Өзін-өзі тану пәнін басқа пәндермен ықпалдастыру

1 мысал Ана тілі

Тақырыбы: “Аққу, шортан, һам шаян”

«Аққу, шортан, һам шаян» мысалының мағынасын ашу. Және де «Біріге көтерген жүк жеңіл» деген мақалды ұстана отыра ішкі тыныштық құндылығы бойынша оқушыларға сыйластық, достық, бірлестікке баулу.

Түйін: Достың қадірін білу және адамның еңбегін бағалау.

2. мысал. Бейнелеу өнері

Тақырыбы: «Көркем шығармалар »

Бейнелеу өнеріндегі атақты көркем шығармалардың өміріне, өнеріне, еңбегіне қысқаша шолу. Бейнелеу өнерінің қыр – сырын білу үшін ішкі тыныштық керек екенін және де суретшілер суреттегі жансыз бейнелерді жанды бейнеге айналдыра отырып, сабырлықққа, шыдамдылыққа, сүйіспеншілкке баулиды.

Түйін: Баланың салауатты өмір салтына деген сүйіспеншілігі мен дұрыс әрекеті арқылы жақсы жетістіктерге жете алатынынакөзін жеткізу арқылы түйіндеу.

3 мысал Математика

Тақырыбы: “4 санының құрамы”

4 санының құрамын өткенде 4 санының құрамын тақтаға жазады. Өзін-өзі тану пәнімен ықпалдастыра отырып 4 құндылықпен таныстырамын. Сүйіспеншілік, Ақиқат, дұрыс әрекет, ішкі тыныштық, қиянат жасамау.
Ақиқат – өзін-өзі танудың мақсаты, сүйіспеншілік – өзін-өзі танудың негізін қалаушы, дұрыс әрекет – өмір, ішкі тыныштық және қиянат жасамау – тұлғаның үйлесімді дамуының нәтижесі деп білемін. Сондықтан 4 құндылық сияқты адамгершілік құндылықтарды жете түсінген адам осы құндылықтарды іс-жүзінде қолданып, оларды адам ниетімен және ақ пейілмен таратса сол адамды білімді адам деп атауға болады.

4 мысал Дүниетану

Тақырыбы: “Сезім мүшелері ”

Дүниетану пәнініен «Сезім мүшелері» тақырыбында көз – көру мүшесі, тіл – дәм сезу мүшесі, құлақ – есту мүшесі, тері – сипап – сезу мүшесі, мұрын – иіс сезу мүшесі. Оларды таза ұстап, күту керек. Осы сезім мүшелерді күте отырып, оқушыларға тазалықты үйрету. Сол сияқты балаға жас кезінде риясыз сүйіспеншілікпен дұрыс тәрбие берсе еліне қызмет ететін , бойында адамгершілік қасиеті мол нағыз азамат болып өседі.

5 мысал Қазақ тілі

Тақырыбы: Қарама – қарсы сөздер
• Мағыналары бір – біріне қарама – қарсы сөздерді антоним дейді
• Мысалы: Үлкен – кішкентай, биік – аласа, жуан – жіңішке

• Түйін: «Білімдінің - күні жарық, Білімсіздің – күні қарып», деген мақалдың мәнін ашу барысында Ақиқат құндылығын алдым. Онда оқушыларға білімді адам қандай биікке көтеріледі, ал білімсіз адамның күні не болатынын мысал арқылы түсіндіре кету. Сол бойынша бала бойына уақыттың қадірін, еңбекті сүйюді, мейірімді, тәртіпті адам шығатынымен түйіндеу..

Орындаған: Махмутова А.А