ҚОҒАМДЫҚ ГУМАНИТАРЛЫҚ БАҒЫТТАҒЫ 10 СЫНЫПҚА АРНАЛҒАН ЖОСПАР

Түсінік хат

«Физика» пәнін оқытудың мақсаты білім алушылардың ғылыми дүниетанымының негізін, әлемнің жаратылыстану ғылымын тұтас қабылдауын, өмірлік практикалық есептерді шешу үшін табиғи құбылыстарды байқау, талдау және есепке алу қабілеттерін қалыптастыру болып табылады.

Оқу бағдарламасы Қазақстан Республикасы Білім және ғылым министрінің 2017 жылғы 27 шілдедегі № 352 бұйрығына 196-қосымшасына сәйкес әзірленген. 10-сыныптағы физика курсын оқу мақсаты - білім алушылардың ғылыми дүиетанымдық негіздерін, әлемнің жаратылыстанымдық-ғылыми бейнесін тұтастай қабылдауын, өмірде маңызды практикалық мәселелерді шешуде табиғат құбылыстарын бақылау, жазу, талдау қабілеттерін қалыптастыру. Мақсатқа сәйкес оқу пәнін оқытудың негізгі міндеттері мынадай болып табылады:

1) білім алушылардың әлемнің заманауи физикалық бейнесінің негізінде жатқан заңдылықтар мен принциптер туралы іргелі білімді, табиғатты танудың ғылыми әдістерді меңгеруіне ықпал ету;

2) білім алушылардың интеллектуалдық, ақпараттық, коммуникативтік және рефлективтік мәдениетін дамытуға, физикалық экспериментті және зерттеу жұмыстарын орындау дағдыларын қалыптастыру;

3) оқу және зерттеу қызметіне жауапкершілікпен қарауға тәрбиелеу;

4) меңгерген дағдыларды табиғат ресурстарын пайдалану мен қоршаған ортаны қорғауда, қоғам мен адам өмірінің қауіпсіздігін қамтамасыз етуде қолдану.

"Физика" оқу пәні қоғамдық-гуманитарлық бағытындағы 10- сынып бойынша оқу жүктемесінің көлемі:

10-сыныпта – аптасына 2 сағат, оқу жылында 68 сағатты;

10-сыныпта бөлімдер оқытылады: Кинематика, Динамика, Статика, Сақтау заңдары, Сұйықтар мен газдар механикасы, Газдардың молекулалық-кинетикалық теориясының негіздері, Газ заңдары, Термодинамика негіздері, Сұйық және қатты денелер, Электростатика, Тұрақты ток, Әр түрлі ортадағы электр тогы. , Магнит өрісі, электромагниттік индукция. Зертханалық жұмыс саны -2. № 1 Зертханалық жұмыс: "Тұтқыр сұйықта қозғалатын кішкентай шардың қозғалысын зерттеу"; № 2 Зертханалық жұмыс: "Электролиттердегі электр тогының пайда болуын зерттеу"; Практикалық жұмыс саны -1. Практикалық жұмыс: "Тұрмыстық құралдардың тұтынатын қуаты мен жұмысын есептеу";

Төменде кестеде оқу пәнінен бөлім/ортақ тақырып бойынша жиынтық бағалау (БЖБ) саны көрсетілген.