"Өсімдіктер әлемі"

Күні:

Мектеп: «Киев орта мектебі» КММ Мұғалімнің аты-жөні: Жалмаганбетова Жансая Женисовна

Сынып: 6

Қатысқандар:

Қатыспағандар:

Сабақтың тақырыбы

Өсімдіктер әлемі

Осы сабақта қол жеткізілетін оқу мақсаттары (оқу бағдарламасына сілтеме)

6.Т1.Тірек сөздер, мәтіннің бастапқы бөлігін тыңдау арқылы тақырыпты және көтерілетін мәселені болжау.

6.Ж2.Эссе тақырыбының желісінен шықпай, әрбір абзацты жүйелі құрастырып, қажетті мазмұнын ашып жазу.

Сабақтың мақсаты

Барлық оқушылар орындай алады:

Тірек сөздер, мәтіннің бастапқы бөлігін тыңдау арқылы тақырыпты болжай алады.

Оқушылардың көпшілігі орындай алады:

Көтерілетін мәселені болжай алады. Өз пікірін ауызша жеткізеді.

Кейбір оқушылар орындай алады:

Эссе тақырыбының желісінен шықпай, жүйелі құрастырып, қажетті мазмұнын ашып жаза алады.

Ойлау дағдыларының деңгейлері

Білу, түсіну, қолдану

Бағалау критерийі

Бейнеролик бойынша тақырыпқа болжам жасайды. Бейнероликте көрген, естіген өсімдік атауларын постерге түсіріп топтастырады.

Мәтінге қатысты ақпараттардың дұрыс-бұрыстығын белгілейді

Эссе жазуда жаңа сөздерді қолданып, тақырыптың желісінен шықпай, әрбір абзацты жүйелі құрастырып, қажетті мазмұнын ашып жазады.

Жеке, жұптық, топтық тапсырмаларды орындай алады. Сабақ барысында тыңдаушының назарын өзіне аудара алады.

Тілдік мақсаттар

Тірек сөздер, бейнеролик арқылы ойларын жинақтап, өз көзқарастарын айта алады.

Пәнге қатысты сөздік қор мен терминдер:

Өсімдіктер, ағаштәріздес, шөптектес, бұталы, өседі, түрлері, жабық тұқымды өсімдіктер, күн сәулесі, қоршаған орта, топырақ, ауа, көмірқышқыл газ, су, жәндіктер, тозаңдану, тұқымдары, жемістері жануарлар,

көкөністік, жеміс-жидектік,

Диалог құруға \ эссе жазуға арналған пайдалы тіркестер:

Талқылауға арналған сұрақтар:

1. Өсімдіктер қай жерлерде өседі?

2. Өсімдіктердің қандай түрлері бар?

3. Олар қандай?

4. Өсімдіктердің қанша түрі бар?

5. Өсімдіктердің қоршаған орта үшін маңызы бар ма?

Құндылықтарға баулу

Шығармашылық және сын тұрғысынан ойлау;

Қарым-қатынас қабілеті;

Өзгелердің мәдениетіне және көзқарастарына құрметпен қарау.

Пәнаралық байланыс

Орыс тілі, биология

Алдыңғы білім

«Ой қозғау» стратегиясы бойынша «Бес жұмбақ» әдісін пайдалана отырып, жұмбақтар жасыру арқылы оқушылардың осы тақырып туралы білгендерін еске түсіріп жинақтау

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

2 минут

3 минут

Ұйымдастыру кезеңі:

Оқушылармен амандасу.

Сабақта жағымды психологиялық ахуал туғызу.

Қайырлы күн – табиғат
Жайқалып өссін – өсімдік
Жайнай берсін – орманымыз
Биік болсын – тауларымыз
Сәтті болсын – сабағымыз!

Үй жұмысын тексеру: «Бес жұмбақ» әдісі

1. Иiр-иiр денесi,

Сахараның кемесi,

Ащы шөптер тамағы,

Шөлге шыдап бағады.   (Түйе)

2. Ұшқаны қызық жалпылдап,

Өзі сондай қарқылдақ. (Қарға)

3. Шырша саясы – күркесi,

Өзi орман еркесi.

Қарғып жүрер жан-жаққа,

Өте құмар жаңғаққа.   (Тиiн)

4. Жалғыз нүкте сияқты

Көтерілсе аспанға.

Касқырға салып тұяқты,

Қозғалтпайды басқанда. (Бүркіт)

5. Сайқымазақ қулығы бар,

Барған жерде ұрлығы бар.

Бұл қандай аң?

Ұғып ал.   (Түлкi)

Сабақтың ортасы

6 минут

7 минут

3 минут

4 минут

10 минут

3 минут

1-тапсырма. «Тыңдау – көру - орындау» әдісі

• «Өсімдіктер әлемі» бейнеролигін көрсету.

• Бейнеролик бойынша сабақтың тақырыбын анықтау.

