Материалдар / «Сөз таптарының грамматикалық сипаты»

«Сөз таптарының грамматикалық сипаты»

Материал туралы қысқаша түсінік

Қазақ тілінен курс сабақтарын оқытудың негізгі мақсаты – ана тілінің қоғамдық-әлеуметтік мәнін терең игерген, тілдің қызметін жүйелі меңгерген, білімді де білікті дара тұлғаны даярлауға мүмкіндік жасау.

Абдирова Гүлсара Мамбеталиевна

Автор материалды ақылы түрде жариялады. Сатылымнан түскен қаражат авторға автоматты түрде аударылады. Толығырақ

01 Ақпан 2018

1561

3 рет жүктелген

Қазақ тілі Авторлық бағдарлама 7 сынып

770 ₸

Бүгін алсаңыз
+39 бонус беріледі
Бұл не?

Бүгін алсаңыз +39 бонус беріледі Бұл не?

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

Жамбыл облысы, Жамбыл ауданы әкімдігі білім бөлімі « Гродеково орта мектебі » КММ

АВТОРЛЫҚ БАҒДАРЛАМА

«Сөз таптарының грамматикалық сипаты»

7-сынып

Авторы: Қазақ тілі мен әдебиеті пәнінің мұғалімі Абдирова Гулсара Мамбеталиевна

2017 жыл МАЗМҰНЫ І БөлімОқу бағдарламасы ---------------------------------------------------------------------- 2-15 бет;

ІІ БөлімМұғалімге арналған әдістемелік құрал ------------------------------------------

ІІІ БөлімОқушы дәптері -------------------------------------------------------------------------

Пайдаланған әдебиеттерМұғалімдер пайдаланатын әдебиеттер тізімі -----------------------------------Оқушыларға ұсынылатын әдебиеттер тізімі -------------------------------------

Қазақ тілі мен әдебиеті пәнінің мұғалімі Абдирова Гулсара Мамбеталиевнаның «Сөз таптарының грамматикалық сипаты» тақырыбындағы авторлық бағдарламасына

П і к і р «Сөз таптарының жасалу жолдары» тақырыбындағы авторлық бағдарламада қамтылған әр тақырыптың мазмұны жаңартылған білім мазмұнына сәйкес тереңдетіліп, қазақ тіл білімінің интерактивті әдістерін және деңгейлік тапсырмалар арқылы оқушыларға түсінікті деңгейде көрсете білген. Оқушыларға 6- сыныпта алған білімдерін пысықтау, жинақтау мақсатында - өз бетінше білімін тексеруге, қателіктерді жібермеуге үйретеді. Атап айтқанда, теориялық ережелерді түсіну, жаттау арқылы есте сақтау қабілетін арттыру, сауаттылық дағдысын жетілдіру және оны практикада тиімді қолдану. Автор бұл бағдарламасында сабақта оқушыларға жан-жақты білім берумен қатар тілдік дағдыларын қалыптастыру мақсатында тақырыптың оқытылу мақсатын нақты ашып көрсеткен.Оқушылардың білім –білік дағдысы тоқсандық ,тарау бойнша тест сұрақтары, деңгейлік тапсырмалар арқылы жиынтық бағалау арқылы тексеру, күтілетін нәтижеге жету жолдары көрсетілген. 1.Сабақ соңында оқушылардың білім-білік дағдысын тексеру мақсатында тест бойынша сараптау жүргізіліп, дұрыс жауаптар арқылы бағаланған, өзін-өзі бағалау мен өзара бағалау жүргізіледі. 2.Тарауды қайталау барысында өзіндік- шығармашылық жұмыстар берілген .3.3 деңгейден тұратын деңгейлік тапсырмалар күрделенген оқу тақырыптарын қалай меңгергенін тексеру мақсатында жүргізілген. 3 деңгейден тұрады. 1-деңгей –танып, білу 1- деңгей -6 ұпай 2-деңгей –есте сақтау 2-деңгей –8 ұпай 3-деңгей –түсіну 3-деңгей –10 ұпай

Пәннің оқу әдістемелік қамтамасыз етілуі:

жазба жұмыстары ;

тестер ;

мәтіндер;

деңгейлік тапсырмалар;

сұрақ-жауаптар;

ПӘНАРАЛЫҚ БАЙЛАНЫСТАР:

1.Қазақ тілінің сөз байлығы. Стильдер, тұрақты тіркестер. 2.Қазақ әдебиеті пәні. Бұл бағдарламадан алған білімдері арқылы оқушылар мектеп бағдарламасындағы тіл білімінің грамматика саласы–морфология тарауындағы өткен материалдарды еске түсіріп, тиімді тәсілдерді меңгеруге қажет біліктері мен пәндік бейімділіктерін арттырады. Сондай-ақ, бағдарламада оқушылардың қызығушылығы мен таным белсенділігін арттыратын материалдар, жаттығу жұмыстары келтірілген және қазақ тілі пәнінен келетін тест сұрақтарын шешуге, оқу сауаттылығын арттыруға септігін тигізеді. Оқушыларға берілген тапсырмалар оңай түрінен күрделі түрлеріне қарай құрылған. Бұл бағдарламаның құрылымы мұғалімнің сабақты нақты жоспарлап, оқушылардың сыныптағы және өз бетінше оқып үйрену қызметін белсенді етуіне және қазақ тілін оқудың сапасын көрсетуде көмегін тигізеді.

Пікір білдіруші Тараз Инновациялық-Гуманитарлық университеті, «Филология» кафедрасының доценті , филология ғылымдарының кандидаты, профессор Абилов М.

Жамбыл ауданы әкімдігі білім бөлімі, Гродеково орта мектебінің қазақ тілі мен әдебиеті пәні мұғалімі Г.Абдированың «Сөз таптарының грамматикалық сипаты» тақырыбындағы авторлық бағдарламасына

ПІКІР Қазақ тілі пәнін жетік меңгерту - тіл мәртебесін көтеретін алғы шарттардың бірі, мемлекеттік тілді қолдану мен дамытуды жүзеге асырудың сара жолы. Ұсынылып отырған бағдарлама «Қазақ тілі» пәнінің морфология саласы онын ішінде сөз таптарының жасалу жолдары бойынша авторлық бағдарламасында оқу үрдісін оқушылардың жеке басының дербес және дара, жас ерекшеліктерін ескере отырып, олардың танымдық, шығармашылық қабілеттерін арттыру мақсатында ұйымдастырудың жолдары айқындалады. Оқушылардың пәнге қызығушылықтарын арттыруда оқушы мен мұғалім, оқушы мен ата – ана арасында байланыс нығайып, көрген – білгенді көкейге тоқып, көп үйреніп ізденудің нәтижесінде шебер сөйлеуге жаттығып, танымдық, шығармашылық қабілеттері артады. Ал, тәжірибе көрсеткендей, шығармашылықпен жұмыс жасаған оқушының дүниетанымы кеңейіп, алған білімін өмірде қолдана білуге дағдыланады.. Бағдарламада ұсынылып отырған деңгейлік тапсырмалар зерттеуге бағытталған және ұтымды ойлау дағдыларын дамытуға әсер етіп, нәтижесін болжай білу қабілетін қалыптастырады.Бағдарламада курстың мақсаты мен міндеттері және күтілетін нәтиже айқын көрсетілген, орындалатын жұмыстар тиімді жоспарланған.

Гродеково ортамектебі директорының ғылыми-әдістемелік ісі жөніндегі орынбасары: Құрбантаева А.Е.

