Сабақ жоспары балабақша

Тақырыбы: Гипербелсенді баланың көңіл-күйін қалыптастыру

Түзете-дамытушылық мақсаты: Гипербелсенді балалардың қалыпты эмоционалдық көңіл - күйін қалыптастырып, есту түйсіктерін дамыту.

Пайдаланатын құралдар: шар, қоңырау

Сабақтың құрылымы:

1. Амандасу. Жылулық шеңбері: «Күн»

2. «Шеңбер» ойыны.

3. «Қоңырау мен көңілді ойын» (Е.К.Карпова, Е.К.Лютлова)

4. Рефлексия және қоштасу

Жүру барысы:

І. Амандасу. Жылулық шеңбері: «Күн»
Мақсаты: оқушыларды өзін таныстыруға, дұрыс сәлемдесуге, басқаларды тыңдай білуге үйрету.
Жүргізілу барысы: Менің қолымда күн тұр. Ол қазір айнала барлығымыздың қолымызға өтеді. Кімде- кімнің қолына, күн түссе, сол өз атын атап, көршісінің атын атап, шарды оған береді.

ІІ. «Шеңбер» ойыны.
Ойынның барысы: балаларға бір - бірінің қолдарын ұстап, шеңбер құрып тұру ұсынылады. Сонымен қатар, шеңбер бойымен тұрған балалардың әрқайсысы өзіне қарсы тұрған баланың көзіне қарап, жылы жүзбен күлімсіреу керек.

ІІІ.“Қоңыраумен көңілді ойын” (Е.К.Карпова, Е.К.Лютлова)

Мақсаты: оқу іс – әрекетінде балалардың есту түйсіктерін дамытуға арналған ойын.

Шарты: балалар шеңбер құрып отырады, топтың ұйғырымы бойынша, алып беруші тағайындалады, егер ешкім шыққысы келмесе, онда тренердің өзі болады, ал қоңырауды шеңбер бойынша жібереді. Ойынды жүргізуші көзін байлап, қоңыраулы адамды ұстап алу керек. Бір – біріне қоңырауды бере салуға болмайды.

ІV. Рефлексия және қоштасу

Балалар бүгін сендерге біздің сабақ ұнадыма? Егер ұнаса шапалақтаймыз, ал егер ұнамаса аяқтарымызбен тарсылдатамыз. 3 тілде қоштасамыз.