Педагогикалық шеберлікті арттыруда

кәсіби дағдылардың маңызы

Әл-Фараби атындағы Қазақ ұлттық университеті— Қазақстан Республикасының ең ірі және беделді жоғары оқу орындарының бірі. 1934 жылы негізі қаланған университет, өз тарихында көптеген жетістіктерге жетіп, еліміздің білім беру жүйесінде маңызды рөл атқарады.

Студенттердің кәсіби дамуына, басқару саласындағы дағдыларын жетілдіруге және тиімді көшбасшылық қасиеттерін қалыптастыруға ықпал еткен пәндердің бірі Басқару психологиясы. Бұл пәннен бізге өте құнды білім беріп қана қоймай, сол білімдерді педагогикалық тәжірибеде қолдануға септігін тигізген психология ғылымдарының кандидаты Болтаева Алия Масакбаевна.

Педагогикалық тәжірибе студенттерді болашақ кәсіби қызметке дайындауда маңызды рөл атқарады. Тәжірибе барысында біз кәсіби дағдылар, соның ішінде коммуникация, ұйымдастыру, жоспарлау, бағалау және кері байланыс беру дағдыларын жетілдірдік. Педагогикалық тәжірибе барысында басқару іс-әрекетінде студенттердің танымдық процестерін білу өте маңызды болды.

Заманауи білім беру үрдісінде мұғалімдердің оқушылармен тиімді қарым-қатынас жасауына және алға қойған мақсатына жетуіне көмектесетін кәсіби шеберлік маңызды орын алады. Кәсіби дағдылар мұғалімдерге оқу процесін дұрыс жоспарлауға және ұйымдастыруға көмектеседі. Бұл дағдылар арқылы мұғалімдер сабақтың құрылымын, уақытты басқаруды және ресурстарды тиімді пайдалануды үйренеді.

Коммуникативтік дағдылар

Мұғалімдердің оқушылармен, ата-аналармен және әріптестерімен тиімді қарым-қатынас орнатуы үшін коммуникативтік дағдылар қажет. Бұл дағдылар оқушылардың қажеттіліктерін түсінуге, олардың сұрақтарына жауап беруге және топтық жұмыстарды ұйымдастыруға мүмкіндік береді.

Сыни ойлау және проблемаларды шешу.Сыни ойлау дағдылары мұғалімдерге оқу процесінде кездесетін қиындықтарды тиімді шешуге көмектеседі. Олар оқушылардың пікірлерін бағалауға, оқу материалдарын талдауға және жаңа шешімдер ұсынуға мүмкіндік береді.

Инновациялық әдістерді қолдану. Кәсіби дағдылар мұғалімдерге заманауи оқу әдістері мен технологияларды меңгеруге көмектеседі. Жаңа әдістер мен құралдарды қолдану оқу процесін қызықты әрі тиімді етеді.

Ұйымдастыру – оқу процесін құрылымдау, уақыт пен ресурстарды бөлу мүмкіндігі. Мұғалім сабақты оқушылар үшін барынша тиімді және қызықты болатындай етіп ұйымдастыра білуі керек. Бұған материалдарды дайындау, сабақтарды жоспарлау және топ динамикасын басқару кіреді.

Жоспарлау – педагогикалық тәжірибенің негізгі аспектісі. Мұғалім білім беру стандарттары мен оқушылардың қажеттіліктеріне сәйкес келетін оқу бағдарламаларын әзірлеуі керек. Бұл білім беру мақсаттарын талдауды, оқытудың әдістері мен формаларын таңдауды, сонымен қатар оқушылардың жеке ерекшеліктерін есепке алуды талап етеді.

Оқушылардың білімі мен дағдысын бағалау оқу-тәрбие процесінің маңызды элементі болып табылады. Мұғалім әртүрлі әдістерді қолдана отырып, оқушылардың жетістіктерін объективті түрде бағалай білуі керек: тесттер, жобалар, ауызша жауаптар және т.б. Бағалаудың сындарлы болуы және оқушылардың одан әрі дамуына ықпал етуі маңызды.

Кері байланыс – оқушыларға олардың күшті және әлсіз жақтарын түсінуге көмектесетін құрал. Мұғалім оқу нәтижелерін жақсартуға көмектесетін уақтылы және сындарлы кері байланысты қамтамасыз етуі керек. Бұл жеке немесе топтық кері байланыс болуы мүмкін.

Қорытындылай келе, бұл кәсіби дағдылар табысты педагогикалық тәжірибе үшін өте қажет. Оларды дамыта отырып, педагогтар білім сапасын едәуір жақсарта алады және одан да тиімді оқу ортасын құра алады. Осы дағдыларды және олардың оқудағы үлгерімдерін жоғарлату үшін әртүрлі арналарды пайдалануға болады: Coursera, Khan Academy, Quizlet, Google Classroom, Dlingo, Evernote.

Мәлік Ж.М. Әл-Фараби атындағы ҚазҰУ, География мамандығының 1- курс магистранты Болтаева А.М. психология ғылымдарының кандидаты