Қорытынды сабақ (9-сынып)

Күні: 11.10.2017

Сыныбы: 9 «а»

Пәні: қазақ тілі

Сабақтың тақырыбы: Қорытынды сабақ

Сабақтың мақсаты:

1.Оқушылардың бөлім бойынша алған білімдерін тексеру.
2. Оқушылардың есте сақтау қабілетін және жазу мәнерін дамыту.
3. Оқушыларды білімге баулу, олардың кітапқа қызығушылығын арттыру.

Сабақтың түрі: қорытынды сабақ.

Сабақтың әдіс-тәсілдері: әңгімелеу, сұрақ-жауап, пікірлесу.

Сабақтың жұмыс формалары: ұжымдық, жеке.

Сабақтың барысы.

І. Ұйымдастыру кезеңі.
• Сәлемдесу;

• Сыныпты түгелдеу.

ІІ. Тест тапсырмаларын орындау

1. Білім тақырыбына арналған мақалды табыңдар:

а) Бірлік болмай, тірлік болмас;

ә) Ақыл – тозбайтын тон, білім – таусылмайтын кен;

б) Ақыл – адам көркі, ақылдың сабыр серігі.

2. Үндестік заңына бағынбайтын сөздерді көрсетіңдер:

а) Білімге, мектепке, оннан;

ә) Ғалымдікі, ақылмен, жағдаймен; б) Еңбекті, сабаққа, әдебиетті.

3. Қазақ тіліне тән дыбыстар:

а) а, э, ұ, и, н, к, х, я; ә) й, е, ғ, б, в, ж, ү, і; б) ә, й, і, ұ, ү, ғ, қ, ң, ы

4. Дұрыс құрылған сөйлем

а) Қызмет етеді Ыбырай халқына туған;

ә) Ыбырайдың халқына еңбегі сіңді;

б) Балаларына қазақ Ыбырай арнап ашты мектептер.

5. Әл – Фарабиді қалай атаған?

а) полиглот; ә) философ; б) екінші ұстаз.

6. Екі немесе бірнеше жай сөйлемнен құралып, күрделі ойды білдіретін сөйлемді қалай атайды?

а) толымды сөйлем; ә) жайылма сөйлем; б) құрмалас сөйлем.

7. Құрамындағы жай сөйлемдердің баяндауыштары тиянақты болып, өзара тең дәрежеде байланысатын құрмаластың түрі:

а) сабақтас сөйлем; ә) салалас сөйлем; б) аралас сөйлем.

8. Жалғаулықсыз салалас құрмалас сөйлемді табыңдар:

а) Қоңырау соғылып еді, оқушылар орындарынан тез-тез тұра бастады;

ә) Кеше сабаққа көп дайындалдым, сондықтан бүгін жақсы баға алдым;

б) Сабақтан соң кітапханаға барамын, не кітап дүкеніне барамын.

III. Ой бөлісу

2-тапсырма. Төмендегі сөйлемді талқылап, өз ойларыңды білдіріңдер. Адамға бірінші білім емес, тәрбие берілуі керек, тәрбиесіз берілген білім – адамзаттың жауы, ол келешекте оның барлық өміріне апат әкеледі.

(Әл – Фараби)

IV. Сөйлемге синтаксистік талдау жасау

Гүлденіп тарих, көркейіп өмір, дәурен жаңғырған заманда сан алуан салт та жаңғырады. Өнер-білім тауып өскен елдің салтына да өнер-білім үлгісі, өрнегі кіреді.

(М. Әуезов)

VI. Қорытынды.

Жазған тест жұмысын және синтаксистік талдауды тексеру.

VII. Үйге тапсырма: өткенді қайталау.

VIII. Бағалау.