Рухани жаңғыру мектептен басталмақ.Елбасының «Болашаққа бағдар: рухани жаңғыру» мақаласы аясында Ө.Сұлтанғазин орта мектебінде өзін-өзі тану пәні сабағында биылғы мектеп түлектерінің көз- қарасын білу мақсатында жұптық жұмыс ретінде шығарма ұйымдастырылған болатын. 11сынып оқушылары Раушан Биржанова мен Анара Смагулованың шығармаларын назарларыңызға ұсынамын. Елбасының «Болашаққа бағдар: рухани жаңғыру» мақаласы Жолдауда қозғалған бағыттарды кеңінен тарқатып, мемлекеттік идеологияны анықтайтын, көпке түсінікті, рухани жаңғыртуға бағытталған құжат деп білеміз. Мақаланы оқи отырып, оның әрбір сөйлемінде бүгініміз бен болашағы жарқын Қазақстанға апаратын нақты жоспар, мақсат көрсетілгендігін түсіндік.Елімізде әлеуметтік-экономикалық, саяси реформалар жақсы жүзеге асуда. Ал бұл мақаладағы рухани өрлеу, рухани жаңғыруды біздің дамуымыздың ең басты тұғырларының бірі деп есептейміз. Әр халық, әр мемлекет ғасырлар бедерінде рухани жаңғырып, жаңарып отырады. Ал рухани жаңғыру мен жаңаруда білім берудің рөлі зор.Сол үш тілдік білімнің нәрін бізден кейінгі жасөспірімдер саналарына сіңруде.Біз биыл он бірінші сыныпты тәмәмдәп үлкен өмір жолына дайындалу үстіндеміз.Біз және бізден кейінгі ұрпақ өзіміздің ұлттық ерекшеліктерімізді сақтай, ескере отырып, әлемде болып жатқан жаңалықтарды қабылдай білуіміз керек. Бірнеше тілді білген адам ештеңеден ұтылмайды. «Ел болам десең, бесігіңді түзе» дейді ұлы Мұхтар Әуезов. Әрбір білімгер өз жері мен оның байлығының иесі болу үшін жаңа технологияларды меңгеріп, жаңаша өмір сүруге үйренудің жолдарын білуге тиіс. Егер қоғамның даму кілті білімді адамдардың жаңаша қызмет атқаруын керек ететін болса, сол жаңашыл адамдарды, болашақ қоғам мүшелеріне білім мен тәрбие беруді жүзеге асыратын мамандар дайындайтын яғни біздің білім беру ұйымдары. Елбасы көздеген бағыттарға лайықты болуы тиіс. Ең бастысы, білім беруге қойылып отырған жаңа талаптарды орындауда көптеген жұмыстар жүргізіліп, жастардың үш тілде білім алуына, жаңа технологияларды білім беру жүйесіне енгізуде өңірімізде келелі жұмыстар атқарылуда. Ұлт жоспарын орындауда әр саланың өзіндік үлесі болса, ұстаздар қауымы қосатын үлес –жас ұрпақты жаңа қоғам мүшесі етіп білім мен тәрбие беруді жаңаша құру, оны осы Елбасымыз көрсетіп отырған талаптарға сай орындау деп білеміз.Осы талапқа сай ұстаздарымыз да білімдерін көтеру үшін курстарға барып бізбен бірге өздері де білім нәрін алу үстінде. Жеті жұрттың тілін біл, жеті түрлі білім біл дегендей білміңді тереңдете түсу мектеп табалдырығынан басталуы рухани жаңғыруымыздың нышаны дегіміз келеді. Бұл түлектерімізге алда әлі ұзақ жол , үлкен асулар бар.Сол асулар мен қиындықты жеңу үшін білектің күші мен найзаның ұшы керек емес. Оған тек рухани байлық пен білім, талант пен талап керек. Қазақ елінің абыройын асырып , мерейін үстем етер, әлем таңғалар, талай-талай жаңалық ашар білімділер керек . Осы Тәуелсіз еліміздің намысын қорғайтын , бүгінімізді ертеңіне жалғайтын , қазақ елінің ертеңі , болашағы үшін жауап беретін осындай бүгінгі ұрпақ екенін сезіну керек. “Сен де бір кірпіш дүниеге , Кетігін тап та бар қалан!”- деп Ұлы ақын Абай атамыздың сөзімен мақаламды тәмәмдаймын. Сарыкөл ауданы. Ө.Сұланғазин О.М-нің өзін-өзі тану пәні мұғалімі: Тайжанова Маржанкул Кайыркенқызы
ҚР Білім және Ғылым министірлігінің стандартымен жасалған
16 Қаңтар 2019
384
0 рет жүктелген
