Оқу іс әрекеті

Білім беру саласы: Таным.

Бөлімі: Құрастыру.

Тақырыбы: «Судан өтетін көпір».

Мақсаты: құрылысы күрделі емес көпірді құрастырып үйрену; көпірдің алуан түрлері, олардың қызметі және оны құрастыру элементтерімен таныстыру; үлгіге қарап отырып, құрылысты дұрыс құрастыру білуге, “ұзын-қысқа” ұғымдарын айыра білуге үйрету; шығармашылыққа және өз бетінше жұмыс істеуге баулу.

Керекті құралдар: кірпіштер, кубиктер, ұзынды-қысқалы пластиналар, призма, адам мүсіндері, көгілдір және көк жолақтар, “Көпір түрлері” кестесі.

Барысы: «Көңіл күй жаттығуы». – Қане, бір-бірімізбен қол ұстасып, бәріміздің көңіл күйіміз көтеріңкі болу үшін бір-біріміздің көзімізге қарап, күлімдейік. Кімнің көңіл күйі көтеріңкі болса, сол баланың жұмысы жақсы болады. Балалар «Көңіл күй »жаттығуын жасады.

-Қане, енді мына суретке көңіл бөлейік.

-Дұрыс айтасыңдар, өзен үстіндегі көпірді көріп тұрмыз.

-Ал ол не үшін жасалған? Жаяу жүр-гіншілер үшін.

-Біз сендермен көпірдің қандай түрлерін көрдік?(«Көпір түрлері» туралы кестені ілу.

– Көпірдің бәріне не ортақ? Тіреуіші, жақтауы, жүретін бөлігі, түсетін жері.

– Неліктен олардың түсетін жерлері әртүрлі пішінде? Көліктердің түсі – Көліктерге арналған.

– Адамдарға арналған - жүргіншілерге.

– Көпірдің бәріне Тіреуіші, жақтауы, жүретін бөлігі, түсетін жері ортақ.

Жүргіншілер көпірінде баспалдақ болады.

Бой сергіту. Көпір туралы жұмбақ шешкізу. Есік қағылып қонжық кіреді де, жылайды.

Тәрбиеші: Саған не болды, неге жылайсын?

Қонжық: Мен арғы жағадағы орманға жете алмай тұрмын, өйткені көпір ескірген екен, сынып қалды.

Тәрбиеші: Сен жылама, біз саған көмектесеміз, солай емес пе, балалар! Ал сен бізге қарап отыр.

– Балалар, алдымен жүргіншілер көпірінің жасалу жолына мұқият қараңдар. 2 текшеден аламыз да, көпір биік болу үшін бірінің үстіне бірін қоямыз. Текшені көрсетіңдерші. Текшелердің үстіне кірпіштер қоямыз,сосын оны пластинамен жаба-мыз.

-Бізге тағы не істеу керек? Түскіш. Жүргіншілер үшін қандай түскіш болу керек? Бас-палдақтар. Енді өзеннен өтетін көпірді өздерің жасайсыңдар. Балалардың көңілін қосым-ша материалдарға: көгілдір, көк жіңішке жолақ қағаздар, адам бейнелері, ағаштарға ауда-ру. Өз бетінше жұмыс кезінде балаларға жеке нұсқау беру, көрсету.

Жұмыстың орындалу сапасын тексеру.

Тәрбиеші: Қалай, қонжық, біздің балалар жасаған көпір саған ұнады ма?

Қонжық: балалардың жұмысын мадақтап, өлең айтып береді:

Буырқанған өзенде,

Жеңіл, иілгіш аспалы,

Сол жағадан оң жағаға,

Белдікше көпір тағылған. Балалар қонжыққа ризашылықтарын білдірді.

Ойын: «Апандағы аю».

Қорытынды: Оқу қызметін қорытындылап, жақсы қатысқан балаларды мадақтау.

Күтілетін нәтиже:

Білу:көпірдің алуан түрлері, олардың қызметі және оны құрастыру элементтерімен танысты.

Игеру: құрылысы күрделі емес көпірді құрастыруды игерді

Меңгеру: шығармашылықты және өз бетінше жұмыс істеуді меңгерді.