Қазақстан Республикасының Білім және ғылым министрлігі

«М.О. Әуезов атындағы педагогикалық колледжі» КМҚК

«Бекітемін»___________

Әдіскер: Нургазы М.Т.

«Келісемін» ___________

Сынып жетекшісі: Адильбаева А.Е.

ТӘРБИЕ САҒАТЫНЫҢ ЖОСПАРЫ

Тақырыбы: «Құқықтық сауаттылық – уақыт талабы»

Өтетін орны: «№32 ЖОББМ» КММ

Сынып: 9 «Д»

Мерзімі: 14.10.21

Тобы: 29 ә

Машықкер: Мұратқызы Эльназ

Баға: «___» ___________________

Баға: «___» ___________________

Семей, 2021

Тәрбие сағатының мақсаты: Құқық ұғымы, құқықтың қоғамдағы рөлі туралы оқушылардың сауаттылығын арттыру.

Тәрбие сағатының міндеттері:

Білімділік: Өз құқықтарын жете білуге, өз беттерімен салыстыра алуға, өмірде қолдана білуге үйрету, құқықтық білімдерін толықтыру.

Тәрбиелік: Қоғамның заңдары мен нормаларын орындауға, құқықтарын біліп, оны құрметтеуге тәрбиелеу.

Дамытушылық: Адамгершілік, адалдық, әділдік пен мейірімділікке баулу арқылы саяси саналығы мен таным белсенділігін арттыру.

Тәрбие бағыты: Қазақстандық патриотизм және азаматтық, құқықтық тәрбие.

Формасы: Ашық әңгіме

Әдіс - тәсілдері: Ой толғау

Көрнекілік: түрлі түсті суреттер

Техникалық құралдар: Интеректативті тақта , слайд , бейнеролик

Жабдықталуы: Қағаз , маркерлер

ТӘРБИЕ САҒАТЫНЫҢ ҚҰРЫЛЫМЫ: /40 минут/

І. Кіріспе бөлім

1. Ұйымдастыру кезеңі 2 минут

2. «Есім» ойыны 3 минут

ІІ. Негізгі бөлім

1. Техникалық қауіпсіздік ережесі 5 минут

2. Айырмашылық пен ұқсастық 7 минут

3. Бейнеролик 5 минут

4. Мақал-мәтелді жалғастыр 5 минут

5. Жағдаяттық сұрақ 8 минут

ІІІ. Қорытынды

Рефлексия (Жетістік баспалдағы) 5 минут

ТӘРБИЕ САҒАТЫНЫҢ БАРЫСЫ:

І. Алғы сөз

-Сәлеметсіңдер ме, оқушылар! Заңды аттамай, тура жолмен жүріп, еліне адал қызмет еткен азамат қана мұратына жетеді. «Құқықтық сауаттылық – уақыт талабы» атты ашық тәрбие сағатымызға қош келдіңіздер! Сабақты бастамас бұрын «Есім» ойынын ойнайық. Қазір әрқайсымыз тізбек бойынша жанымыздағы адамның есіміне сын есім қосып айтайық. Яғни сын есім де , есім де бірдей әріптен басталуы қажет.

II. Негізгі бөлім

1. Қауіпсіздік ережесімен танысып алайық.

2. Жалпы құқық және міндет деген не? (балалардың ойы тыңдалады, қосымша мәлімет слайд арқылы көрсетіледі)

3. Қазіргі уақытта құқықбұзушылықтар артып келеді , сол жайлы бейнеролик тамашаласақ (оқушылар тыныштық сақтап, бейнеролик қарайды, ой-түйіндерімен бөліседі)

4. Мақал-мәтелді аяқтап, білімімзді тексерейік (балалар ізденеді, білімдерін толықтырады) 1.Біреуге ор қазба ... (өзің түсесің) 2.Ұрлық түбі ... (қорлық) 3.Өтірікшінің құрығы...(бір-ақ тұтам)

4.Қолыңмен істегенді ... (мойныңмен көтер)

5.Заңды сыйлаған ... (еркін жүреді)

5. Жағдаяттық сұраққа өз ойларыңды сахналық көрініс ретінде көрсетіңіздер, сіздер не істер едіңіздер?

1-топ: Мереке күндерінде 1-курс студенті  Алишер түнгі  сағат 23:25 те түнгі  клубта достарымен көңіл көтеріп жүрген еді. Осы кезде құқық қорғау органының қызметкерлері баланың құжатын сұрап, ішкі істер бөліміне алып кетті...

2-топ: Көрші дүкеннен 11 сынып оқушысын әкесі дүкеннен сыра әкелуге жұмсады. Дүкенші бала танитын болғандықтан оған сыраны сатты. Осы тұста әкесінің, баласының , дүкеншінің іс-әрекетін көрсетіңіз беріңіз.

3-топ: 10 сынып оқушысын 2018-жылдың қараша айында кешкі 10-нан кейін беймезгіл жүргеніне, ішкі істер қызметкерлері ата-анасына ескерту  берген болатын. Сол жағдай мамыр айында қайталанып, қызметкерлер тағы  да бөлімшеге алып кетті. Баланың бұл іс-әрекетіне  ішкі істер бөлімінің қызметкерлері қандай шара қолдану керек?

Рефлексия:

III. Қорытынды

Сіздер Қазақстан мемлекетінің азаматы мен азаматшалары болып табыласыздар. «Болашақ - жастардың қолында» демекші өз міндеттеріміз бен құқықтарымызды біліп, бірлік пен ынтымақта жұмыс жасап, биылғы жастар жылында бәсекеге қабілетті 30 елдің қатарына қосылуы үшін үлесімізді қосайық дегім келеді. Осымен сабағымыз өз мәресіне жетті, сау болыңдар!