ЖТК ІІ деңгей

Сабақтың  тақырыбы: «Азық-түлік »

Сабақтың  мақсаттары:  1. Білімділік: Балалардың азық-түліктер туралы түсініктерін кеңейту. Күнделікті қолданатын азық-түліктерді жеке сөзбен дұрыс айтуға үйрету. Сөйлеу кезінде «азық-түліктер» деген жалпылауыш сөзді қолдана білуге үйрету. Азық-түліктердің қажеттілігі жайында түсінік беру. 2. Дамытушылық: Артикуляциялық және ұсақ қол моторикалырын, дұрыс тыныс алу қабілеттерін дамыту. Ой-өрістерін, танымдық, шығармашылық қабілеттерін, топта жұмыс  жасау қабілеттерін дамыту. 3. Тәрбиелік: Балаларды  жинақылыққа, еңбек сүйгіштікке, белсенді, тәртіпті болуға тәрбиелеу.

Сабаққа қажетті көрнекі құралдар: Тақырыптық суреттер, артикуляциялық жаттығулар суреттері, жеке айналар, сүрткіштер, үлестірмелі  материалдар.

                                            САБАҚТЫҢ БАРЫСЫ

I.Ұйымдастыру кезеңі.  

1. Сәлемдесу. Балалар шеңбер құрып:

Армысың алтын күн,

Армысың жер ана.

Армысың көк аспан,

Армысыңдар достарым.

2. Балалардың көңіл - күйлерін сұрау.

Жыл мезгілі, апта күндері туралы сұрақтар қою. Жауаптарын тыңдап, толықтарып отыру.

3. Артикуляциялық жаттығулар:

«Бақа», «Піл», «Сусиыр», «Жалпақ тіл», «Күрекше», «Ине», «Сағат», «Футбол», «Әткеншек», «Ат шауып келеді».

4. Тынысқа арналған жаттығулар:

«Ыстық шәй»

І.Негізгі бөлім: Балаларға «Нан иісі» өлеңін оқып беру. Балалардан өлеңде не туралы айтылғанын сұрау.

 Есіңде болсын, балам,

Нан- қастерлі тағам.

Қоқымын оның шашпа,

 Жерге түссе,баспа.

(Балалар суреттердің ішінен наның суретін көрсетеді)

- Жарайсыңдар балалар! Бұл өлең жолдарында нан туралы айтылған екен. Нанды қастерлеуіміз керек.

Нан – ұннан жасалатын азық-түлік түрі. Яғни біздің бүгінгі сабағымыз азық- түліктер туралы болмақ.

ІІ. Жаңа сабақ. Сурет бойынша жұмыс. - Мынау сүт тағамдары: сүт, айран, май, ірімшік, құрт. Бұл тағамдар үй жануарлыры сиыр, ешкі, жылқыдан алынады. Яғни біз осы жануарлырды күтіп-баптасақ, олардан біз сүт сауып алады екенбіз.

- Мынау ұн тағамдары: бөлке нан, бауырсақ, тәтті тоқаш, торт. Бұл тағамдарды біз бидай дәнін өңдеп, ұн жасап, ал ұннан түрлі нан, күлшелер жасайды екенбіз.

- Мынау өсімдік майы тағамдары: сұйық май, халва оларды біз – күнбағыс өсімдігінен аламыз. – Ал мынау қант: қантты – қызылшадын өңдеп, әзірлейді. т.с.с. басқа да тағам түрлерінің неден алынатыны жайлы айтып, суреттен көрсете отырып түсіндіру.

Балаларға азық-түлік дүкенінің суретін көрсетіп, дүкенде сатылатын азық-түліктерді жеке-жеке атату.

- Балалар қараңдаршы мынау -дүкен. Бұл дүкенде азық-түліктер сатылады.

- Мынау сүт тағамдары: сүт, айран, май, ірімшік, құрт.

- Мынау ұн тағамдары: көлке нан, бауырсақ, тәтті тоқаш, торт.

- Мынау ет тағамдары: сиыр еті, қой еті, тауық еті, шұжық.

- Мынау тәттілер: кәмпит, шоколад, мармелад.

- Мынау сусындар: шәй, алма шырыны, газдалған су.

ІІІ. Сергіту сәті. «Он саусақ»

І V. Сабақты жалғастыру. «Дұрыстап ойлан»

Бетін жумай Жұматай

Нан жеп отыр ұят-ай!

- Балалар, тамақ ішерде не істеу керек?

- Жұматай не жеп отыр?

«Жұмбақтар шешуін тап»

   1. Қардай аппақ,

       Балдай тәтті-ақ               (қант)

   2. Сырты жасыл, қатты,

       Іші қызыл, тәтті             (қарбыз)

   3. Құрғақ жерде сақтайсың,

       Онсыз тамақ татпайсың. (тұз)  

VІ. Қорытындылау:

- Балалар сендерге бүгінгі сабақ ұнады ма?

- Біз бігін не үйрендік?

- Мына дүкенде не сатылады екен? Атап беріңдерші.

- Мына азық-түліктерді атап беріңдерші

- Осылардың барлығын біз бір сөзбен не деп атаймыз?

Сабаққа белсене қатысқан балаларды мақтап, мадақтап, бағалау.