Су туралы ашық сабақ

Әрекет кезеңдері

Тәрбиешінің әрекеті

Балалардың әрекеті

Мотивациялық қозғаушылық

Қане балалар бәріміз орнымыздан тұрып су туралы жаттаған тақпағымызды айтып жіберейікші.

Жуын жуын күнде сен,

Жуынамын күнде мен.

Жуын тамақ алдындда,

Жуын тамақ соңында.

Балалар орындарынан тұрып су туралы жаттаған тақпақтарын айтады.

Ұйымдастырушы-

лық

ізденушілік

Үнтаспадан сылдырап аққан судың дыбысын тыңдату.

Балалар жайғасып отырып,көзімізді жұмайықшы,еркін отырамыз.

Осы кезде музыка қосылып, релаксациялық жаттығу жасалады .

Аспандағы күн біздің денемізге шуағын шашып тұр. Күн мені жылытты,таза ауамен дем алдым,айналымда сарқырап су ағып жатыр .Суға беті-қолымды жудым. Таза суынан іштім. Су сондай тап-таза, мөп-мөлдір екен. Енді балалар көзімізді ашайық. Көз алдарыңа нені елестеттіңдер?

Суды,таза ауаны .

Өте жақсы бүгін жаратылыстану сабағынан осы су туралы үйренетін боламыз.Балалар біз суды не істейміз?

Ішеміз, онымен беті-қолымызды жуамыз.

Дұрыс айтасыңдар. Ендеше мен сендерге осы су туралы түсінік берейін. Су –тіршілік көзі. Көп тамшыдан су пайда болады. Ол жаңбыр болып жерге түседі. Арық болып өзенді құрайды. Жердің көп бөлігін су алып жатады екен. Су көк түспен белгіленеді. Суды тамаққа пайдаланамыз,кір жуамыз , жеміс-жидектерді жуамыз, шөлімізді басамыз, гүлдерге су құямыз,ойыншықтарды жуамыз.

Сусыз ешкімде өмір сүре алмайды. Сондықтан да суға қоқыс тастамау керек. Суды ластамау керек.Қане балалар мен сендермен сармандық жұмыс жасауға барайықшы.

Сарамандық жұмыс.

1 - тәжірибе: «Су мөлдір»
Балалардың алдында екі шыны ыдыс тұрады, біреуіне су, ал екіншісіне сүт құйылған. Екі ыдысқа да қасық салып, қайсысынан көрінетінін, қайсысынан көрінбейтінін бақылайды (суы бар ыдыстан қасықты көруге болады, ал сүт тұрған ыдыстан қасық көрінбейді).
2 - тәжірибе: «Суда дәм жоқ»
Балалар түтікше арқылы су ішіп көреді. Онда дәм бар ма? Су дәмсіз.
3 - тәжірибе: «Судың иісі жоқ»
Балалар суды иіскеп көреді, судың иісінің жоқ екенін сезінеді.
4 - тәжірибе: «Мұз - қатты су»
Балалар ыдысқа салынған мұздың ерігенін бақылайды.
Шешім: мұз, қар - бұл да су.
5 - тәжірибе: «Су сұйық - сондықтан ағады»
Балаларға стақандағы суды екінші бос стақанға төкпей - шашпай құюды ұсынамыз. Су аға ма? Неліктен? Өйткені ол сұйық.
Егер ол сұйық болмаса өзендерден, краннан аға алмас еді.
6 - тәжірибе: «Суда кейбір заттар ериді, кейбір заттар ерімейді»
Суы бар екі стақан алып біреуіне құм салып, қасықпен араластырып көреді.
Құм еріді ме?
Екінші стақанға қантты саламыз, не өзгерді? Қай стақандағы еріді?
Біз қантты шайға күнделікті қосамыз, егер ол суда ерімесе онда адамдар тәтті шай ішпес еді.
7 - тәжірибе: «Су сіңгіш»
Топырақ немесе құмға салынған ыдысқа графиндегі суды құямын.
Су сіңді ме? Құмға және топыраққа су жақсы сіңеді.
(тәжірибе соңында сулы майлықпен қолымызды сүртеміз).

Мінеки балалар көрдіңдер ме судың қасиеттері өте көп екен. Қане шаршадыңдар ма, шаршасақ сергіту жаттңуын жасап дем алып алайық.

Сергіту сәті:

Жып-жылы таза суда,

Балық жүзіп барады.

Біресе керіледі,біресе созылады.

Ал бірде құмға тығылады.

Жақсы енді балалар мен сендермен ойын ойнағым келіп тұр,сендердің ойнағыларың келе ме?

Олай болсаойын ойнайық.Ойынымыз «Су кімдерге немесе нелерге қажет?деп аталады.

Ойынның мақсаты:Балалардың есте сақтау,ойлау қабілеттерін дамыту.Су туралы түсініктерін молайту.

-Балалар бізге су қажет пе екен?

-Сумен не істейміз?
- Судың дәмі бар ма?
- Судың дәмі жоқ.
- Судың иісі бар ма?
- Судың иісі жоқ
- Судың түсі жоқ, ол мөлдір.

-Мінеки балалар судың пайдасы өте көп екен. Сусыз өмір сүре алмайды екенбіз.

Балалар ненің дыбысы екенін айтады .

Релаксациялық жаттығуды жасайды.

Оқу іс-әрекетін қызыға тыңдайды.

Сарамандық жұмысты қызыға тыңдап үйренеді.

Сергіту сәтін қимылмен жасайды.

Ойын арқылы судың кімдерге,нелерге қажет екенін ажыратты.

Сұрақтарға жауап беруге тырысады.

Рефлексивті түзетушілік

Оқу іс-әрекетіне жақсы қатысқан балаларды мақтап-мадақтап,оқу іс-әрекетін аяқтау.

Мақтап-мадақтағанға қуанады.