Құқықбұзушылықтың алдын алу

Тақырыбы: Жасөспірімдер арасында құқық бұзушылықтың алдын алу.

Қайырлы күн, құрметті әріптестер. Бүгінгі «Құқықбұзушылық және заңды жауапкершілік» тақырыбындағы семинарға қош келдіңіздер. Жастар мен жасөспірімдер арасындағы құқық бұзушылықтың алдын алу қылмыс жасау бүгінгі күннің күн тәртібінен түспей отырған түйткілді мәселе.

Қазіргі таңда өмірге көзқарастары толық қалыптаспаған жастардың арасында қылмыстың жасалуы ол отбасындағы берілген тәрбиеге, ата-ананың балаға көңіл бөлуіне де байланысты. Ата-ана баланың тәрбиесіне немқұрайлы қарап, «қарны тоқ, көйлегі көк» болса болдының кейпін келтіру болса, екінші жағынан әлеуметтік жағдайы, кей жағдайда толық отбасының қалыптастыруынан (аз қамсызданған немесе өгей әке, өгей шеше) жылуын көрмеген жасөспірімдер арасында құқық бұзушылық орын алуда. Қазіргі таңда осы өзекті мәселені бүгінгі семинардың тақырыбы етіп алып отырмыз. Ендеше, бағдарламамен сіздерді таныстырып өтейін.

Елбасы Нұрсұлтан Әбішұлы Назарбаевтың «Қазақстан-2050» стратегиясы «қалыптасқан мемлекеттің саяси бағыты» жолдауы – еліміздің серпін беретін жаңару стратегиясы. Жаңа кезендегі ел саясатының маңызды бағытының бірі – жас ұрпаққа заманына сай білім мен тәрбие беру мәселесі. Сондықтан да Ұлт көшбасшысы «Бала тәрбиелеу – болашаққа ең үлкен міндет, балаларымызға жақсы білім мен саналы тәрбие беруге ұмтылуымыз керек» деп атап көрсетті.

Ендеше, семинарға қатысушы ұстаздар! Өскелең ұрпақты тәрбиелеуде мектеп пен ата-ана болып жүргізсек қылмыстық істердің аузын ауздықтай алатындығымыз белгілі. Мектеп-білім ордасы. Мектеп-кеме десек, білім-теңіз. Білімді ұрпақ тәрбиелеу үшін қоғамда тәртіп пен тәрбиені орнату қажет. «Тәрбие басы тал бесіктен баталады». «Тәрбиесіз берілген білім адамзаттың қас жауы». Өскелең ұрпақты тәрбиелеуде бірлесіп жұмыс жүргізсек, білімді, саналы ұрпақ тәрбиелеп шығаратындығымыз белгілі. Ендеше сөз кезегі өздеріңізде... пікірлеріңізді ортаға салсаңыздар.

Бүгінгі «Құқықбұзушылық және заңды жауапкершілік» тақырыбындағы семинар аяқталды. Назар қойп тыңдағандарыңызға ракмет.