• Графикалық органайзер стратегиясы бойынша топпен отырып, бейнероликте көрген өсімдіктердің атауларын «Ағаш», «Шөп», «Бұта» деп жіктеп жазыңдар, постерге түсіріңдер

ҚБ: «Шапалақ»

(топтар бір-бірінің постерін шапалақ соғу арқылы бағалайды).

2-тапсырма. Мәтінді оқып, қарамен жазылған сөздерді аударыңдар.

Өсімдіктер  — тірі организмдер дүниесіндегі негізгі екі топтың бірі. Құрлықтың барлық жерінде өседі, суда кездесетін түрлері де бар. Өсімдіктердің 375 000-ға жуық түрі бар. Өсімдіктер тұқым тобының ең үлкені - гүлдейтін немесе жабық тұқымды өсімдіктер. Олардың 250 000-нан астам түрі бар. Өсімдіктер күн сәулесінің көмегімен (фотосинтез) өз қорегін табады. Өсімдіктердің өмірі қоршаған ортамен, әсіресе топырақпен және климатпен тығыз байланыста болады. Жасыл өсімдіктер ауадан көмірқышқыл газын, күннен - энергияны, ал топырақтан - су мен минералдық тұздарды алады. Өсімдіктер жер шарына кең таралған. Олар жәндіктер арқылы тозаңданып, тұқымдары мен жемістері жануарлар арқылы таралады.

Өсімдіктердің халық шаруашылығында және ғылыми медицинада кеңінен қолданылатын түрлері көптеп кездеседі. Олардың ішінде көкөністік, жеміс-жидектік, балды, майлы және техникалық түрлер де бар.

ҚБ: «Мұғалімнің мадағы»

3-тапсырма. Саралау тапсырмалары

А) Мәтінді мұқият оқып, мәтін мазмұнына сай берілген дұрыс ақпараттарды ажыратыңыз.

ҚБ: «Өзін-өзі бағалау»

(көрсетілген дұрыс жауаптар бойынша оқушы өзін-өзі тексереді, бағалайды).

В) «Бес жолды өлең» әдісі

Тақырып бойынша бір өсімдік атауын таңдап, бес жолды өлең құрастырыңдар.

ҚБ: «Жапондық бағалау»

(оқушылар дәптерлерін алмастырып бірін-бірі тексеріп, «Жапондық бағалау» әдісі арқылы бағалайды)

С) Мәтінді, тірек сөздерді негізге ала отырып, шағын эссе жазыңдар

4-тапсырма. Белсенді оқу стратегиясы бойынша «Жұптас –ойлан - бөліс» әдісі.

Өсімдіктердің маңызы туралы өзара диалог құрастырыңдар .

ҚБ: «20 секунд» әдісі

https://www.youtube.com/watch?v=oKpGcF1LxDI

https://kk.wikipedia.org/wiki/

Кесте

Бағалау парағы

Сабақтың соңы

2 минут

РЕФЛЕКСИЯ: «Плюс-минус-қызықты»

(оқушылар төменде берілген кестеге өз ойын жазады)

Кесте

Қосымша ақпарат

Саралау –оқушыға мейлінше қолдау көрсетуді қалай жоспарлайсыз? Қабілетті оқушыға тапсырманы қалай түрлендіресіз?

Бағалау– оқушы білімін тексеруді қалай жоспарлайсыз?

Пəнаралық байланыс; денсаулық жəне қауіпсіздік, АКТ- мен байланыс, құндылықтармен байланыс (тəрбие элементі)

Сабақты өткізген кезде әрқашан оқушыларға көмек көрсетіліп отырды.

Оқушылар

1-тапсырманы орындау барысында тақырыпты ашуға жетелейтін сұрақтар қойылып отырды.

2-тапсырманы орындау барысында оқушыларға мәтіннен мәліметтерді дұрыс іріктеуге бағыт беріліп отырды.

Оқушыларға мейлінше қолдау көрсету мақсатында сараланған тапсырмаларды орындау барысында мұғалім тарапынан оқушыларға жұмыс үшін қосымша материалдар ұсынылып, қабілетті оқушылар жағынан қолдау көрсетілді.

С-тапсырмада оқушылар мәтінге сүйеніп шағын эссе жазды. Топ ішінде әр оқушы, жеке-жеке эссе жазады. Барлық жазылған эсселерді оқып, ең үздік эссені таңдап алып, ұсынады. Шығармашыл тұрғыдан ойлана алады.

Диалог барысында бір-біріне көмектеседі. Қабілетті жоғары оқушылар ұтымды ойлар айтады және бағалауда нақтылық көрсетеді.

Оқушылардың тапсырмаларды қаншалықты деңгейде орындағанын анықтау барысында әр тапсырмадан кейін қалыптастырушы бағалау жүргізіліп отырды.

