Сабақ жоспары Тарих қойнауында 6-сынып

Мектеп:

№47ЖОББ

Машықкердің аты-жөні:

Абай Индира Медетқызы

Күні:

30.11.18

Сабақтың тақырыбы

Тарих қойнауында

Осы сабақта қол жеткізетін оқу мақсаттары (оқу бағдарламасына сілтеме)

6.1.1.1 мәтіннің атауын талқылау және алғашқы бөлігін тыңдау арқылы көтерілетін мәселені болжау;

6.4.3.1 көнерген сөздердің қолданыс аясын түсіну және ажырата білу.

Сабақтың түрі

Аралас сабақ

Пәнаралық байланыс

Қазақстан тарихы, әдебиет.

Қажетті құрал – жабдықтар

Интерактивті тақта, тақырыпқа қатысты слайдтар, дыбыс шығарғыш, ақ парақтар (А4).

Оқу әдістері

Сөздік, практикалық, көрнекілік.

Дереккөздері

6-сынып «Қазақ тілі» Атамұра баспасы, 2017ж., әдістемелік құрал, дидактикалық материалдар.

Тапсырмалар

Сабақ барысындағы мұғалім мен оқушының іс- әрекеті:

Тапсырма

Мұғалімнің іс – әрекеті

Оқушының іс – әрекеті

Оқушыларға психиологиялық ахуал туғызу

Оқушылармен амандасып, сыныпты түгендейді. Кезекшімен сұхбаттасады.

Сынып топқа бөлінбейді. Сабақ барысы кездейсоқ сандар арқылы өтеді.

Мұғаліммен амандасады. Оқу құралдарын дайындайды. Кезекші жоқ оқушыларды атайды.

.

Өткен сабақты тексеру

Үй тапсырмасы. Алдын-ала дайындалған сандар тізбектерінің ішінен суырып алу арқылы үй тапсырмасына жауап беретін оқушылар таңдалады.

Келесі таңдалған сандар сұрақ қояды. Және келесісі пікір білдіреді.

Үй тапсырмасына жауап береді

І.Қызығушылықты ояту

Жаңа материалға қызығушылықты арттыру мақсатында «4 сурет, 1сөз» әдісі қолданылады.

Яғни, бүгінгі біздің тақырыбымыз «Тарих қойнауында». Оқу мақсаттары хабарланады.

Суреттерде тарихта іздері қалған ұлы ғұламалар мен хандар бейнеленген және өткенімізде қалған соғыс уақыттары бейнеленген. Демек, жауабы тарих.

ІІ. Мағынаны тану

Қорытынды

3 мин

1-тапсырма. Тыңдалым алды тапсырма.

Мәтінді тыңдап, сұрақтарға жауап береді.

• Мәтін не туралы?

• Мәтінге қандай ат қоюға болар еді?

Елбасының «Бабаларын қалтқысыз қастерлей білген халық балаларының болашағын да қапысыз қамдай алмақ» деген қанатты сөзі бар. Ендеше, бабаларымыздың жарқын істерін насихаттау бесігіміздің бүтін, жеріміздің тұтас, тіл мен діліміздің, түптеп келгенде, тәуелсіздігіміздің мәңгілік болуының басты кепілі. Өскелең ұрпақтың бойында отансүйгіштік, ұлтжандылық қасиеттерді қалыптастыру елдің тәуелсіздігін қастерлеуді үйрету үдерісінің бастау бұлағы – отбасы. Демек, жас өскінді ұлан-байтақ жерімізді білектің күші, найзаның ұшы, ақылдың амалымен сақтап, бізге жеткізуге үлес қосқан ата-бабаларымыздың өміршең үлгі-өнегесін сіңіру арқылы тәрбиелеу ең абыройлы міндетіміз болып қала бермек. Жеті атасын білмеген жетесіз деген мәтел бар халқымызда. Бұрынғы даналарымыз түп тамырымызды білудің дініміздің мықты болуының кепіліне балағаны күмәнсіз. Күні кешегі ұлт шежіресін ұмыттырғысы келгендердің пиғылын нақты ұғынсақ, есігімізден сығалаған жаһандық үдерісінің болуы мүмкін сын-қатерлерін сауапты бағамдай алмақпыз.

Кездейсоқ сандар таңдалып сұрақтаға жауап береді.

Дескриптор білім алушы

• Мәтінді тыңдайды

• Мәтін бойыншасұрақтарға жауап беріп, өз ойларын білдіреді.

• Мәтін атауын талқылайды.

Қ/Б «Смайликтер»

2-тапсырма. Бірінші бағандағы сөйлемді өз сөзіңмен алмастырып, жазып, көтерілген мәселені болжап айт. «Кездейсоқ сандар»

Дескриптор білім алушы

• Мәтін мазмұнынан көтерліген мәселені жазады.

