Шымбұлақ. Сабақ жоспары. 9 - сынып

Күні сынып, пәні

09 .10.2015

9б

Қазақ тілі

Сабақтың тақырыбы

«Шымбұлақ» тау шаңғы курорты. Септеулік шылау.(1сабақ)

Сабақтың мақсаты

«Шымбұлақ» тау шаңғы курорты туралы айта білуге үйрену

Күтілетін нәтижелер

а) жаңа сөздермен танысып, жай сөйлем құрастыра алады;

в) кешен туралы әңгімелеп, күрделі сөйлем құрастыра алады;

с) тақырып төңірегінде талқылап, әңгіме құрастыра алады

Сабақ түрі

жаңа сабақ

Қолданатын әдіс -тәсілдер

«Ыстық алақан»,«Серпілген сауал», «Миға шабуыл», «Суретті сөйлет», «Ойлан. Бірік. Бөліс», «Мен саған, сен маған»,«Көршіңе айтып бер»,«Кір жаятын жіп».

Жеке, жұптық, топтық жұмыс, диалогтік оқыту.

Сабақ барысы

Мұғалім әрекеті

Оқушы әрекеті

Кіріспе

1.Психологиялық ахуалды жақсарту мақсатында «Ыстық алақан» тренингті өткізу. Шеңберде тұрып, оқушыларды қолдарынан ұстатып, бір- біріне тілек айтқызу, назарларын сабаққа аудару.

Гүлдерді таңдап, жұпқа бөліну:

1жұп-сары, 2 жұп-жасыл, 3жұп-көк, 4жұп-қызыл, 5жұп-ақ

Жұмыс істеуге дайындалады, топ ішінде өзара ыңтымақтастық қарым-қатынас орнығады.

Танысты

рылым

Үй тапсырмасын тексеру:

а) сұрақ жауап жүргізу:

Өткен сабақта не туралы әңгімеледік?

Қандай ережемен таныстық?

ә)«Серпілген сауал» әдісі арқылы өткен сөздер мен сөз тіркестерді қайталау. Ережені қайталап айту.

(Оқушылар ортаға шеңберде тұрып, бір біріне доп лақтырып, сөз, сөз тіркестерін, ереженің басын айтады, доп ұстаған оқушыдан аудармасын не жалғауын сұрайды)

б) дәптерлерімен алмасып, тапсырманың орындалуын тексереді:

1.нәтиже сабақ тапсырмаларының орындалуы;

2. тарау бойынша тапсырмалардың құрастырылуы;

3. құрастырған тапсырмаларды орындайды.

Оқушылар ойланып, кезекпен өткенді айтады

Сұрақ қойып, жауап алады

Жұпта бірін бірі тексереді, тапсырмаларды орындайды, бағалайды

Негізгі

бөлім

Жаңа сабаққа кіру:

1.Кіріспе:

а)Суреттер арқылы тақырыпты анықтау.

Тарау тақырыптарымен таныстыру

ә)Сабақтың мақсатымен таныстыру (тақтада)

б) «Миға шабуыл» әдісі арқылы білімдерін саралау.

Сұрақ: «Шымбұлақ» тау кешені туралы не білесіңдер?

(ассоциациялық тізбекті толтырып, айту)

2. Мұғалімнің оқушыларға сыйы:

(«Шымбұлақ» тау кешені» презентациясы)

«Шымбұлақ» Алматы қаласының Іле Алатауында «Медеу» мұз айдынынан жоғарырақ орналасқан тау кешені. Тау кешені Іле Алатау ұлттық паркінің 2200-2500 м биіктігінде орналасқан. Ауа райының температурасы жазда +20, қыста + 7 градус . Шымбұлақ орналасу жерімен және табиғатымен қараша мен наурыз айлары аралығында шаңғышыларды қызықтырады.

3.Сөздікпен жұмыс:

Тау шаңғы - горнолыжный

Кешен - комплекс

Жаттығу - упражнение

Жаттықтырушы - тренер

Жаттықтыру - тренировать

Жарыс – соревнование

Шаңғы тебу – кататься на лыжах

Сырғанау – кататься (санки, сноуборд)

а) сөздерді қайталап айту, жұппен, топпен айту;

ә) «Ойлан. Бірік. Бөліс» әдісі бойынша жұптық жұмыс жүргізу: сөздермен сөз тіркесін не сөйлем құрастырып, тақтаға, дәптерге жазу.

4. Мәтінмен жұмыс:

Сыныпты қызыл, сары үшбұрыштар арқылы екі топқа бөліп, мәтінмен жұмыстану:

а) «Көршіңе айтып бер» әдісі бойынша мәтінді екі бөлімге бөліп жұмыстану (оқу, талдау, постер толтыру, қорғау)

Тау шаңғы кешені 1954 жылы ашылды. Шымбұлақ -Совет Одағының шаңғышылары үшін жаттықтыру кешеніне айналды. Мұнда Қазақстан мен Совет Одағы республикаларының талай жарыстары өтті. 1976-1983 жылдары 200 орынға қонақ үй ашылды.

Шаңғы жолдың ұзындығы 3500 метр, ені 25 метр. Жоғарыға канаттық жол арқылы көтерілуге болады. Оның үш сатысы бар. Біріншісінде шаңғы, шана, сноуборд алуға, қонақ үйге орналасуға болады. Екіншісінде тау жолдың ортасына шығып, төмен сырғанап түсуге болады. Сонымен қатар бұл жерден тау жолдың ең жоғары сатысына шығуға болады.

ә) «Мен саған, сен маған» әдісі арқылы топтар бір біріне сұрақ қойып, жауап алады, диалог жүргізеді.

5.Сергіту сәті: Қаражорға биі.

6. Суретпен жұмыс: «Суретті сөйлет» әдісі арқылы деңгейлік тапсырманы орындау: деңгейді таңдап, деңгей бойынша жұптасу, топтасу:

ІІІ деңгей: сурет бойынша сөздерді, сөз тіркестерін, сөйлем құрастыру;

ІІ деңгей: сурет бойынша диалог құрастыру;

І деңгей: сурет бойынша әңгіме құрастырып жазу, болашаққа болжау жасау

Оқушылар кезекпен ойларын айтады

Жеке ойланып, жұпта талқылап, ойын ортаға салады, тізбекті толтырады

ойларын ортаға салып, әңгімелеп айту

Топтық жұмыс

жұптық жұмыс

Топқа бөліну, жұмыстану, шапалақ

Диалог жүргізу

Би билеу

Деңгейлік тапсырмаларды орындау

7. Грамматикалық тақырыпты түсіну:

а) мысалдар арқылы ереже шығару:

спорт туралы, тауға дейін, жарыстан кейін, шаңғымен қатар.

Қаладан тауға дейін автобуспен барасың.

Канаттық жол арқылы тауға шығасың.

Көтерілгеннен кейін шаңғы тебуге болады.

ә) ережені оқу, «Ойлан. Бірік. Бөліс» әдісі бойынша ереже шығару, мысалы келтіру:

Септеулік шылау сөз бен сөзді сабақтастыра байланыстырады. Ол Атау, барыс, шығыс, көмектес септіктерде тұрған сөзбен тіркеседі.

Түсінгендерін айтады, мысалы келтіреді

Қорытынды

1.«Кір жаятын жіп» әдісі:

Сұрақ: Шымбұлақ қандай жер?

2. Кері байланыс жүргізу.

«не білемін? Не білдім? Не білгім келеді?»

3.Қорытынды баға шығару, сабаққа белсене қатысқан оқушыларды мадақтау.

4.Үйге тапсырма: мәтінді оқып, мазмұнын айта білу, «Жеңіл, қиын сұрақтар» жазу, ережеге мысалы жазу (10 сөз), тақырып бойынша қосымша мәлімет табу

Жауаптарын стикерге жазып, іледі

Ауызша ойларын айтады.

Бір бірін бағалайды