ПАВЛОДАР ЕРТІС ӨҢІРІНІҢ ҚАСИЕТТІ НЫСАНДАРЫ: БІР ОҚУШЫ –БІР ЕСКЕРТКІШ.

Павлодар облысы Білім басқармасының
«Дарынды қыз балаларға арналған
«БІЛІМ-ИННОВАЦИЯ» лицей-интернаты» КММ

Ашық сабақ тақырыбы:
ПАВЛОДАР ЕРТІС ӨҢІРІНІҢ ҚАСИЕТТІ НЫСАНДАРЫ:
БІР ОҚУШЫ –БІР ЕСКЕРТКІШ.

Тәрбиеші: Амурбаева А.Т.

Павлодар, 2024 ж.

Сабақтың мақсаты:
• «Тарих біздің өткеніміз, оны білмеу болашаққа бағдар жасай алмаумен тең»
деген ұғымды оқушыларға түсіндіру;
• Әр өңірдің өз тарихы болады, жас ұрпақ бойында өз елінің тарихын білу
арқылы отансүйгіштікке баулу.
Барысы:
І.Ұйымдастыру.
Сәлемдесу. Қайырлы күн құрметті оқушылар қауымы! Тарих біздің
өткеніміз, оны білу, болашаққа нық қадам жасай алу деп білемін. Адами
қасиеттерге ие болу, рухани бай адамды қалыптастыру оның туған кезінен
басталуы керек.
Еліміздің болашағы жас ұрпақты тәрбиелеуде бірінші орын - отбасы,
ата - ана тәрбиесі болса, екінші орын - білім беру мекемесі. Сол себепті
жаңа кезеңдегі білім берудің өзекті мәселесі жас ұрпаққа рухани –
патриоттық тәрбие беру.
Патриоттық сезімнің негізгі объектісі - Отан десек, оның мазмұны:
туған жер, табиғат, оның байлықтары, тіл, дәстүр, тарихи ескерткіштер,
туған өлкедегі тамаша киелі орындар. Бүгін біздің ашық сабағымыз
Павлодар Ертіс өңірінің қасиетті нысандарына арналмақ.
Жалпы Павлодар Ертіс өңірі көп ғасырлық тарихы бар киелі өлке,
оның ішінде тас дәуірінен бастау алатын ортағасыр кезеңіне дейінгі
археологиялық ескерткіштер, тарихи оқиғалар мен тұлғаларды
сипаттайтын қасиетті орындар, әр кезеңнің сырын шертетін
архитектуралық ескерткіштер және т.б.
ІІ. Негізгі бөлім.
Бүгінгі ашық сабағымыздың мақсаты «Бір оқушы – бір ескерткіш»
атты ұранмен өтпекші, яғни бүгінгі сабақтан әрбір оқушы бір ескерткіш
жайлы ақпарат біле алады. Ол үшін біз осы Павлодар Ертіс өңірінің
қасиетті нысандарын көп жылдар бойы зерттеп келе жатқан ғалымды
шақырдық.
Ең алғашқы сұрақ, жалпы қасиетті нысандар ұғымы қайдан шықты?
Зерттеу жұмыстары қалай жүргізілді? (Қонағымыз сұраққа жауап береді).
Сендер құрметті оқушылар мұқият тыңдап, қызықты мағлұматтарды
есте сақтап отырыңдар. Сөз соңында сендерге сұрақтар қойылады.
(Видеороликтер көрсетіледі, қонағымыз ескерткіштер туралы толық
ақпарат береді).

Сұрақтар тізімі:
1. Қоңыр әулие үңгірі.
- Қоңыр әулие үңгірі ескерткіші қай ауданда орналасқан ?
- Бұл ескерткіш қасиетті нысандардың қандай типіне жатады?

2. Әулиекөл археологиялық кешені.
- Әулиекөл археологиялық кешені қай кезеңге жатады?
- Бұл ескерткіш қайда орналасқан?

3. Ақбидайық петроглифтері.
- Ақбидайық петроглифтерінде не бейнеленген?
- Бұл ескерткіш қай кезеңге жатады?

4. Ғабдұл уахит хазірет кесенесі.
- Ғабдұл уахит хазірет қандай адам болған?
- Кесене қай жерде орналсқан?

5. Торайғыр сақ қорғандары.
- Бұл ескерткіш қасиетті нысандардың қандай типіне жатады?
- Торайғыр сақ қорғандары қайда орналасқан?

6. Сұлтанбет сұлтан үй жайы.
- Сұлтанбет сұлтан деген кім?
- Оның үй жайы қайда орналасқан?

ІІІ. Қорытынды
Әрбір ескерткішті алып қарайтын болсақ, ол біздің тарихымыз.
Сондықтан қасиетті нысандар туралы келер ұрпаққа толықтай ақпарат бере
отырып, сондай-ақ сол жерлерге шығып, өз көздерімен көріп, тарихи
кеңістікте болу арқылы, немесе фото-видео материалдар, мұрағаттық
құжаттармен жұмыс істеу арқылы оқушыларымыз өткенімізге саяхат жасай
алады, яғни туған жерінің тарихын меңгере отырып, патриоттық сезімі
оянады деп ойлаймын. Себебі қасиетті нысандар мысалында алып қарайтын
болсақ, кітаптар мен интернет желісінде ол ескерткіштер туралы ақпарат аз,
сондықтан ізденіп, қосымша материалдар жинастырып, қасиетті нысандарға
шығып, барлау жұмыстарын жүргізіп, толыққанды, іздестіру жұмыстарын
жүргізе отырып, оқушылар бойында ғылыми ізденіске, тарихи фактілерге
қызығушылық оятамыз, сондай-ақ алынған ақпаратты бойымызға сіңіре
отырып, тарихымыздың бір парағын зерттей аламыз. Сол арқылы оқушы
бойында жылылық, жақындық, туысқандық сезімдерді ұялатып, ізгі де ерлік
істердің қайнар көзіне айналуы патриотизмге тәрбиелеудің арқауы бола
алады деп білемін.

Ашық сабақ барысы.