Соңғы қоңырау сценарийі

М .Әуезов атындағы орта мектеп

САЛТАНАТТЫ ЖИЫН:

«Құлақтан үнің кетпестей сыңғырла соңғы қоңырау»

Өтетін күні: 25 мамыр 2015жыл

Безендірілуі: Банер соңғы қоңырау бейнеленген. шарлар, жалаушалармен безендіру.
Орналасуы: Мектеп алаңы

Уақыты: 09. 00

Қатысушылар: 1-9 сынып оқушылары, ұстаздар, салтанатқа шақырылған қонақтар.

Музыка ойнап тұрады.

Фанфары.
Жүргізуші: Г. Досанова

1. Салтанаттың ашылуы

Жүргізуші:

Армысың, айналайын, халқым менің,

Отаным – туған мекен, алтын белім.

Сыңғырына қоңыраудың құлақ түріп

Тағы да келіп қапсың, абзал елім!

Соңғы қоңырау, салтанатты бүгін жиын,

Шәкірттерім, мектепке түгел жиыл.

Мереке құтты болсын, аяулы ұстаз

Естен кетпес ерекше жыл болды биыл

Қайырлы күн, құрметті ұстаздар, қымбатты оқушылар, аяулы ата-аналар мен қадірлі қонақтар!

Жүргізуші: Бүгін міне, қызығы мен қиыншылығы мол, әр оқу жылы толағай табыстарға толы мектептің мерекесі, жүректері лүпілдеген шәкірттерімізді асыға күткен жазғы демалысына шығарып салатын – соңғы қоңырау салтанаты.

Биылғы оқу жылы Қазақ хандығының құрылғанына 550 жыл, Қазақстан Республикасының Конституциясына 20 жыл, Қазақстан Ассамблеясының құрылғанына 20 және Ұлы Жеңіске 70 жыл толуымен ерекшеленіп отырған тарихи жыл болып саналады. Өткеніңді тану, тарихыңды білу - қастерлі міндет.  Елбасы Н.Ә.Назарбаев өзінің Қазақстан халқына арнаған кезекті Жолдауында: « Мәңгілік Ел – ата-бабаларымыздың сан мың жылдан бергі асыл арманы. Мен Мәңгілік Ел ұғымын ұлтымыздың ұлы бағдары – «Қазақстан-2050» Стратегиясының түп қазығы етіп алдым», – деп атап өткен болатын. «Мәңгілік Ел» идеясының жүзеге асуы өз Отанын сүйетін ұлтжанды, патриот жастардың қолында. Тәуелсіздік тұғыры мықты, ел мерейі үстем болып, көк аспанымызбен астасқан көк туымыз әрдайым биіктен желбірей берсін деген тілекпен М.Әуезов атындағы орта мектептің 2014-2015 оқу жылының «Соңғы қоңырау» салтанатты жиынын ашық деп жариялаймыз!

2. Салтанатты жиында ҚР Мемлекеттік туын ұстаушылар: облыстық әскери патриоттық сайыстың жеңімпазы, ғылыми жобалар байқауының жүлдегері 10-сынып оқушысы Төлеуғалиев Бердібек, 9-сыныптың үздік оқушылары Ералыұлы Әлихан және Самигуллина Альбина

3. ҚР Мемлекеттік Гимні ойналады.

4. Қонақтармен таныстыру

Жүргізуші: «Мектеп» деген сөзді аса бір ыстық сезіммен, жүрек толқытар тебіреніспен айта аламын, өйткені, жарқын шақтардың елесі қалар, ерке балалығыңның куәсі болар бірден бір киелі мекен – мектеп екені рас. Ендеше, бүгінгі салтанатқа орай мектебімізге келген құрметті қонақтармен таныс болыңыздар.

1. Аудан әкімшілігінен келген өкіл ...........................................................................................

2. Аудандық білім бөлімінің .....................................................................................................

