Мақсаты: Балаларға өзара түсіністік, өзара сыйластық, өзара көмектің мағыналарын түсіндіру.

Міндеттері:

1. Балаларға тіл алғыштық, елгезектік туралы түсінік беріп, мағыналы ашу.

2. Өзара жағымды қарым-қатынастарды дамытып, осы қасиетті күнделікті өмірде қолдануға үйрету.

Шаттық шеңбері.

Балалармен бірге төмендегі өлең жолдарын қайталау:

Айтқан тілді аламын

Жұмсағанға барамын.

Мен елгезек баламын

Үлкен тілін аламын.

Әңгімелесу:

- Балалар, бүгін біз тіл алғыштық, елгезектік туралы әңгімелесеміз.

а) Тіл алғыш болу деген не?

б) Елгезек деп қандай балаларды атайды?

в) Не үшін тіл алғыш болу керек?

- Тіл алғыш болу деген - әрқашан дұрыс жолмен жүру, әрдайым ата-ананың, тәрбиешілердің, үлкен адамдардың айтқанын тыңдап, оларды ренжітпеу керек. Енді мен сендерге, елгезектік туралы «Мақұлжан» деген әңгіме оқып берейін, сендер әңгімені мұқият тыңдап отырыңдар.

Мақұлжан.

- Төлеу, бұзауға су берші! – дейді апасы.

- Мақұл, апа.

- Қозы мен лақтың алдына шөп салшы.

- Мақұл.

- Тамақ пісіріп жатырмын, дүкеннен нан әкеле қойшы.

- Мақұл.

Осылай апасы Төлеуді бірінен соң біріне жұмсап отырады. Төлеу бәрін орындайды.

- Міне, менің балам айтқанымның бәрін орындайды. Ойнап та үлгереді, маған да көмектеседі – деп, мақтайды апасы үйге келген кісілерге. Бір күні, көрші үйден үлкен кісі келеді.

- Төлеужан, сенің атыңды Мақұлжан қою керек еді. Сен үлкен жігіт бол! Тіл алғыш болғаның өзіңе жақсы «Алғыспен ел көгерер» -деп, Төлеудің бетінен сүйді.

Балаларға сұрақ қою:

- Төлеужанды не үшін Мақұлжан деп атады?

- «Алғыспен ел көгерер» дегенді қалай түсінесіңдер?

«Алғыспен ел көгерер» деген мақалдың балаларға мағынасын ашып, түсіндіру.

- Үлкендердің айтқан тілін алу, сыйластықтың белгісі. Сендердің көрсеткен көмектеріңе үлкен кісілер алғыс айтады, батасын береді, рахметін айтады.

Ойын: «Орныңды тап».

Балалар шеңберге тұрады. Әр бала өзінің қасындағы баланы есінде сақтап, қарап алуы керек. Жүргізушінің белгісі бойынша, бөлменің жан-жағына тарап кетеді (белгі: шапалақтау). Екінші белгі бойынша шеңберге, басында қай орында, кімнің қасында тұрғанын есінде сақтап, қайта шеңберге тұрады. Өз орнын тапқан балалар мадақталады, таба алмағандар ойыннан шығады.

Қорытынды. - Біз бүгін үлкендерге, құрбы-құрдастарымызға, өзімізден кішілерге көмек қажет болған кезде сергектік, сезімталдық керек екенін түсіндік. Өзімізге тапсырылған жұмысты екі етпей орындаудың, тіл алғыштықтың жақсы қасиет екенін білдік. Тіл алғыш, елгезек баланы әрқашанда барлығы