ТҮСІНІК ХАТ Бүгінгі таңда болашақ қоғам иелерін тәрбиелейтін жалпы білім беретін мектептерде оқытылатын қосымша қазақ тілінен қолданбалы курс сабақтарының маңызы үлкен. Мектеп жасындағы балалар «Қазақ тілі» пәні және қосымша қолданбалы курс , таңдау сабақтары арқылы тілдің үш түрлі қызметін: теориялық- практикалық мәселелердің білімдік қызметін, жалпы адамзат баласы жинаған тарихи, рухани, мәдени мұраларды тіл арқылы меңгеруге болатынын және өз ойын жеткізудің, өзін танудың негізгі құралы тіл екендігіне көз жеткізетін танымдық қызметін, қосымша материалдар арқылы алған білімін практика жүзінде қолдана алатын іскерліктерін жетілдіруге бағыттайтын коммуникативтік қызметін үйренеді.Қазақ тілінен курс сабақтарын оқытудың негізгі мақсаты – ана тілінің қоғамдық-әлеуметтік мәнін терең игерген, тілдің қызметін жүйелі меңгерген, білімді де білікті дара тұлғаны даярлауға мүмкіндік жасау.Бұл мақсатты орындау үшін төмендегідей танымдық және практикалық бағыттағы бірнеше міндеттер көзделеді.Оқушыларға тіл білімі салалары бойынша терең теориялық білім беруде «Сөз таптарының жасалу жолдары» курсының алар орны ерекше. Оқушылар деңгейлік тапсырмалар арқылы өз білімін жетілдіреді, сөздік қоры молаяды.«Сөз таптарының грамматикалық сипаты» курсын жан-жақты игеру үшін оқушылар сөз таптарын жан-жақты меңгеруі қажет. Танымдық бағыт бойынша:

сөз таптарының тіл білімі жүйесіндегі грамматикалық ерекшелігін түсіндіру;

оқушылардың логикалық ойлауын, шығармашылық қабілеттерін жетілдіру;

оқушының рухани дүниесін жетілдіру, ұлтжандылыққа тәрбиелеу;

пәнаралық байланыс арқылы қоғам, табиғат туралы ұғымын кеңейту.

Практикалық бағыт бойынша:

оқушының сауаттылығын арттыру, әдеби тіл нормаларын меңгерту;

тіл мәдениетін қалыптастыру, ауызекі сөйлеу, жазу дағдыларын жетілдіру;

оқушының таным деңгейін, сөйлеу тілін, сөздерді орынды қолданып, сөйлемді дұрыс құрастыру, ойын жеткізе білу іскерлігін дамыту барысында шығармашылық жұмыстар мен практикалық жұмыстарға кең орын берілген. Жаттығу жұмыстары қазақ халқының табиғатты қорғау, аялау дәстүрлері, көрнекті тұлғалар туралы мәліметтер берілген. Әдеби тіл нормаларын қалыптастыру барысында деңгейлік тапсырмалар, тест жұмыстарын орындайды.

ОҚУ ПӘНІНІҢ МАҚСАТТАРЫ МЕН МІНДЕТТЕРІ

МақсатыМектеп бағдарламасында қарастырылмаған материалды оқушылардың ізденімпаздықпен зерттеп, қосымша деректермен толықтырып, өз білімін байыта алуы; ауызша, жазбаша жұмыстарды орындау, күрделілігі әр түрлі тақырыптар арқылы оқушылар іс - әрекет барысында материалды оқып үйренеді, дедукциялық және индукциялық қорытындылар жасайды, кері рефлексия жасауға дағдыланады.

Міндеттері:

Ана тілінің қоғамдық - әлеуметтік мәнін түсіну.

Күрделілігі әр түрлі деңгейлік тапсырмалар арқылы материалды меңгеру.

Ойын сауатты ауызша (жазбаша) айта да, жаза да білу, байланыстырып сөйлеудегі тіл мәдениетін қалыптастыру және дамыту, өзіндік ой-пікірін дәйекті, жүйелі айта білуге баулу болып табылады.

Күтілетін нәтиже:1.Оқушылар тақырыпты қайталау, пысықтау арқылы білімін жетілдіреді.2. Тест тапсыруда психологиялық тұрғыдан өзін-өзі жан-жақты дайындайды.3. Жан –жақты білімге бәсекеге қабілеттілігі қалыптасады.4. Ана тілі мен әдебиетін құрметтеп, оны дамытуға үлесін қосады.

«СӨЗ ТАПТАРЫНЫҢ ГРАММАТИКАЛЫҚ СИПАТЫ» КУРСЫ ТАҚЫРЫПТАРЫНЫҢ МАЗМҰНЫ Жылдық – 34 сағат, аптасына 1 сағат. 1. Морфология, сөз таптары туралы түсінік - 1 сағат Қазақ тіліндегі кейбір сөз таптарына деңгейлік тапсырмалар арқылы жасалу жолдарын танып-білуге,талдау жасатуға үйрету.2.Сабақты және салт етістік- 2 сағат Олардың субъекті мен объектіге қарым- қатынасы3.Етіс, оның түрлері - 2 сағат Етістердің етістіктің өзге түрлерінен ерекшелейтін сипаттары. Етістердің субъекті мен объектінің амалға қатысын, керісінше, амалдың субъекті мен объектіге қатысты грамматикалық сипаты. Етіс жұрнақтарының мағыналары мен қызметіне қарай бірнеше түрге бөлінетіндігі. 4.Тіл мәдениеті -1 сағат Ауызша және жазбаша жұмыстар (тыңдалым , оқылым дағдыларын дамыту)5.Есімше, оның жасалуы мен түрлері -3 сағат Есімше. Есімшелердің етістіктен қосымшалар арқылы жасалатындығы. Есімшенің етістікке де, сын есімге де қатыстығы жайында мағлұмат беру.6. Көсемшенің жасалуы мен түрлері. Есімше мен көсемшенің қолданылуы аясы және өзіндік ерекшеліктері - 4 сағат 7. Тұйық етістік .Тұйық етістіктің емлесі - 4 сағат Тұйық етістіктің өзіндік ерекшеліктері. Әңгімедегі етістіктердің құрамына талдау жасатып, жұрнақтардың беретін мағыналары мен қызметтерін білгізу. 8. Үстеу, ерекшеліктері, басқа сөз таптарымен тіркесіп қолданылуы - 12 сағат Үстеулердің мағына жағынан заттың қимылының, іс - әрекетінің және заттың сынының әр алуан белгілерін білдіру үшін қолданылатындығы. Үстеулердің сөйлемде етістікті сипаттайтындығы , яғни істің, қимылдың мән – жайын, амалын, мезгілін, мекенін білдіретіндігі. 9.Еліктеу сөз, олардың мағыналық және қолданылу ерекшеліктері. Дыбыстық еліктеуіш сөздер мен бейнелеуіш сөздер- 4 сағат. Еліктеуіш сөздердің құрамы, жасалу жолдары. Еліктеуіш сөздер және бейнелеуіш сөздер. Екеуінің арасындағы мағыналық жақындықтар мен айырмашылықтар 10.Қорытынды - 1 сағат . Алған білімдерін бақылау сынақтар арқалы қорытындылау. ОҚУШЫЛАРДЫҢ БІЛІМДІЛІК ДЕҢГЕЙІНЕ ҚОЙЫЛАТЫН ТАЛАПТАР:

Білуі тиіс:

сөздердің жасалуы мен түрлену заңдылықтарын;

әр сөз табының жасалу ерекшелігін мен олардың сөйлеу тіліндегі мәнін түсіну;

тілдік ұғымдарды игеру, дұрыс қолдана білу.

Меңгеруі тиіс:

мәтіндегі етістік ,еліктеу сөз ,көсемше мен есімшенің түрлену жолдарын білуі ;

мәтіннің жанрлық түріне сәйкес қосымшалардың қолдану ерекшелігін ажыратуы;

мәтіндердің тіліне талдау жасауда, мәтін мазмұнына байланысты өз ойын жеткізуде қосымшалардың беретін грамматикалық мағыналарын білуі.

Түсіндіре алуы тиіс:

мәтіндегі тірек сөздерді құрамы мен лексика – грамматикалық мағынасына қарай ажыратады ;

мәтіндерге кешенді тілдік талдау жасауда сөз таптарының түрлену ерекшелігін дәлелдейді;

мәтінді құрайтын сөздер тобының әр сөз табына қатысты стильдік бояуын ажыратады.

ЖАҢА БІЛІМДІ МЕҢГЕРУ ДЕҢГЕЙІН БАҚЫЛАУ

Оқушылардың

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!