Өзін-өзі тану пәні-рухани тәрбие көзі

Өзін-өзі тану пәні-рухани тәрбие көзі

«Мектеп-кеме, білім-теңіз» деп жайдан жай айтылмаған-ау, сірә? Егер адамның жүрегінде ізгілік, мейірімділік сәулесі болса, ол-мұғалімнің еңбегі. Сол нұрды әрбір жеткіншектерге жеткізіп, жүрегіне сіңіру үшін қаншама тер төгеді десеңізші. Сондықтан да ұстаздардың еңбегі-ұлы еңбек. Жан дүниеңді түсінетін, қиындық кезінде сүріндірмей құтқаратын ұстаз екені анық. Адамның жанына ақыл, білім дәнін сеуіп, аялап, көңілін де табады. «Болашақ бүгіннен басталады», дегендей еліміздің болашағы біздің бүлдіршіндеріміз. Ал олардың тәрбиесі біздің қолымызда. Сондықтан оларға саналы рухани-адамгершілік тәрбие беру басты парызымыз.

Мектеп-білім ошағы, тәрбие ортасы, тағылым табалдырығы. Осы ұлағатты ұяда жоғары ізгілік мұраттарының ең құндысы рухани-адамгершілік тәрбие берудің ошағы «Өзін-өзі тану» десем қателеспеймін. Ал өзіңді алға қарай жетілдіру және бойыңда жақсы мінез-құлық қалыптастыруда ең алдымен өз-өзіңнен басталады. Өйткені, өзіңнің кім екеніңді, қандай екеніңді білмесең, жетілдіру тәрбиесінің қай бағытта жүретінін және қандай мінез-құлқын дамыту қажеттігін білу қиын.

Еліміздің бірінші ханымы Сара Алпысқызы Назарбаеваның бастамасымен білім беру үрдісіне енгізілген рухани-адамгершілік тәрбиеге күш берген «Өзін-өзі тану» рухани-адамгершілік бағдарламасы тәрбиеден бастау алып, жан-жақты жетілген тұлғаны дамытуды қолдайды. Біздің халқымыз үшін жан-жақты жетілген тұлға, ең алдымен ұлттық тәрбиенің нәрімен сусындап, бала бойына жастай ұлттық тәрбиені сіңіру. «Өзін-өзі тану» пәні жеткіншекті жарық дүниеде өмір сүріп, Адам екенін терең сезінуге, адамдарға қуаныш сыйлай білуге баулиды. Борыш пен парызға адал болуға тәрбиелейді. Бала тәрбиесінде осы байланысты жүзеге асырудың дәнекерлеушісі деп «Өзін-өзі тану» пәнін айтуға болады.

Құмкешу жалпы білім беретін орта мектебі

Өзін-өзі тану пәнінің мұғалімі

Жүнісова Қуаныш Мирасбекқызы

Құмкешу жалпы білім беретін орта мектебі

Тақырыбы:

Өзін-өзі тану пәні-

рухани тәрбие көзі

Дайындаған: ІІІ деңгейлі өзін-өзі тану пәнінің мұғалімі:

Жунусова Куаныш Мирасбековна

Өзін-өзі тану пәні-рухани тәрбие көзі.

«Мектеп-кеме, білім-теңіз» деп жайдан жай айтылмаған-ау, сірә? Егер адамның жүрегінде ізгілік, мейірімділік сәулесі болса, ол мұғалімнің еңбегі. Сол нұрды әрбір жеткіншекке жеткізіп, жүрегіне сіңіру үшін қаншама тер төгеді десеңізші! Сондықтан да ұстаздардың-еңбегі ұлы еңбек. Жан дүниеңді түсінетін, қиындық кезінде сүріндірмей құтқаратын ұстаз екені анық. Адамның жанына ақыл, білім дәнін сеуіп, аялап, көңілін де табады. «Болашақ бүгіннен басталады» дегендей, еліміздің болашағы біздің бүлдіршіндеріміз. Ал олардың тәрбиесі біздің қолымызда. Сондықтан оларға саналы рухани-адамгершілік тәрбие беру басты парызымыз.

Мектеп-білім ошағы, тәрбие ортасы, тағылым табалдырығы. Осы ұлағатты ұяда жоғары ізгілік мұраттарының ең құндысы рухани-адамгершілік тәрбие берудің ошағы «Өзін-өзі тану» пәні десем қателеспеймін. Ал өзіңді алға қарай жетілдіру және бойыңда жақсы мінез-құлық қалыптастыруда ең алдымен өз-өзіңнен басталады. Өйткені, өзіңнің кім екеніңді, қандай екеніңді білмесең, жетілдіру тәрбиесінің қай бағытта жүретінін және қандай мінез-құлқын дамыту қажеттігін білу қиын.

