Оқушылардың шығармашылық қабілетін дамыту

Еліміздің жарқын болашағына үлес қосатын, сапалы, сындарлы ұрпақтың шығармашылық қабілетін дамытатын – мұғалімнің,мектеп ұжымының міндетінің бірі болып табылады.Жалпы «шығармашылық» сөзі – «шығар», «ойлап тап» сөзінен бастау алған. Яғни, бір затты немесе жүйені, іс – әрекетті ойлап табу. Жалпы кез – келген шәкірт қабілетсіз болмайды. Мысалы: бір оқушы саз балшықтан мүсіндер жасауды жақсы көрсе, енді бірі домбыраға әуес болуы, ал үшіншісі қима қағаздармен жұмыс жасауды жақсы көреді. Міне, баланың осы қабілетін аша отырып, оның болашақ мамандығына бағдар беру, оның сапаслы және сыни тұрғыдан ойлауға бағыттау – мұғалімнің негізгі қызметтерінің бірі болып табылады.

Оқушының шығармашылық қабілетін ұстаз қалай дамытады? Шығармашылық белсенділікті ояту үшін сабақта жиі көрнекі құралдар қолдану, жаңа АКТ құралдарын, инновациялық құралдарды жиі қолдану,сурет – тірек сызбалармен жұмысты көбірек қамту,тақырыпқа сай бейнефильмдер, диафильмдер қолдану, көбірек көрсетіп, оны оқушыға талдату;

Шығарамашылық қабілетті дамытуға жақсы мүмкіндік беретін тағы бір пән – еңбек сабағы. Дәл осы пәнде біз оқушының қиялын дамыта аламыз. Алдындағы берілген тапсырмаға әртүрлі сыни көзқараспен қарап, орындау шеберлігін оқушы осы сәтте көрсете алады. Бірі – сызба арқылы жұмысты ұнатса, бірі – кесте тігуі мүмкін, бірі сурет арқылы ойын жеткізіп жатады. Оқушылардың шығармашылық қабілетін дамыту барысында мен мына жайттарды басты назарға аламын:

1. Сабақ барысында шығармашылық қабілетті көрсететін жұмыстарды жиі енгізу;

2. Арнайы әдістемелер бойынша шығармашылық қабілеттерін үнемі жетілдіріп отыру;

3. Сабақтан тыс жұмыстар: пәндік олимпиада, ғылыми конференциялар, танымдық жарыстар – жыл бойы қатысу, оқушыларды қатыстыру жоспарын құру;

4. Өзімді үнемі жетілдіру;

Осы қағидаларды назарға ала отырып, сыныбымдағы әр оқушының қабілетін дамытатыныма сенімдімін.Оқушының шығармашылығын дамытуда керемет көмек беретін құрал – логикалық ойындар, ойын лабиринттері, ышғарманы талдау. Оқылған мәтінді талдау барысында мен әр оқушыға шығарманы талдатамын, Жаттанды, бірізділіктен гөрі осы талдау әдісі тиімді. Бала өз ойын айтады, өз қабілетін шыңдайды.Оқиғаға байланысты өз көзқарасын айтады (адамгершілік тұрғыда жауапкершілікті шыңдау).Және де дарынды оқушылармен жұмыс жүргізу бағыты осы шығармашылықты дамытуға үлкен әсері барын айтқым келеді.

«Адамның жақсысы – ұстаздан» деп халық бекер айтпайды. Өзімізді дамытып, жетілдіру арқылы біз баланы дамытамыз,сондықтан бір деңгейде тұрмай дами берейік!

Сөз саны: 328

Мектеп директоры: