№13 мектеп-гимназия психологы

Өмірзақова Әсемай Балтабайқызы

«Сенім – менің серігім» (психологиялық тренинг)

       Мақсаты :11 – сынып оқушыларын ҰБТ – ға  байланысты сенімділікке үйрету , стресстік қалыптан арылу , бір – біріне деген қарым – қатынасын нығайту .

      Қажетті құрал – жабдықтар : ақ парақ , қаламсап интерактивті тақта , «Тілек ағашы» тақырыбындағы үлкен ағаш суреті салынған плакат , жапсырма қағаздар , үнтаспа.

1. «Досым, қалың қалай?» жаттығуы .

Жаттығудың мақсаты . Оқушылардың көңіл – күйін көтеру , бір – бірімен қарым – қатынасын нығайту .

Шарты : балалар дөңгелене тұрып , жұп – жұп болып , бір – біріне қарап жазылған сөйлемді аяқтайды . Яғни , сұрақты өз ойларымен толықтырады және екіншісі жауап береді .

2. «Сенімділік» жаттығуы .

Мақсаты : Оқушыны стресстік жағдайдан арылтып , сенімділікке үйрету .

Шарты :оқушыларға бос парақ таратылады . Сол парақты қаламсаппен теңдей екіге бөлу ұсынылады . Ол бөліктерді 1 , 2 деп белгілеп , бірінші бөлікке жағымды қасиеттерді , ал екінші бөлікке жағымсыз қасиеттерді жазу керек те , ортасы қырқылып алынады . Жағымды қасиеттерін өзіне қалдырып , жағымсыздарын қатты мыжып , қоқыс жәшәгәне салады .

3.  «Биіктік»  жаттығуы

Мақсаты : оқушының өмірлік жетістіктеріне жету мақсатына талпындыру , сенімділігін нығайту .

Жаттығу барысы : қатысушылардың біреуі шығады . Оған мынадай нұсқау беріледі : «Қабырғаға жақын тұр , сосын секір . Қай жерге дейін секіргенін бергілеу» .

Талдау . бірінші және екінші белгі салыстырылады . Қатысушылар мынадай сұрақтарға жауап беру керек .:

-          Белгі  қойылған биіктердің айырмашылығы болды ма ?

-          Бұл айырмашылыққа не әсер етеді ?

-          Қойылған талап пен мақсат нәтижесі жақсарады ма , әлде нашарладыма ?

-          Қалай ойлайсыңдар , өмірде де осындай жағдайлар кездесе ме ?

Қорытынды : Оқушылар өтілген жаттығулардан , түсіндірме жұмыстардан алған әсерін және достарына арнаған тілектерін жазып , «Тілек ағашына» апарып жапсырады . 

Оқушыны психологикалық – педагогикалық зерттеудің ұстанымдары мен әдістері

Эксперимент кезінде   оқушы  жан – жақты тексеру жүргізіледі . Ондағы мақсат – оқу – тәрбие процесінде  оқушымен жеке қатынас жасау жолдарын анықтау .

    Оқушының жеке ерешеліктері жөнінде мәліметтер жинау оның өсу жолында өзін – өзі тәрбиелеуіне игі ықпал етеді . Оқушының жаңа материалды қабылдау мен игеру ерекшелігі мұғалім қолданған әдіс – тәсілдердің нәтижесін көрсетеді . Ол оқытудың сапасын арттыруға , тәжірбиесін сараптауға игі ықпал етеді .

Сондықтан оқушының іс – әрекетіне белгілі бір уақыт көлемінде үздіксіз бақылау жасау ең алдымен , ғылыми ұстанымдарға сүйенуді қажет етеді . Олардың ішінде маңызды – іс әрекеттегі психиканы ұстанымы . Өйткені жеке тұлға өз өміріндегі негізгі іс – әрекеттер түрімен қалыптасады . Мектеп оқушысы үшін бұл іс – әрекеттер : ойын , оқу , еңбек және т.б. болып саналады .