• Өз ойымен көтерілген мәселені болжап жазады.

Қ/Б «Смайликтер»

Тілдік бағдар.

3-тапсырма. Сөйлемдерді көшіріп жазып, көнерген сөздердің мағынасын түсіндір. «Кездейсоқ сандар» таңдалады.

Аңшы Мүсіреп Есеней байға жарамсақтанып, жігіттің арызын аяқтатпай, киіп кетті:

- Тоқта деген соң, сүйреңдемей тоқта, бала! Ауылыңа сәлем айт, Есеней аға сұлтанның ат тұмсығын тіреген жерге таласып әуре болмасын! – деді. (Ғ.Мүсірепов). Аламандардың киім үлгісі, сауыт-сайман, қару-жарағы да ала-құла. Біреу көбе, біреу бадана, енді біреулері тот басқан ескі кіреуке киіп алыпты (Қ.Жұмаділов).

«Дескриптор» білім алушы

• Сөйлемдері көшіріп жазады

• Көнерген сөздердің мағынасын түсіндіреді

Қ/Б «Смайликтер»

4-тапсырма. Төмендегі сөйлемдерден көнерген сөздерді тауып жаз. Олардың тарихи сөз немесе архаизм екенін анықта. «Кездейсоқ сандар»

Хан енді шетелдерден келген елшілерді қабылдайтын болды. Әр елшіні екі қарынан екі сарай төрешісі қолтықтап ханға қарай алып жүрді. Елшілер он шақты адым қалғанда оң тізелерін бүгіп, қол қусырып, бастарын иіп тағзым етті. Қапталда отырған уәзірлер орындарынан тұрып, шетелдік меймандарды қолтықтарынан демеп, ханға беттеді, төрт-бес аттаған соң, тағы да кідіріп, тағзым етті. Елшілер уәзірлер отырған сәкіге қарама-қарсы қойылған биік сәкіге барып жайғасты. (Ә.Кекілбаев)

Дескриптор білім алушы

• Көнерген сөздерді табады

• Тарихи және архаизм сөздерді ажыратады.

Қ/Б «Смайликтер»

5-тапсырма. Көнерген сөздерді мағынасына қарай орналастыр. Ережеге сүйеніп дәлелде. «Кездейсоқ сандар»

Хан, патша, дүрия, сауын айту, уәзір, би, аға сұлтан, болыс, торқа, биқасап, садақ, жебе, найза, адырна, бесік құда, сауыт, айбалта, барымта, патсайы, лашық, жаппа, шидем, күпі, сәукеле, саптыаяқ, кебеже.

Дескриптор білім алушы

• Тарихи және архаизм сөздерді ажыратады.

• Ережеге сүйеніп дәлелдейді.

Қ/Б «Смайликтер»

6-тапсырма. Шығармашылық тапсырма. Бес жолды өлең.

1. Зат есім

2. Екі сын есім

3. Үш етістік

4. Төрт сөзді сөйлем

5. Синоним

Мәтінді тыңдайды.

• Біздің алтын тарихымызда көптеген ұлы адамда соның ішінде ел қорғаған, жер қорғаған батырларымыз, әділдігімен ел басқарған хан-патшаларымыз, орақ тілді би-шешендеріміз тағы да басқа ұлы тұлғаларымыз бар. Біз, жастар және болашақ ұрпақ түп тарихымызды ұмытпауымыз керек. Бұл – парыз.

2-тапсырма.

Жарамсақтанып, сұлтан, аламандар, сауыт-сайман, қару-жарақ, көбе, бадана, кіреуке.

4-тапсырма.

Тарихи сөздер: уәзір, хан,

Архаизмдер: адым, қаптал, сәкі, қары.

5-тапсырма.

6-тапсырма.

1. Хан

2. Әділ, жоғары.

3. Ел билейді, шешім қабылдайды, халықтың қамын ойлайды.

4. Тарихымызда билеуші хандар көп.

5. Патша.

ІV. Үйге тапсырма

5-тапсырма. Суреттердегі тарихи тұлғаар туралы энциклопедия, газет-журналдардан ақпарат тауып, диалог құрыңдар. Алынған материалдың авторына сілтеме жасап, өз ойларыңмен жалғастырыңдар.

Үй тапсырмасын күнделіктеріне жазып алады.

V. Бағалау

«Смайликтер» бағалауын көп жинаған оқушы бағаланады.

Оқушылар бағаланады.

VІ. Ойтаразы

Кері байланыс. «Алақан жылуы»

Ақ алақан – жағымды эмоция.

Қара алақан – жағымсыз эмоция.

Оқушылар пікірлерін жазады.