Өсімдіктер дүниесін қорғау. Қызыл кітапқа енген өсімдіктер

Сабақтың атауы

Өсімдіктер дүниесін қорғау. «Қызыл кітапқа» енген өсімдіктер. Аралық бақылау (тест)

Мақсаты

Күтілетін нәтиже

Өсімдіктер дүниесін қорғау туралы түсінік беру.
Әңгімелеу, сипаттау, талдау, тәжірибе жасау, бақылау қабілеттері дамиды, белсенділіктері дамиды , табиғатты қорғауға тәрбиеленеді.

Сілтеме

Дүниетану оқулығы Алматы «Атамұра» 2014 ж.

Авторлары: К.Жүнісқызы, Ә.Бірмағамбетов, Н.Жапанбаева

Жүру барысы:

Психологиялық ахуал

Психологиялық дайындық

Жер ана саған мың алғыс!
Бар байлығын беріп тұрған.
Шуақты күн саған мың алғыс!
Жан жылуын төгіп тұрған.

Оқушылар мұғаліммен бірге өлеңнің шумағын айтады.

Үй тапсырмасын пысықтау

Оқушыларға үй тапсырмасын пысықтау мақсатында тест сұрақтарына жауап береді.

Тест

1. Емен неше жыл тіршілік етеді?

а) 1000 жыл;

ә) 150 жыл;

б) 50 жыл.

2. Бидай, күнбағыс, қызанақ неше жылдық өсімдіктер?

а) екіжылдық өсімдіктер;

ә) біржылдық өсімдіктер;

б) көпжылдық өсімдіктер

3. Пияз, орамжапырақ неше жылдық өсімдіктер?

а) екіжылдық өсімдіктер;

ә) біржылдық өсімдіктер;

б) көпжылдық өсімдіктер

4. Өсімдіктер нешеге бөлінеді?

а) 4;

ә) 3;

б) 2.

5. Қойбүлдірген, қазтабан, қоңыраубас сияқты өсімдіктер қай жерде жақсы өседі?

а) көшеде;

ә) орманда;

б) саябақта.

Оқушылар тест сұрақтарына жауап береді.

Қызығушылықты ояту

Жұмбақ жасыру.

Үйі де жоқ, күйі де жоқ.

Бірақ жауыннан да, дауылдан да

Қымсынбайды.

Ыстыққа да суыққа да

Шын шыдайды.

Шешуін айта ғой

Балалар білсін жайды.

(Өсімдік)

Оқушылар берілген сұрақтарға жауап береді.

Жаңа сабақ

Ой қозғау.

Өсімдіктер туралы оқушылардан сұрау.

Ғалымдардың есептеуі бойынша, біздің елімізде 6 мыңнан астам өсімдік түрі кездеседі. Өсімдіктің тіршілік етуіне жылу, жарық, ылғал, ауа, қоректік зат керек.Біржылдық, екіжылдық, көпжылдық өсімдіктер кездеседі. Біржылдық өсімдіктерге бидай, күнбағыс, қызанақ ж.е т. б жатады. Екіжылдық өсімдіктерге пияз, орамжапырақ жатады. Көпжылдық өсімдіктерге емен, қайың, сарықараған жатады.
«Қызыл кітап» туралы видео көрсетіледі.

Оқушылар мұқият тыңдайды.

Оқулықпен жұмыс.

Дауыстап, тізбектеп оқыту.
Ерекше қорғауды қажет ететін өсімдіктер қайда тіркеледі?

Берілген сұрақтарға жауап береді.

Топтық жұмыс

1 топ: «Өсімдіктердің дүниесін қорғау» туралы эссе жазу.

2 топ: Өздері қалаған өсімдіктің суретін салу.

3 топ: Семантикалық карта

Берілген тапсырманы орындайды.

Қорытынды

“Ақиқат” немесе “Жалған”

1. Ерекше қорғауды қажет ететін өсімдіктер Қазақстанның Қызыл кітабына тіркеледі.

2. Ағаш, бұталарды орынсыз кесіп әкетушілерден өрттен сақтап қорғау үшін орман-тоғайларды арнайы адамдар-орман бағбандары аралап, бақылайды.

3. Қураған ағаштарды, бұталарды кесіп, орман алаңдарын басқа да қоқыстанудан тазартуды орманшы күзетшілер жүргізеді

Ақиқат немесе жалғандығын айтады.

Үйге тапсырма

Өсімдіктер дүниесін қорғау. Қызыл кітапқа енген өсімдіктер.

Күнделіктеріне жазып беремін

Бағалау

Оқушыларды бағалау.

Кері байланыс

Білім қоржыны

Қағазды өзі қалаған нұсқаға жабыстырады