ТАҚЫРЫПТЫҚ ТӘРБИЕ САҒАТЫ:

«Жеті ата және Тектілік ұғымы»

Топ: ШТБ-21-09

Топ жетекшісі: Маметекова Г.С.

2021-2022 оқу жылы

Жүру барысы:

Ұйымдастыру кезеңі:

Армысыздар студенттер! Бүгінгі ШТБ-21-09 топ студенттерінің қатысуымен ұйымдастырылған тәрбие сағатымызға қош келдіңіздер!

Бүгінгі біздің тәрбие сағатымыз «Жеті ата ұғымы және Тектілік» тақырыбында өтеді. Тәрбие сағатын ашық деп жариялаймыз!

Назерке: Жеті ата дегеніміз не?

• Назерке: Жеті ата — қазақ халқының дәстүрлі салт-санасындағы адамның ата жағынан тегі таратылуының нақтылы жүйесі. Бала өзінен бастап әкесі, атасы, бабасы, т.б., жеті атасының нақтылы есімдерін кішкентайынан жаттап өседі. Бұлардан тараған ұрпақтар бір атаның балалары саналады. Ал екінші жағынан баладан тарайтын ұрпақ әкеден төмен қарай жалғаса береді. Ағайындықтары Жеті атаға толмай жақын-жуықтар бір-бірінен қыз алыспайды.

Шоқан:Тектілік дегеніміз не?

• Тектілік – адам бойындағы асыл қасиеттердің парасаттылықтың үлгісі ретінде ұрпақтан-ұрпаққа рухани сабақтастықпен берілуі. Тектілік құбылысы жақсы адамның кездейсоқ қалыптаспайтынын, ата-бабалардан берілетін дүниетанымдық, ділдік, психологиялық, т.б. бейімділіктері болуға тиістілігін көрсетеді.

Нұрзада: Өз ата-бабасын, жеті атасына дейін білу әрбір азамат үшін міндет болған және сол білігі арқылы ол өз халқының дәстүрін жалғастырып отырған. Мұның өзі қазақтардың этникалық ерекшеліктерін танытады, әрі оның қиын-қыстау кезеңдерде тегінен көз жазып қалмауына және басқа халықтармен ассимиляцияға түсіп кетпеуіне себепші болған. Жеті ата мен ру шежіресін білу көшпелі қоғамда өмір сүрген қазақтар үшін өмірлік қажеттілік болды. Жеті атадан Үш жүзге дейінгі біртұтас туысқандық бітім бірнеше ғасырлар бойы “қазақ халқы — бір атаның баласы, бір тамырдан тараған” деген ұстанымды орнықтырған.

Нұрзада: Жеті атаны білу……

• Назерке: Жеті ата мен ру шежіресін білу көшпелі қоғамда өмір сүрген қазақтар үшін өмірлік қажеттілік болды. Жеті атадан Үш жүзге дейінгі біртұтас туысқандық бітім бірнеше ғасырлар бойы “қазақ халқы — бір атаның баласы, бір тамырдан тараған” деген ұстанымды орнықтырған. Жеті ата — қазақ халқының дәстүрлі салт-санасындағы адамның ата жағынан тегі таратылуының нақтылы жүйесі.

• Шоқан: Осы ұстаным аясында қазақ өмірінің моральдік кодексі, салт-дәстүрі мен тыйым-жораларының негізі қаланған. Сөйтіп туыстық қарым-қатынас қалыптары күнделікті моральдік санаттан бірте-бірте заңдық мәртебеге ұласқан. Мұндай

құқықтар мен міндеттер жүйесі біртұтас әдеп деңгейінде көрініс тапқан. Әдепті бұзғандар қатал жазаланып, ең ақыры туған жерінен қуылған, яғни гипержанұядан аластатылған. Дені дұрыс адам үшін мұнан ауыр, масқара жаза болмаған. Жеті ата ұстанымы бүкіл халықтың бойында еш мәжбүрлеусіз мейлінше тегеурінді рухани бірлік сезімін терең сіңірді. Ол этникалық тұтастықтың қуатты арқауы, темірқазығы болды.

Назерке: Тектілік……

Тектілік адамның ізгілікке, баянды мақсаттарға ұмтылып, жақсы үлгі-өрнек қалдыруынан көрінеді. Ал пендешілік пен нәпсіқұмарлықтың теріс жолына түскен азамат тексіздіктің құрсауына шырмала түседі. Нағыз тектілік сыпайылықтан, кешірімпаздықтан, мейірбандықтан көрініп, осы ізгі ниетпен ешкімді төмендетпей, шеттетпей биіктеуге мүмкіндік береді. Халқының, Отанының мүддесін жоғары қоя білген адамдардың қатары көбейген сайын тектіліктің де қадірі артып, қоғамдағы қайшылықтар шешімі жеңілдейді.

Шоқан: Тектілік туралы қазақша мақал-мәтелдер

• Тілі жоқтың тегі жоқ,
  Тегі жоқтың елі жоқ.

• Тексізден текті тумайды.

• Тегін білмеген теріс бағады.
  
  Тексізді төрге шығарма.

Бейнеролик: https://www.youtube.com/channel/UC3_ULeSqZlBBvwP2tlf2p3A

Сергіту сәті.

Тәрбие сағаты соңында Quizizz векторинасы арқылы ойын ойнату.

Пайдаланылған әдебиеттер:

1. https://kk.wikipedia.org/wik/

2. https://anatili.kazgazeta.kz/news/5554

3. https://bilimdiler.kz/oyin_sayk/kizikti/299-zheti-ata.html

4. https://www.youtube.com/channel/UC3_ULeSqZlBBvwP2tlf2p3A