Мақсаты: оқушыларға адам өміріндегі сенімділіктің маңыздылығын түсіндіру арқылы ақиқат құндылығының мәнін ашу.

Міндеттері:

Білімділік: оқушыларға «сенім» ұғымының мәнін аша отырып, адалдық қасиетіне түсінік беру;

Дамытушылық: оқушыларға өз-өзіне сенімді болу, басқаларға сенім білдіру, сенімділік таныту іскерліктерін жауапкершілік қасиеті арқылы дамыту;

Тәрбиелік: оқушыларды адамдармен сенімді қарым-қатынас құруға, шынайылық қасиеті арқылы тәрбиелеу.

Ұйымдастыру кезеңі.

Топқа бөлу: 1-топ: Адалдық; 2-топ: Жауапкершілік; 3-топ: Шынайылық

5-Т ережесін үнемі сабақ барысында сақтап отыруға шақырамын. «Тәртіп, тазалық, талап, татулық, тыныштық».

Сабақтың басында және соңында «Сиқырлы күлтелер» балалардың көңіл-күйлерін анықтау мақсатында психологиялық ахуал.

Қағаз, түрлі-түсті қарындаштар, музыка

Дәйексөз

«Бойымыздағы сенімділік, өзгелерге де сеніммен қарауға көмектеседі».

Хормен барлығы бірге айтады. Ұлдар бөлек, қыздар бөлек айтады.

Дәйексөздің мағынасын қалай түсінесіздер?

Мақал

Үй тапсырмасын тексеру. «Орамал тастамақ» ойыны.

Оқулықта берілген Серік Үсенұлының «Артылған ақша» атты әңгімесін оқып келіп, түсінік айту.

Әңгімелеу

«Артылған ақша»

Серік Үсенұлы

• Сенім қандай іс-әрекеттердің бастауы бола алады?

• Өзіне сенімді адамның бойында қандай қасиеттер болады?

• Өзгелерге неліктен сенім білдіру керек деп санайсыңдар?

• Өзіңе сенім артқан кезде қандай күйге бөленесің? Айтып бер.

Шығармашылық, топтық жұмыс.

1-тапсырма бойынша 1-топ оқушылары «Өзіңе сенімділік мақсатқа жеткізер» тақырыбына ой-толғау жазады.

2 –тапсырма бойынша 2-топ оқушылары «Сенім» деген сөздің әрбір әрпінен басталатын адами қасиетті білдіретін сөздерді жазу керек. Мысалы:

С – сыйластық, сыпайылық, сенімділік

Е – еңбексүйгіштік, ептілік, ержүректік

Н – нәзіктік, ниеттілік

І – ізгілік, ізеттілік, іскерлік

М – мейірімділік, мейірбандық, мәдениеттілік.

3-топ оқушылары адамның бойында сенімділік болу үшін қандай қасиеттер болу керек екенін топтастыру арқылы жазамыз.

«Соқыр теке» ойыны.
Қатысушылар кезегімен шығып қоржынның ішіне қарамай, әріптердің бірін алады. Қандай әріп шықса, сол әріптен басталатын даналық сөздер айтуы тиіс. Мысалы: Ұ әрпі болса, Ұяда не көрсең, ұшқанда соны ілерсің.т.б.

Жаңа ақпарат.

Сенім – адамның күш-жігерін, бойындағы қабілеттерін жоғарылататын асыл жіп тектес. Адамның өзіне –өзі, өзгелерге сенім білдіруі оның өмірге деген үміті мен қызығушылығын арттырады.

Өзіңе-өзің сену адамның өз бойындағы күш-жігерін түсініп, мақсат-мүддесіне жетуіне көмектеседі. Айналадағы адамдардың сенім білдіруі адамның жауапкершілігін арттырады. Сенімді болу – жауапкершілікті сезіну және орындай білу дегенді білдіреді.

Сенім адалдықтан, ізгі ой мен ниеттен туындайды. Сенім үміттің мұраты, жақсылықтың құралы болғанда, ұлы мақсаттарға жеткізеді.

Мұғалімнің сыйы.

Аңыз әңгіме: «Екі дос»
Екі дос шөл далада жолаушылап келе жатады. Бір кезде сөзден сөз шығып, екеуі тартысып қалады. Біреуі ашуға қатты булығып, екіншісін қойып қалады. Досының ұрғаны жанына қатты батады, бірақ ләм-мим демей құмға былай деп жазып қояды: «Бүгін мені жан досым ұрды!»
Екеуі көкорай шалғын жерге келгенше тоқтамай жүріп отырады. Суды сол жерден ішерміз деп келісіп алады. Бір кезде досынан таяқ жеген батпаққа аяғы кіріп шыға алмай қиналады. Тіпті тұншығуға айналып, демі тарыла бастағанда, досы кұтқарып қалады. Батпақтан кұтылғаннан кейін, тастың үстіне ойып тұрып: «Бүгін мені жан досым, өлім аузынан құтқарып қалды», – деп жазады.
Оның бұл жазуына таңырқаған жолдасы:
– Ұрған кезімде құмға жаздың, ал енді не үшін тасқа жазып жатырсың? – деп сұрайды.
Сонда досы:
– Біреу бізге жамандық жасаса, оны құмға жазғанымыз дұрыс, кешірім самалы оны өшіріп кетсін. Ал біреу жақсылық жасаса, оны тасқа ойып жазайық, оны ешқандай жел өшіре алмасын!..
1. Досының ұрғаны қатты батқан бала, не себепті қарсыласқан жоқ.
2. Екі достың арасындағы қандай қасиеттерді байқадыңыздар ?
3. Екі достың тартысып қалғаны дұрыс па?

Топпен ән айту.

Болайықшы осындай

Сөзі мен әні А.Меңжанованікі

Жақсы бала еңбекшіл,

Ер азамат болады.

Қиындықты жеңіп кіл,

Құшағы гүл толады.

Қайырмасы:

Еңбекшіл осындай,

Болайықшы, досым-ай!

Таза бала мұнтаздай,

Сүйсінеді қараған.

Ұқыпты деп бұл қандай,

Жақсы көрер бар адам.

«Домбыра дастан» бағалау.

Балалар домбыраның құрылымына «керемет», «жақсы», «орташа» деген сөздерді стикерлерге жазып жапсырады.

Үй тапсырмасы.

Оқулықта берілген Өтебай Тұрманжановтың «Сенім» атты әңгімесін оқып келу.

Қорытынды сабақ.

Оқушылар жақсы көңіл-күймен гүл күлтелеріне ізгі тілектерін жазып, аудитория ішінде өзінің сенім білдіретін адамына тарту етеді.