Сынып сағаты, "Қоғамға қызмет ету" волонтерлық қызмет.5 сынып

Сабақтың кезені/ уақыт

Педагогтың әрекеті

Оқушының әрекеті

Ресурстар

Ұйымдастыру кезеңі.

Сабақтың басы.

3 минут.

Оқушылармен амандасу, сыныптың тазалығын және сабаққа дайындығын тексеру.

- Оқушылардың назарын сабаққа аудару.

Пазл әдісі.

Оқушылар өз пазлдарының бөліктерін тауып, сол арқылы топ құрады. Бұл әдіс ынтымақтастықты дамытады

Сабақтың тақырыбын жариялау.

Волонтерлық қызметтің маңыздылығы мен қоғамға пайдасы туралы қысқаша түсіндіру.

«Волонтерлік» ұғымы латын тілінен аударылғанда – voluntarius «ерікті» мағынасын білдіреді. Волонтерлер (еріктілер) алуан түрлі қызмет үлгісін көмек ретіндегі көрсетеді. Қызмет тегін жүзеге асады. Кез келген адам еркіне қарай волонтер бола алады. Егер өзіңіз не серігіңізбен айналадағы қоқысты жинасаңыздар, экологиялық волонтерлік деп атауға болады. Демек волонтерлық қызмет – елдің әлеуметтік, мәдени, экономикалық және экологиялық дамуына әсер ететін күш.

Кеңінен таралған волонтерлік қызметтер:

* Қоршаған ортаны сақтау: қорықтарды, өзен-суларды, жан-жануарларды аңшы-балықшы-броконьерлерден қорғау қызметі

* Табиғи және әскери апат кезінде жапа шеккендерге көмек көрсету: психологиялық жәрдем, сауда-саттықпен көмектесу, тамақ дайындау, бұзылған объектілерді қайта қалыпқа келтіру, жоғалғандарды іздестіру, медициналық қолдау.

* Табиғи және техногенді апат алдын алу: адамдарды қауіпсіз аймаққа көшіру.

* Білім беру саласын, инновацияны және ғылымды дамыту: мектепте, балабақшада, колледж, университет және түрлі кәсіби клубтарда қызмет ету.

* Тарихи және мәдени ескерткіштерді сақтау: нысанды қалпына келтіру жұмыстарына ат салысу.

* Маңызды іс-шаралар ұйымдастыру: спорттық, мәдени, білім беру саласындағы шараларға қатысу.

* Мүмкіндігі шектеулі жандардың ішкі потенциалын ашу: көрме ұйымдастыру, шеберлік сыныптарын өткізу.

Пазл әдісі

Оқушылар пазлдар арқылы топқа бөлінеді.

Сабақтың ортасы. 30 минут

Миға шабуыл:

- «Волонтер деген кім?» деген сұрақ қойып, оқушылардың пікірлерін тыңдау.

- Оқушылардың жауабын қорытындылау арқылы волонтердың негізгі қызметтерін анықтау.

Топтық жұмыс:

1. Оқушыларды топқа бөлу.

2. Әр топқа мынадай тапсырма беру:

- Волонтерлық қызметтің қандай түрлері бар екенін анықтау.

- Өз мектебіңде немесе қалаңда волонтер болып қандай көмектер көрсете алатыныңды ойлап, топпен талқылау.

3. Топтық жұмысты қорытындылау. Әр топ өз жұмысын қорғап, нәтижелерін сынып алдында бөліседі.

Пікірталас:

- «Неліктен волонтер болу маңызды?» деген сұрақ төңірегінде сыныппен талқылау.

- Оқушылардың қоғамға қызмет етудің жеке тұлға мен жалпы қоғамға пайдасы туралы ойларын тыңдау.

Барлық топ сұрақтарға талдау жасайды.

Интерактивті тақта, плакаттар, маркерлер, суреттер.

Сабақтың соңы.

10 минут

«Әлеуметтік желілер: негізгі қауіпсіздік ережелері».

Әлеуметтік желілер қазіргі заманда адамдардың қарым-қатынасы мен ақпарат алмасуын жеңілдеткен маңызды құрал болып табылады. Алайда, әлеуметтік желілерді пайдалану кезінде қауіпсіздік мәселелері де өзекті. Олардың дұрыс пайдалануына байланысты жеке деректеріңіз бен қауіпсіздігіңізді қорғау маңызды.

Негізгі қауіпсіздік ережелері

1. Жеке ақпаратты қорғау:

- Өзіңіз туралы (аты-жөні, мекенжайы, телефон нөмірі, жұмыс орны, оқу орны) жеке ақпаратты жариялаудан сақтаныңыз.

- Профиліңізде тек қажетті ақпаратты бөлісіңіз.

2. Параметрлерді баптау:

- Әлеуметтік желінің конфиденциалдық параметрлерін тексеріп, оларды жеке ақпараттың көрінуін шектеу үшін баптаңыз.

- Достарыңыз бен жазылушыларыңызға кімді қосатындығыңызды мұқият бақылаңыз.

3. Күшті парольдер қолдану:

- Әлеуметтік желіде пайдаланатын парольдеріңізді күрделі етіп жасаңыз.

- Әр әлеуметтік желі үшін бірегей пароль пайдаланыңыз және оны жиі жаңартып тұрыңыз.

4. Фишингке назар аудару:

- Күмәнді сілтемелер мен хабарламалардан аулақ болыңыз. Олар фишинг шабуылы болуы мүмкін, яғни жеке ақпараттарыңызды алуға арналған.

- Электрондық хаттар мен хабарламалардағы сілтемелерді тексеріңіз.

5. Кибербуллингке қарсы әрекет:

- Егер сіз кибербуллингке тап болсаңыз, оны дереу басқалармен бөлісіңіз (ата-ана, мұғалім, достар).

- Құқық қорғау органдарына хабарласыңыз, егер жағдай өте ауыр болса.

6. Достар мен жазылушыларды таңдау:

- Тек таныс адамдармен байланыс орнатыңыз. Жаңа достарды қабылдаған кезде сақ болыңыз.

- Анонимді аккаунттармен қарым-қатынас жасауға сақтықпен қараңыз.

7. Жаңа бағдарламаларды жүктеуден сақтаныңыз:

- Әлеуметтік желілерге байланысты жаңадан шыққан бағдарламаларды жүктеген кезде олардың сенімділігін тексеріңіз.

- Ресми дүкендерден ғана бағдарламаларды жүктеңіз.

8. Бақылау және есеп беру:

- Кез келген күмәнді әрекеттер мен хабарламаларды әлеуметтік желінің әкімшілігіне хабарлаңыз.

- Өз профиліңіздегі әрекеттерді, дос тізіміңізді және жазбаларыңызды жиі тексеріп отырыңыз.

Қорытынды.

Әлеуметтік желілердің қауіпсіздігі жеке ақпараттың қорғалуы мен кибербуллингтің алдын алудағы басты фактор болып табылады. Жоғарыда аталған ережелерді сақтау арқылы әлеуметтік желілерді қауіпсіз және тиімді пайдалануға болады. Өзіміздің және жақындарымыздың қауіпсіздігін сақтау үшін әрқашан сақ болуымыз керек.

Рефлексия

2 минут

Оқушыларға бүгінгі сабақтан не үйренгенін және болашақта волонтер болуға қалай қарайтыны туралы сұраққа жауап алу.