1-тасырманы орындағанда, қалыптастырушы бағалаудың «Шапалақ» әдісі қолданылды. Бұл әдісті постерді қорғауда, қай топтың постері толық, тақырыпқа жақын болды, сол топқа шапалақ қатты ұрылды, мәліметтері аз болған топты бағалауда шапалақ баяу ұрылды. Осыдан қай топ қандай сатыда екені белгілі болды. Шапалақ бағалау әдісін қолдану тиімділігі: оқушылардың өзіне деген сенімі артады, бір-біріне құрметпен қарауға үйретеді.

2-тапсырманы орындау барысында оқушыларға мұғалім тарапынан қолдаулар мен мадақтаулар айтылды. Мұғалімнің мадақтауынан оқушылардың сабаққа деген қызығушылығы мен талпынысы артады.

Саралау тапсырмаларын орындауда бағалаудың бірнеше түрі қолданылды: 1) өзін-өзі бағалау – мұнда оқушыларға дұрыс жауаптар берілді, әр оқушы өзін тексеріп, өз қатесін тапт; 2) бірін-бірі бағалауда «Жапондық бағалау» әдісі арқылы іске асты. Оқушылар өз өлеңдерін қаншалықты сәтті құрастырғанын біледі; 3) эссе жазу барысында топтар бір үздік эссені таңдап ұсынады. Бұл тапсырмадан кейін әр топ көшбасшылары мұғалімнің мадағын және ұсыныстарын ескереді.

4-тапсырмада оқушылар бір-бірімен диалог құрастырады. Бұл тапсырмадан кейін «20 секунд» әдісі бойынша бірнеше зерек оқушының пікірлері, комментарийлері айтылады.

Рефлексия «Плюс-минус-қызықты» әдісі арқылы жасалды. Оқушылардың бүгінгі тақырыптан алған әсерлерін тексеру мақсатымен кесте беріледі. Оқушылар сабақтың ұтымды жақтарын, ұтымсыз жақтарын, қызықты жақтарын толтырады.

Бірнеше жауап міндетті түрде тыңдалады. 
Тыңдалған жауаптардың қорытындылары бойынша мұғалім өз ісіне өзгертулер енгізеді.

Сабақ жоспарында басқа пәндермен пәнаралық байланысы орын алған. Ол орыс тілі, биология мен жаралыстану. Жаңа сөздермен таныстырғанда орыс тілімен пәнаралық байланысы көрінеді, өйткені осы кезде орыс тіліне аударма жүмысы өткізіледі. Балалар мәтінмен танысып сөздер мен сөз тіркестерімен таныстырылады осы кезде жаралыстану, биология пәнімен байланысы көрінеді.

Сабақта АҚТ жаңа сабақты ашуда тапсырма кезінде қолданылады.

Оқушылар өзара қарым-қатынас жасай отырып, өзгелердің мәдениетіне және көзқарасына құрметпен қарауды үйренеді.

Рефлексия

Сабақ мақсаттары/ оқу мақсаттары қолжетімді ма?

Оқушылар бүгін не үйренді?

Сабақтағы ахуал қандай болды?

Жоспарланған саралау жақсы іске асты ма?

Уақыт есебінен ауытқу болды ма?

Жоспарға қандай өзгеріс енгізілді?

Сабақтың мақсаты мен критерийлері орындалды.

Оқушылар мәтіннің мазмұнын түсінді, негізгі және қосымша ақпараттарды анықтады. Өсімдіктер туралы жан-жақты білім алды.

Сабақты ұйымдастыруда жылы, көңілді психологиялық ахуал орнатылды. Сабақ белсенді өтті, оқушыларға қолдау, бағыт-бағдар беріліп отырды.

Жоспарланған саралау жақсы іске асты,алған тапсырмаларға критерийлер сәйкес болды,уақытты тиімді пайдаландым.

Уақыт есебінен ауытқу болмады.

Жоспарға өзгеріс еңгізілген жоқ.

Сабақты қорытындылау

Ең жақсы өткен екі нəрсе (оқыту мен оқуға қатысты)

1: Жаңа сабақтың тақырыбын ашуда «Тыңдау-көру-орындау» әдісін қолданғанда

2: Сараланған тапсырмалар орындалғанда, оқушылардың жұмыстары сәтті шықты.

Қандай екі нəрсе немесе тапсырма сабақтың бұданда жақсы өтуіне ықпалын тигізер еді (оқыту мен оқуға қатысты)?

1.Оқу мақсаттарына қойылған критерийлер, тапсырмалар, дескрипторлар.

2. сабақ барысында қолданылатын көрнекіліктер.

Осы сабақтың барысында барлық сынып немесе жекелеген оқушылар жөнінде келесі сабағыма қажет болуы мүмкін қандай ақпарат білдім?

1.Кейбір оқушылар суреттерді сипаттауда, постерге өз ойларын жинақтауға қиналатынын білдім.

2.Тапсырмаларды оқушы деңгейіне сай саралап беру керектігіне көз жеткіздім.