Қарапайым математикалық түсініктерді қалыптастыру. "6 саны мен цифры, жасалуы"

Тәрбиешінің оқу қызметі

Балалардың іс-әрекеті

Мотива -циялық қозғаушы

Шаттық шеңбері:

Шеңбер болып тұрайық

Алақанды ашайық,

Күннің нұрын салайық.

Таза ауаны жұтайық,

Балалар шаттық шеңберін орындайды..

Ұймдастырушы – ізденушілік кезең

1-тапсырма. Д/о: «Цифрды ата және көршісін тап»

- Балалар, қазір бір бала тақтаға шығып кез-келген бір цифрды таңдайды, сендер сол цифрды алдарыңдағы цифрлардың арасынан тауып атайсыңдар. Бір бала сол цифрдың көрші сандарын тауып атайды.

- 2 цифрына сәйкес келетін суретті тап, көрсет, ата. Т.с.с.

2- тапсырма. Д/о: «Қай цифр жетпейді?»

- Алдарыңдағы цифрларды тақтадағыдай етіп орналастырыңдар. Енді көзімізді жұмайық. Қай цифр жоғалып кетті? Атаймыз! Айналамыздан 1 рет кездесіп тұрған затты атаңдаршы. Екі рет. т.с.с Енді бір бала 4-ке дейін санайды. Келесі бала 5-ке дейін санайды.

3- тапсырма. Д/о: «Тура және кері санаймыз»

- Алдымызда тұрған жолақшаның жоғарғысына солдан оңға қарай тура санай отырып, 1-6-ға дейінгі сандарды орналастырып шығайық. Тақтаға бір бала шығады. Бәріміз бірге орындаймыз. Бәріміз тынышталамыз, тыңдаймыз, дұрыс санай ма екен, егер қателесіп жатса көмектесеміз. Бір бала 1-6-ға дейін тура санап шығады. Барлығы кезектесіп, жеке-жеке санайды.

- Алдымызда тұрған жолақшаның төменгісіне солдан оңға қарай кері санай отырып, 6-1-ге дейінгі сандарды орналасытармыз. Тақтаға бір бала шығады. Бәріміз бірге орындаймыз. Бәріміз тынышталамыз, тыңдаймыз, дұрыс санай ма екен, бір бала 6-1-ге дейін кері санап шығады. Барлығы кезектесіп, жеке-жеке санайды.

Сергіту жаттығуы: Белiмiздi жазайық.

Ал, балалар, тұрайық. Оңға-оңға түзу тұр

Алақанды ұрайық Солға-солға түзу тұр

Оңға қарай иiлiп Жоғары-төмен қарайық

Солға қарай иiлiп Қолымызды созайық

Бiр отырып, бiр тұрып, Бойымызға күш жинап

Бойымызды созайық Бiр шынығып алайық.

4- тапсырма. «Реттік санаймыз»

- Балалар реттік қалай санаушы едік? Бәріміз бірге еске түсірейік.

- Енді алдарыңда тұрған жолақшаның жоғарғысына реттік санап отырып 6 тиін орналастырамыз.

- Бір бала тақтаға шығып жасайды, қалғанымыз бірге жасаймыз.Мына тиін нешінші тұр? Келесі баладан сұралады.

- Енді бұл тиіндерге бір-бір саңырауқұлақтан берейік. Мына саңырауқұлақты нешінші тиінге береміз? Ең алдымен қай тиін тұр? Келесі саңырауқұлақты нешінші тиінге береміз. Т.с.с.

5-тапсырма. «6 санымен ж/е цифрымен танысамыз!»

- Мына суретте неше үй бар?

- Мына суретте неше орындық бар?

- Бұлардың санын тауып көрсетіңдерші! Яғни, мынау 6 цифры. Жоғарыдан төмен қарай иіліп дөңгелек құрайды.

- Қане, ауада 6 санын жазайық. Сұқ саусағымызбен 6 цифрының бойымен жоғарыдан төмен қарай иіліп дөңгелек сызамыз. Тағы бір рет қайталаймыз.

«6 саны қалай жасалады?»

5 саны қалай жасалатынын еске түсірейікші. Неше текшеге неше текшені қосар едік? Енді:

- Менің қолымда неше текше бар, санайықшы!

- Оған тағы 1 текшені қостық, неше текше болды? Санаймыз

- Оны қайдан білдіңдер? Қай санға 1-ді қостық?

- Ал енді алдарыңда тұрған геометриялық денелердің көмегімен 6 санын жасап көрейікші.

- 6 санын қалай жасай алады екенбіз? Жаңағы текшелер сияқты 5 үшбұрышқа + 1 қоса аламыз.

- Керемет, қайталайық. Сонымен 6 санын қалай жасауға болады екен?

- Айтыңдаршы, 6 санында неше бірлік бар екен? Санайық!

6-тапсырма. Заттарды биіктігіне және еніне қарай салыстыру.

- Мына жолақшаларды биіктігіне қарай орналастырып көрейікші. Аласа, биігірек, биіктеу, биік, өте биік.

- Балалар, мына суретке қараңдаршы, ағаштар қалай ерекшеленіп тұр екен? Мына ағаштың биіктігі қандай? Ал мына ағаштыкі ше?

Дұрыс, бұл – биік, ал мынау аласа екен.

- Енді келесі жолақшаларды орналастырайық: жіңішке, жуандау, жуанырақ, жуан, өте жуан.

- Балалар, мына суретке қараңдаршы, кітаптар қалай ерекшеленіп тұр екен? Мына кітаптың ені қандай? Ал мына кітаптыкі ше?

Дұрыс, бұл – жуан, ал мынау жіңішке екен.

Тапсырмалаларды орындайды.

Сұрақтарға жауап беріп, тапсырманы орындайды.

Балалар сұрақтарға жауап береді.

Сергіту сәтін бірге қимылмен жасайды

Тапсырмаларды өз беттерінше орындайды.

Жолақшамен жұмыс жасайды

6 санын ауада жазады

6 цифрын тани біледі

6 санының жасалуын біледі

Сұрақтарға жауап беріп, тапсырманы орындайды.

Рефлексия

- Бір бүгін қандай цифрмен таныстық? Ауада жазайық!

- 6 санын қалай жасауымызға болады екен? 5+1

Әр баланы мадақтайды және үстелдің үстін реттеуді сұрайды.

Сабақты қорытындылайды;