Сабақ жоспары "Өлкенің табиғи ресурстары" 7-сынып

Күні: 18.10.17 ж

Пәні: Өлкетану

Сыныбы: 7 «б»

Сабақ тақырыбы: Өлкенің табиғат ресурстары

Сабақ мақсаты: Білімдік – өлкеміздің табиғи байлықтары туралы толығырақ тоқталу

Тәрбиелік – оқушыларды табиғатты,табиғат байлықтарымызды қорғауға тәрбиелеу

Дамытушылық – оқушылардың ой-өрісін дамыту, есте сақтау қабілеттерін дамыту

Сабақ түрі: аралас сабақ

Сабақ әдісі: ауызша баяндау, сұрақ – жауап

Көрнекілігі: плакаттар,слайд материалдары

Сабақ барысы:

І.Ұйымдастыру кезеңі

ІІ.Үй тапсырмасын тексеру. Карточкалық сұрақтар:

1. Өлкеміздің қандай өзендерін білеміз?

2. Жайық өзеніне сипаттама бер

3. Өзендеріміздің экологиялық проблемалары қандай?

4. Жеріміздегі минералды су көздерін білемізбе?

5. Су экологиясын қорғау үшін не істеуіміз қажет?

ІІІ.Жаңа сабақ.

Облыс аумағында Цыганов, Ульянов, Гремячинск, Батыс Теплов, Теплов, Қарашығанақ сынды бірқатар газ конденсаттары мен мұнай кендері анықталған. Олардың ішіндегі ең ірілері : Батыс Теплов және Қарашығанақ болып табылады. Сонымен бірге Чернозатон, Түксай, Новосеменов жанғыш тақтатастар кендері табылды. Тас тұзы, калий және бор қабатындағы тұздар, гипс, әк жыныстары, бор және басқа қазба байлықтар ашылды.

Құрылысқа жарамды минералды шикізаттардан облыста кірпіш және цемент өндірісі шикізаты, керамзит, әк, құрылыстық құм, құм – қиыршық қоспалары, құрылыс тастары, оларды алмастыратын басқа түзілімдер бар. Керамзитті шикізаттың Погодаев және Түксай кендері барланған. Ақтау («Белая Горка») кенінің құмы силикатты кірпіш дайындау үшін пайдаланылады. Әк өндіруге жарамды бор облыстың солт. және оңт. бөліктеріндегі аудандарда таралған : пайдалы қазбалардың өндірістік балансына Ақтау («Белая Горка») және Бөрлі кендері енгізілген ; бұлардың жиынтық қоры 16081 мың метр куб.

Жылдық қуаты 1300 мың т. цемент зауытын шикізатпен толық қамтамасыз ететін қоры 1106482 мың метр куб Ақсуат кені барланды. Гидравликалық қосымша ретінде қоры 21619 мың метр куб болатын кремний сазы бар Шипов кенінің пайдаланылуы мүмкін. Қыш шикізаты Федровка с – ның жанынан ашылды, қоры 2042 мың метр куб.

IV. Сабақты қорытындылау.

1. Өлкеміздің табиғат ресурстары жайлы жаңадан нені білдік?

2. Қарашығанақ кен орны туралы не білеміз?

V.Үйге тапсырма. Шалқар көлінің зерттелу тарихы туралы конспект жазу

VI. Бағалау.