Сабақ жоспары "Төбе плитасынан «Ұшатын қанат» үлгісін жасау"

Төбе плитасынан «Ұшатын қанат» үлгісін жасау.

Бұл моделді жасау ұшақ модельдеумен оқытудың бірінші жылы айналысып жүрген оқушылар үшін қажет. Оқушы аэродинамика туралы алған теориялық білімін бекітеді, әрі пенопластмен жұмыс істеу шеберлігіне іс жүзінде үйренеді.

Сабақтың мақсаты аэродинамика туралы оқушы білімін кеңейту. Қанат бейінін, олардың қандай болатынын, қанат үсті ағынының қалай өтетінін, көтеру күші мен тарту орталығы туралы оқушы түсінігін кеңейту.

Оқушылардың жұмыс істеуі үшін қажетті құрал-жабдықтар:

1.Төбе плитасы, 2.Сызғыш, 3.Қалам, 4.Ватман қағазы, 5.«Мастер» желімі,

6.Қажау қағазы, 7.Кеңсе пышағы, 8.Ермексаз, 9.d =30 мм түтік,

10.Полиэтилен жайма, 11.Қанат үлгісі.

Сарамандық жұмыс кезеңдері:

Плитаны талшығы бойымен горизонтал бағытта орналастыру.

Жоғарғы және төменгі жағының ортасын табамыз.

Оларды сызғышпен тігінен қосамыз.

Осы тік сызық бойымен қанат үлгісін орналастырамыз да сызық түсіреміз.

Кеңсе пышағы көмегімен сызық бойымен плитадан қанат бейнесін ойып аламыз.

Қажайтын жерімізді қанат бетінде үлгі бойынша белгілейміз.

Қанатты тегістеу төсемі арқылы қажаймыз.

Түтік көмегімен қанат ұштарын қайырамыз.

Қанаттың тұмсық жағынан жырықша ойып ватман қағазынан ұшыру тұтқасын желімдейтін орынды дайындаймыз.

Ұшыру тұтқасын желім қанатқа желімдейміз.

Желім кепкеннен кейін сынақтық ұшырулар жасаймыз. Дұрыс тепе-теңдікті сақтау үшін қанат ұшына ермексаздан салмақ жапсырамыз.

Дұрыс тепе-теңдік сақталған жағдайда қанат 20 метрге дейін бір қалыпта әдемі ұша алады.

Сабақты бекіту үшін сабақ соңынан кейін «Ұшатын қанаттар» жарысын өткізуге болады.