Алматы облысы Еңбекшіқазақ ауданы Ащысай ауылы «Шоқан Уәлиханов атындағы орта мектеп-мектепке дейінгі шағын орталығымен» коммуналдық мемлекеттік мекемесінің бастауыш сынып мұғалімі: Сұлтанова Сейсехан Оқу үрдісіндегі өзгерістер. Қазақстан Республикасында Білім беруді дамытудың 2011-2020 жылдарға арналған мемлекеттік бағдарламасында: « Білім беру , Қазақстан 2030 » ұзақ мерзімді стратегиясының маңызды бөлігі болып табылады Қазақстандағы білім беру жүйесін жаңа реформаға бейімдеу, қазіргі заман талабы екені бәрімізге мәлім.Соның ішінде, білім мәселесіне ерекше көңіл бөлінуде. Қазіргі әлемде болып жатқан қарқынды өзгерістер әлемдік білім беру жүйесін қайта қарау қажет екендігін паш етті.Білім беру саласында қол жеткізілген бүкіл әлемдік бітімнің негізі оқушылар үшін білімнің де, дағдының да тең дәрежеде маңызды екендігінде. Қазіргі заманның талабы, оқушылардың алған білімдерін пайдаланып қана қоймай.оларды өмірде қолдана білуге үйрету болып табылады. Мұғалімдер қауымы оқушыларға қалай білім алу керектігін үйрете отырып, нәтижесінде еркін сөйлеп өз ойын жеткізе білетін, сыни пікірі қалыптасқан оқушыны дайындау. Білімді дайын күйінде емес,өздері еңбектеніп , талаптанып құрастыра алатындай оқушы тәрбиелеу.Бұл дегеніміз: барша ұстаздар қауымының алдында тұрған үлкен міндет деп түсінуіміз керек. Көне қытай ғұламасы Конфуций: «Маған айтып берсең-ұмытып қаламын,көрсетсең-есте сақтармын, ал өзіме жасатсаң –үйренемін» деген екен.Бүгінгі қойылып отырған талап бұрынғыдай «беру», «үйрету». «оқытудан» тұрмайды, керісінше «ұйымдастыру», «бағыт-бағдар» беру, «жағдай жасау» болып табылады . Әдістерді түрлендір қарап жатпа-деп әріптесім айтқандай өзімнің іс-тәжірибемде мына өзгерістерді енгіздім.Сабақтың мақсатын дұрыс жоспарлауды, түрлі әдістерді пайдалана отырып, сабақты қызықты өткізуді,оқушы пікірін соңына дейін тыңдауға көңіл бөлуді жөн көрдім.Мен өзім үшін және әріптестерім үшін өзгеруге тиіспін.Ең алдымен сабақ беру тәсілді,әдістерді өзгертуіміз қажет.Қазіргі бағдарлама бізге көп нәрсені өзгертуді үйретті.Сабақ беру кезінде 7 модульдің берері мол екендігіне көзім жетті.Оқушылар өз бетінше көп ізденеді,сыни тұрғыдан ойлау қабілеттері дамиды. «Мен еш уақытта өз оқушыларыма еш нәрсе үйретпеймін,тек ғана олардың оқуы үшін жағдай жасаймын» деп Эйнштейн айтқандай,жаңа әдістердің ерекшелігі мұғалім бағыт-бағдар беру арқылы оқушылардың тақырыпты өз бетімен меңгеруіне жағдай жасайды.Ал,оқушылар өздері ізденіп, ақпаратты зерттеп өз бетінше түсіне алады. Топпен жұмыс істеуді үйренеді.Бірін-бірі тыңдауға,сұқбаттасуға,өз ойын анық жеткізе білуге қалыптасады.Басқалардың пікірімен санасады.Өзін-өзі реттеуге үйренеді.Өзара сыйластық, ынтымақтастық қарым-қатынас артады. Болашақта жеті модульді сабақта тиімді пайдалану арқылы оқуды қызық және жеңіл өткізуге болатынын білдім.Соның арқасында оқушылардың оқуға деген қызығушылығы артады, білім деңгейі көтеріледі.Сондықтан сөзімнің соңында,мұғалім әрдайым ізденіс үстінде болуы керек.Мұғалім жаңа заман талабына сай болуы қажет деп ойлаймын.
ҚР Білім және Ғылым министірлігінің стандартымен жасалған
17 Ақпан 2018
677
0 рет жүктелген