Еліміздің бірінші ханымы Сара Алпысқызы Назарбаеваның бастамасымен білім беру үрдісіне енгізілген рухани-адамгершілік тәрбиеге күн берген «Өзін-өзі тану» рухани-адамгершілік бағдарламасы тәрбиеден бастау алып, жан-жақты жетілген тұлғаны дамытуды қолдайды. Біздің халқымыз үшін жан-жақты жетілген тұлға, ең алдымен ұлттық тәрбиенің нәрімен сусындап, бала бойына жастай ұлттық тәрбиені сіңіру. «Өзін-өзі тану» пәні жеткіншекті жарық дүниеде өмір сүріп, Адам екенін терең сезінуге, адамдарға қуаныш сыйлай білуге баулиды. Адамдардың сеніміне ие болу және оны ақтай білуге үйретеді. Борыш пен парызға адал болуға тәрбиелейді. Бала тәрбиесінде осыған байланысты жүзеге асырудың дәнекерлеушісі деп «Өзін-өзі тану» пәнін айтуға болады. Осы адами қасиеттерді жүзеге асыру біздің негізгі мақсатымыз.

«Мұғалім өзінің білімін үздіксіз көтеріп отырғанда ғана мұғалім, оқуды, ізденуді тоқтатысымен оның мұғалімдігі де жойылады » деп К.Ушинский айтып кеткендей, өзін-өзі тану пәнінің мұғалімдері де үздіксіз білімін жетілдіріп отырады.

«Өзін-өзі тану» пәні арқылы әрбір оқушы бойында мейірім мен адамгершілік, әділдік, адалдық, сүйіспеншілік сияқты қасиеттер мен құндылықтарды дамытуға болады. Ұстаздың ең негізгі ұстанымы- баланың рухани дүниесін түсіне отырып, оның өзіне деген сенімін жоғарылатып, әрқашан жақсы нәрсеге ұмтылдыру.

«Өзін-өзі тану» рухани-адамгершілік сабағы-сол көздеген нысанаға жетелейтін шамшырақ іспетті пән. Білім беру саласындағы бүкіләлемдік өзгерістер аясында адами қасиеттерді жүзеге асыру мақсатында «Бөбек» қорының президенті, Еліміздің Бірінші Ханымы Сара Алпысқызы Назарбаева елімізде тұңғыш рет «Өзін-өзі тану» рухани-адамгершілік білім беру жобасын ұсынып, Нұр беруші ұстаздардың біліктілігін арттыру үшін жасап жатқан жұмыстарына «Өрлеу» біліктілікті арттыру ұлттық орталығына алғысым шексіз.

Ұлағатты ұя, білімнің ошағына айналған мектепте жоғары ізгіліктің ең құндысы рухани-адамгершілік тәрбие берудің ошағы «Өзін-өзі тану» десек қателеспейміз.

Бақытты өмір ырыс-баққа теңелген

Шәкірт сүйіп ұстаз нұрға кенелген.

Бес құндылық мәнін ашып беруді

Ұғындырғым келеді мен өлеңмен.

Бақыт деген тағдырыңа жазған бақ

Сол бақытың басталады аздан-ақ

Өз бойыңнан іздесең бақыт бастауы

Ақиқатқа жету керек қазбалап.

Ақиқатты махаббатпен суарғын

Ісің дұрыс, сөзің дұрыс туар күн

Дұрыс ексең тыныштыққа жетесің

Жеміс беріп қиянатсыз болар күн.

«Жақсы шәкірт ұстаздан» деген ұстам бар

Осы ұстамды барынша биік ұстаңдар.

Жанын сарқып аянбастан төгетін

Бұлар біздің нұр беруші ұстаздар.

Бала жанын лезде сезіп ұғатын

Жақсылығын сөзсіз жақтап шығатын.

Балаға дос, әрі сырлас, ақылшы,

Нұр беруші ұстаздары болатын.

Еңбектерің жансын өрлей аспанға

Шәкіртіңіз айнала берсін дастанға.

Сусындатып, қамқорлықпен күтілген

Жеміс шықсын енді өскен жас талға,-деген өлең жолдары арқылы өз сөзімді аяқтағым келеді.