3. Ата-аналар атынан ................................................................................................................

5. Мектеп директорының құттықтауы

Жүргізуші: Абзал жан бар биік тұлға байсалды,

Құшақ жайып бүгін міне, қарсы алды

Шәкірттерге жарқын тілек білдіріп,

Құттықтайды қуанышпен баршаңды.

Құттықтау және жыл үздіктерін марапаттау үшін сөз мектеп директоры Кикбаева Майсара Қабдоллақызына беріледі.

1. «Жыл мұғалімі» атағымен аудандық «Жыл мұғалімі-2015» байқауының жүлдегері,

І санатты бастауыш сынып мұғалімі Темірғалиева Майра Ізбайқызы марапатталады.

2. «Үздік әдістемелік бірлестік» атағымен физика, математика, информатика пәндерінің бірлестігі марапатталады. Бірлестік жетекшісі – Тілегенова Жанат Мұрасқалиқызы.

3. «Үздік сынып жетекшісі» атағымен «Үздік тәрбие шарасы» байқауының жүлдегері Арыстанова Алма Қойшымбайқызы марапатталады.

4. «Жыл оқушысы» атағымен 8 «А» сынып оқушысы Сайфолла Аружан марапатталады.

6. Ән «Мектебім» Орындайтындар: Халел Ақбөбек, ............................

7. Аудан әкімінің құттықтауы

Тарқамасын қызықтың шағы қыран,

Жана берсін бағы артып бағыңыздан.

Құрметпенен ұсындық сізге сөзді

Ақтарылып көріңіз ағыңыздан, - дей келіп, келесі құттықтау сөзді аудан

әкімшілігінен келген құрметті қонағымыз .............................................................................

........................................................................................................... жолдаймыз.

8. Аудандық білім бөлімі өкілінің құттықтауы

Білімді шәкірттерін аялаған,

Жақсылығын ешкімнен аямаған.

Саялы бақ, жанашыры жас ұрпақтың,

«Ұстаз» деген ардақты, аяулы адам.

Құттықтау сөз аудандық білім бөлімінің ..........................................................................................

............................................................................................................................... беріледі.

9. Ән.

Русланова Маликаның орындауында «Ұстазға мың тағзым» әнін қабыл алыңыздар.

10. Соңғы қоңырау соғу.

Мектеп өміріндегі ең маңызды сәттердің бірі – дәстүрлі соңғы қоңырау соғу салтанаты. Бұл жазғы демалысқа және алаңсыз қызықты күндердің куәсі болуға асыққан бүлдіршіндердің сағынған күміс күйі.

2014-2015 оқу жылының соңғы қоңырауын 9-сыныпты үздік бітіріп отырған оқу озаты Маженов Айдос және 1сыныптың оқу озаты Салихова Сабина соғады.

Шешек атар жас дәуреннің жыры әлі,

Қоңыраудың үнін аңсап тұрады.

Өмірлерің күндей нұрлы болсын деп,

Сыңғырлайды қоңыраудың жыр-әні.

11. Жабылуы. Көгершін ұшыру сәті. «Ақ көгершін» әні ойнап тұрады. 9- сынып оқушылары ортаға шығып көгершін ұшырады.

Биік ұш бейбітшілік көгершіні,

Асып өт нелер мұхит, не бір шыңды,

Қаққанда қанатыңды бірге естілсін,

Әлемге жас ұрпақтың өрлі үні.

Аяулы шәкірттер! Әрқашан көгершіндей қанаттарың талмай, биікке самғап ұша беріңдер!

12. Гимн

Осымен, «Құлақтан үнің кетпестей сыңғырла соңғы қоңырау» атты салтанатты жиынды жабық деп жариялаймыз.

Жазғы демалысты көңілді өткізіп, жаңа оқу жылында жаңа күш- жігермен оралуларыңызға тілектеспіз. Қош, сау болыңыздар!