Оқушыларға сапалы білім беруде грамматикалық сауаттылықтың маңызы

«Оқушыларға сапалы білім беруде грамматикалық сауаттылықтың маңызы»

Автор: Файзулина Баян Боткеновна-қазақ тілі мен қазақ әдебиеті пәндері мұғалімі.

№65 мектеп-гимназиясы, Нұр-Сұлтан қаласы

Мақсаты: қазақ тілі пәні бойынша оқушыларды грамматикалық сауаттылыққа үйретудің мағыздылығы

Қазақстан Республикасының білімді дамыту тұжырымдамасында «орта білім берудің мақсаты - терең білім, кәсіби дағдылар негізінде еркін бағалай білуге, өзін - өзі іске асыруға, өзін - өзі дамыту және өз бетінше дұрыс адамгершілік тұрғысынан шешім қабылдауға қабілетті жеке тұлғаны қалыптастыру»[1] деп көрсетілген. Бүгінгі таңда барлық мұғалімнің алдында тұрған міндет – оқытудың жаңа технологияларын ұтымды пайдалана отырып, нәтижеге бағытталған білім беру.

Бүгінгі таңда, оқушыларға сапалы білім беруде қолданбалы курстар, таңдау пәндер, факультативтік курстардың маңызы зор.Әсіресе,бүгінгі күні,беріліп жатқан қосымша сабақтардың сапалы әрі тиімді өткізу -бүгінгі ұстаз алдындағы үлкен міндеттердің бірі.Қазақ тілі пәні бойынша оқушыларға мәтін түрлерімен жұмыс істете отырып,тілдік бағдарға да баса назар аударып отырса деймін, яғни оқу бағдарламасы бойынша оқу мақсатына сай оқушыларға сапалы білім бере отырып, қазақ тілінің грамматикасы тереңдете қоса оқытылса деймін. Өйткені, тілі білімінің салалаларын жүйелі, жетік меңгермеген оқушы өз ойын жүйелі жеткізе білмейді әрі сауаттылық жағынан қиналатын болады.Сол себептен, сапалы білім беруде қазақ тілінің грамматикасының маңызы өте зор.

Грамматикалық сауаттылықтың маңыздылығы сол, жоғарғы сынып оқушылары қазақ тілі тіл білімінің салаларына тоқталып, төменгі сыныптатарда бағдарлама бойынша берілген тілдік бағдарларына қосымша білімдерін жүйелеп,қайталайды,саралайды.Егер оқушы фонетика, лексика, морфологияны, стилистиканы теория жағынан қайталап, практика жүзінде жаттығулармен өз білімдерін бекітсе,оқушының сауаттылығы да артар еді.

Қорыта келгенде, бүгінгі күнгі тәжірибемізден көріп отырғанымыздай оқушыларға тілі білімінің салаларын сапалы оқыту арқылы оқушылардың қазақ тілінің грамматикасын тереңірек білетіндіктеріне әрі сауаттылықтары артатындықтарына көзімізді жеткіздік. Балаларымыз жазылым кезінде қазақ тілінің орфографиялық, орфоэпиялық нормаларын сақтап сауатты жазса, оқылым кезінде тілдік бірліктерді ажырата білсе, айтылым кезінде сауатты сөйлеп жатса нұр үстіне нұр болар еді.

Қолданылған әдебиттер:

1. Қазақстан Республикасының білім беруді және ғылымды дамытудың 2020-2025 жылдарға арналған мемлекеттік бағдарламасы.09.12.2020 жыл.

2. «Білім туралы» Қазақстан Республикасының Заңы