен дүниетанымын, көркемдік талғамын қалыптастырудың басты құралы - оқушыларға көркемдік білім мен эстетикалық тәрбие беру.Үйірмеде алған білімдері мен өнерлерін өмірде қолдана білуге жаттықтыру. Сұлулықты сүйе білуге, өнерлі болуға ұмтылдыру.

Бұл бағдарлама бейнелеу өнерін окыту әдістемесі пәніне байланысты бала психологиясының теориялық және практикалық негіздеріне арналады. Мектептерде өтілетін бейнелеу өнері үйірмелері бойынша жаңа оқыту технологиясын қолдану жолдарына бағыт береді.

Көркемдік өнерді оқытудың білім беру жүйесіндегі негізгі мақсаты: «Оқыту процесін үздіксіз және толық деңгейін бақылау, сонымен қатар ақпараттық ізденіс қабілетін дамыту.» Оқушылардың өнерге деген қызығушылығын арттыруды көздей отырып, бейнелеу өнері бойынша барлық түрлері мен жанрлары қамтыла отырып жасалған.

Бейнелеу өнерінің бағыттарын тереңдетіп оқыту және замауи бағыттағы қолөнерлер негізделген үйірме бағдарламасы көркем еңбек пәні мұғалімдері үшін көмекші құрал болып табылады. Оқушылардың жас ерекшеліктеріне, қызығушылықтары ескеріле отырып құрастырылған.

Жалпы жыл бойына 34 сағат жоспарланып отыр, аптасына 1 сағат.

Күнтізбелік бойынша оқушыларды өнерге баулуда көркемдік білім мен эстетикалық тәрбие береді деп ойлаймын. Оқушыларды есте сақтау, қиялдау, ойлау немесе тақырып бойынша сурет салу арқылы оқушылардың ойлау қабілеті дамып, тереңдей түсетінін, шеберлік сыныптар арқылы жұмыс жасау барысында оқушылардың байқағыштық қабілеттерін дамытып, үйлесімдік шешім табуға, олардың бейнелік ойлау қабілеті мен талғампаздық дағдысын жетілдіреді. Бұл күнтізбелік жоспардың жалпы мазмұнына қысқаша тоқтала кетсек:

-  Бейнелеу өнерінің түрлері бейнелеу өнерінің кескіндеме (кескіндеме түрлері), графика (графика түрлері), мүсін өнері (мүсіндеу  түрлері), сәулет өнері (сәулеттік өнер түрлері), дизайн және халықтық  сәндік қолданбалы өнері (қолөнер түрлері) сынды бірнеше тармақтармен қамтылады.

Оқу негізі бойынша төмендегідей міндеттерді жүзеге асыру көзделеді:

оқушылардың бейнелеу өнеріне деген мәдени көзқарасын қалыптастыру; оларға адамзат жинаған әлеуметтік, рухани, адамгершілік тәжірибесін меңгерту;

Адам бойындағы табиғи дарынды құрметтеудің озық дәстүрлерін меңгерген құнды бағдарланған жеке тұлғаны тәрбиелеу;
Оқушылардың мәдени білімді шығармашылықпен қолдану, қолданбалы өнермен жұмыс істеу, суретші шығармаларын салыстырмалы талдау негізінде ой елегінен өткізе білу дағдыларын қалыптастыру;
Отаны мен халқы алдындағы жауапкершілігін сезінетін жас ұрпақтың мәдени, рухани адамгершілік ұстанымын қалыптастыру.

Болжамы:

Оқушылардың ойын, қиялын кеңейту, көркем өнерге деген ынта - жігерін арттыру. Бейнелеу өнерінің жанрлары мен түрлері туралы толық мағлұмат беру. Көне мәдениетімізді сақтай отырып, жаңа мәдениетті, өнерді бойымызға сіңіре білу.

Күтілетін нәтиже:

• Қолөнер құралдарымен жұмыс жасап үйренеді;

• Бейнелеу өнерінің түрлерімен жанрларын айыра біледі;

• Үлгі бойынша жұмыс жасай білуге дағдыланады;

• Қалдық заттарды тұрмыста қолдана біледі;

• Сабақ меңгерген білім, білік дағдыларын өмірде қолдануды меңгереді;

• Сурет байқауларына қатысуға шыңдалады.

Қолөнер үйірмесіне ұйымдастырылған «Өнерлі өрендер» үйірмесінің тақырыптық- күнтізбелік жоспары

(жылына 34 сағат, аптасына 1 сағат)

Пайдаланған әдебиеттер

Мұғалім үшін:

1. Жолдасбаев А «Орта ғасырлардағы Қазақстан тарихы» Алматы, «Атамұра» 2012 ж

2. Б.Аяған. Қазақстан Ұлттық энциклопедия «Қазақ энциклопедиясы» Алматы, 2004 ж 647 бет

3. Қазақ өнерінің тарихы /үш томдық/ Ежелгі дәуір ІІІ том. Алматы «Өнер» 2007 ж. 85-123 бет

4. Марғұлан А.Х, Акишев К.А, КадырбаевМ.К, Оразбаев А.М «Древняя культура Центрального Казахстана» Алма-Ата 1966, 277-278 бет

5. Кузнецова Э.Ф, Тепловодская Т.М «Древняя металулургия и горнарное производство Центрального Казахстана» Алматы. Ғалым, 1994. 207 бет

6. Айдарова З, Сауғабаев М «Бейнелеу өнері. Дидактикалық материалдар» Алматы, «Атамұра»,2006ж, 40бет

Оқушы үшін:

1. Қ.Болатбаев, Ұ.Ибрагимов. Бейнелеу өнері. 5 -сыныбына арналған оқулық. 2 -басылымы, өңделген. Алматы «Атамұра» 2005.

2. Бейнелеу өнері. Оқыту әдістемесі. 5 -сыныбына арналған. Алматы «Атамұра» 2001.

3. З.Айдарова. Бейнелеу өнері. 6 -сыныбына арналған. 2 -басылымы, өңделген. Алматы «Атамұра» 2006.

4. Бейнелеу өнері. Оқыту әдістемесі. 6 -сыныбына арналған. Алматы «Атамұра» 2002.